Efesɔ̀s 5:8 - Mundani

⁸ Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Efesɔ̀s 5:8 ပူးပေါင်းရင်းမြစ်များ

Matìù 3:8

Bɨ̀ ghɨ̌ èghɨ bu àa nyɨ̀Ꞌta nê bɨ waꞋa mènəè kàbɔ̀ŋ mɨ̧ la.

Matìù 4:16

Bòt bu bɔ li ntsèke a èbem ndzěm la, e ye taꞋa èkaꞋà. È me wu èbu bɔ li ntsèke àlaꞋ mbɨ̀Ꞌɨ̀ bɔ wu a èbem ndzěm èvə la, ko èkaꞋà e pùùla abua yɔb.”

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Lûk 16:8

“Tǎt àfàꞋ wu bɨ̧ɨ̧ne ànəa waã àtsəa àfàꞋ bèyuŋ wu è ghɨ̀ la nê tà lâ mbɔ̂ èyì. Nkàà nê, bòt ngɔ̀ŋ yaa aa ngɨ̀à mènəè mɔb ane bèyuŋ tè ntsè bòt Mbɔ̧ɔ̧mà.

Jɔ̌n 1:9

Ngule èkaꞋà wu àa mbaŋe waa waa la, wu wòt wu nkɨ̀Ꞌa a sitsǎꞋ la.

Jɔ̌n 12:35

Yesò bɨ̀ɨ̀lè nê “ÈkaꞋà e bele nè nɨ̧̀ ane ketem àfɨ̀Ꞌ àko. Bɨ̀ me ghȩȩne àfɨ̀Ꞌ yaa èkaꞋà è bele la, mbɨ̀Ꞌɨ̀ ka ndzěm kwene ane yɨ̧. Wòt nàa ngɨ̀ tà me ghȩ̀ȩ̀ne a èbem ndzěm tà kà ko àdziꞋa ye ghà la.

Jɔ̌n 12:36

Bɨ̀ zǐ èntɨ̧ɨ̧ wɨ̧ ane wòt wu tàa ngɨ̀à èkaꞋà e wua la, àfɨ̀Ꞌ yaa bɨ̀ wu ne tò la, mbɨ̀Ꞌɨ̀ etsiꞋi bòt bɔ̀ɔ ntsèka a èbem èkaꞋà la.” Yesò laꞋà èngà̧ waa abua bòt ale, ndɔ̀Ꞌ abot ngà ndò̧ò̧tè àwɔb.

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

Lûm 2:19

À lâ nko àwɔ̀ mbɔŋ nê ye wu wòt yèa mbà̧aã àbu a bòt àghɨ àleme la, mè ngu èkaꞋà abua bòt bɔ̀ wu a èbem ndzěm la,

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Kɔlìn 6:14

Bɨ̀ ka tèm àka nè bòt kà zi mèntɨ̧ɨ̧ mɔb ane Mbɔ̧ɔ̧mà. Kàbɔ̀ŋ bɔ̂ ntsɔ̧̀ nàà kà fɔte àdziꞋ, èkaꞋà bɔ̂ ndzěm è ka wua fɔta àdziꞋ.

Gàlashìà 5:25

Ndɨ̀ wu Fo Mbɔ̧ɔ̧mà ŋa awa mèmpème la, ba bɔ ndɨ bàa me ghɨ̀ mbɨꞋɨ̀ nàa nkɨà la.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Kɔ̀losìà 1:12

mè nkɔ̀ŋkà a Tǎt wa Mbɔ̧ɔ̧mà. Tà ghɨ̂ bɨ kùꞋù bòt bɔ̀ɔ nɨ ayɔb ne àghɨ ayɔɔ èghɨ bu tà nɔŋe abua bòt bi bu bɔ̀ɔ ngȩȩna a èbem kèfɔ̧̀ èkaꞋà tò la.

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.