Efesɔ̀s 5:25 - Mundani

²⁵ Bèlu̧, bɨ̀ me kɔ̀ŋkè bèzi bɨ̧ wuê mbɨ̀Ꞌɨ̀ Yesò Klistò li nkɔ̀ŋkè chɔsì tè mpfə ambo wùà la.

Efesɔ̀s 5:25 ပူးပေါင်းရင်းမြစ်များ

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Efesɔ̀s 5:24

Ale, bèzi è me zə bèlu̧ bɔb ane balu̧ bàgème wuê mbɨ̀Ꞌɨ̀ chɔsì nàa ndzəa Yesò Klistò la.

Efesɔ̀s 5:28

Eyaa wu ndɨ bèlu̧ be bɔ ndɨ bɔ̀ɔ me kɔ̀ŋkè bèzi bɔb mbɨ̀Ꞌɨ̀ bɔ̀ɔ nkɔ̀ŋkà mbɨ̧te ènyit tɔb la. Wòt tàa nkɔ̀ŋkà vi vi la nàà nkɔ̀ŋkà àvi zìambɔŋ.

Efesɔ̀s 5:33

Ka a wua ndaꞋa abua yɨ̧ mɨ̧̂, nê waa waa ane yɨ̧ bɔ ndɨ tàa me kɔ̀ŋkè vi vi mbɨ̀Ꞌɨ̀ tàa nkɔ̀ŋkà àvi zìambɔŋ la, bèzi mɨ̧̂ è ye nê bɔɔ ndzəa bèlu̧ bɔb.

Kɔ̀losìà 3:19

Bèlu̧, bɨ̀ me kɔ̀ŋkè bèzi bɨ̧, bɨ̀ ka me tsoote ane yɔb.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

1 Pità 3:7

Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.