Efesɔ̀s 6:14 - Mundani

¹⁴ Ale, bɨ̀ tɨ̧ɨ̧ ntsɔ̧̀, ngɨ̀ mènəè nkûŋ mɨ̧̂ wuê mbɨ̀Ꞌɨ̀ àleb bɨ kuule a èloŋ lɨ̧ la, mè nɨ̀ mènəè è kùꞋù la mbɨ̀Ꞌɨ̀ àbǎ àtɨ̧ɨ̧na a kaba ghàmnà wɨ̧ la.

Efesɔ̀s 6:14 ပူးပေါင်းရင်းမြစ်များ

Lûk 12:35

“Bɨ̀ tsela àleb a yɨ̧, ntò̧ò̧tè mèkàꞋà mɨ̧ me chɨꞋɨ àghɨa nkɨ̀Ꞌa la,

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

2 Kɔlìn 6:7

mè ndàꞋà èngǎ̧ nkûŋ ane mètàŋ mu Mbɔ̧ɔ̧mà ŋa abua ya la. Mènəè ntsɔ̧̀ ma wu èghɨ èbet ba bèà me nɨa nua èbet Mbɔ̧ɔ̧mà mè nkèla bɔmbù̧ la.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

Efesɔ̀s 6:13

Bɨ̀ ŋeꞋe èghɨ èbet Mbɔ̧ɔ̧mà àfɨ̀Ꞌ yaa, mbɨ̀Ꞌɨ̀ è wu ane àlia kàbɔ̀ŋ kɨꞋɨ la, bɨ koê nù wùà tè è me lìa bɨ bela nkwèèla wuê kweele.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

Ètsə 9:17

Ye ndɨ e ndi ndzèa àtsə, ndze bèloà nè bòt a ègwet la. Bòt bu a ègwet bèloà ngaa la, e kwaãaã ètɨ̧ɨ̧na ko bɔ̀ɔ nɨa nkàba bèghèmnà ngà a èbet la, e me beꞋe mbɨ̀Ꞌɨ̀ èwet mè mbɔ kolɔ̀ èwuu èti ko mbɨ̀Ꞌɨ̀ ègwet, mè nè èwuu è le ko kolɔ̀ nàà mbɨꞋɨ̀ àkèndȩ̀mbaŋ la. Ètsə bèloà nga e li ngu mbɨ̀Ꞌɨ̀ ètsə bèsambàŋ, èwet nè ndiꞋtsə mè nè àghaa èkem a me dzəâ a mètsəê mɔb.

Ètsə 9:9

Bɔ li nkàbte bèghèmnà bɔb ane èghɨ ko àa mbɨ̀Ꞌɨ̀ àtɨ̧ɨ̧na la, tèbaabè tɔb te mè me jùꞋu mbɨ̀Ꞌɨ̀ bèmatùà bu bèloà àa səèà la, bɔ nɨŋ me lùùla ngà èbet la.