Efesɔ̀s 5:32 - Mundani

³² Bɔ ghaꞋa taꞋà nkûŋ shu a èbem èngà̧ waa, mâ ko nê e wua ndàꞋà ànəa Yesò Klistò bɔ̂ chɔsì.

Efesɔ̀s 5:32 ပူးပေါင်းရင်းမြစ်များ

Jɔ̌n 3:29

Wòt tà bɔ ndzà la wu lu̧ ndzà mbɔŋ. Shu̧ lu̧ ndzà nàa ntɨ̧a ndzəa àtɔŋ shu̧ zi lu̧ ndzà yu, tà taꞋa wùꞋte àvi. Eyaa wu ndɨ mèngùꞋte lu̧ a èntɨ̧ɨ̧ am la.

2 Kɔlìn 11:2

Bɨ̀ ko nê, mâ lâ mbɔ èntɨ̧ɨ̧ ane yɨ̧ mbɨ̀Ꞌɨ̀ Mbɔ̧ɔ̧mà bɔ la. Mâ nɨ awɨ̧ mbɨ̀Ꞌɨ̀ waàvi angɔ̧̀ kà ko mbâ̧, e ghɨ̌ bɨa yɔꞋɔ wuê mbâ̧ yemɔ̀Ꞌ. Ŋut wu Yesò Klistò à.

Efesɔ̀s 5:31

“Eyaa wu lə bɔ shɨŋ nê, mbâ̧ bɔ ndɨ tàa sǎ tǎt vi bɔ̂ nyɨ̌ vi eghǎ tsəꞋne ane vi vi, bɔ̂ tò aa tsiꞋi àghɨ yeamɔꞋ la.”

Efesɔ̀s 5:33

Ka a wua ndaꞋa abua yɨ̧ mɨ̧̂, nê waa waa ane yɨ̧ bɔ ndɨ tàa me kɔ̀ŋkè vi vi mbɨ̀Ꞌɨ̀ tàa nkɔ̀ŋkà àvi zìambɔŋ la, bèzi mɨ̧̂ è ye nê bɔɔ ndzəa bèlu̧ bɔb.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

Ètsə 21:2

E ndze àpfəèà nɨ̧ a Mbɔ̧ɔ̧mà yu, è wu Jèlusalèm fi la, a lɔ̀Ꞌa abua Mbɔ̧ɔ̧mà a ègwet me chu a si. Bɔ nèètè yùà a tsiꞋi mbɨ̀Ꞌɨ̀ ndzà bɔ wèa tò tà me chɨ̀Ꞌɨ̀ lu̧ vi la.