Efesɔ̀s 5:21 - Mundani

²¹ Bɨ̀ me zə bɔnyɨ bɨ̧ nkàà nê bɨa nkùkta Yesò Klistò.

Efesɔ̀s 5:21 ပူးပေါင်းရင်းမြစ်များ

1 Kɔlìn 16:16

Mâ shu̧u̧te awɨ̧ nê bɨ̀ me zə èwuu bòt baa, nè bòt ko tsa bɔ̀ɔ fɔta fàꞋà nè Stefanàs ba la.

2 Kɔlìn 5:11

Ba ko àghɨa màmbɔ kèbɔɔ Mbɔ̧ɔ̧mà wu yùà la, ale baa ŋwète bòt nê bɔ̀ zì mèntɨ̧ɨ̧ mɔb ane Yesò Klistò. Mbɔ̧ɔ̧mà ko àghɨa bà wu yùà la, e mè me mɨ̀ɨ̀te nê bɨ̀a mbɔŋ e ko bòt bà wu bùà la mɨ̧̂.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Efesɔ̀s 5:22

Bèzi, bɨ̀ me zə bèlu̧ bɨ̧ mbɨ̀Ꞌɨ̀ bɨ zə a Lefɨ̀Ꞌ.

Efesɔ̀s 5:24

Ale, bèzi è me zə bèlu̧ bɔb ane balu̧ bàgème wuê mbɨ̀Ꞌɨ̀ chɔsì nàa ndzəa Yesò Klistò la.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

1 Tɔ̀màtià 2:11

Bèzi e buŋ nɨ̀ awɔb a si, bɔ̀ nyɨꞋte awɔb.

1 Tɔ̀màtià 3:4

Ŋut è bɔ̂ ndɨ tàa me koa mbà̧aã lob zi ntsɔ̧̀, mè ngɨ̀ ndɨ bɔ̧ tò àa me nèèta ndzəèa atò la.

Ebùlù 13:17

Bɨ̀ me zə bòt bu bɔ̀ wu àtsəa yɨ̧ la, ngɨ̀à àghɨa bɔ̀ɔ shua la. Bɔɔ̀ mbààba awɨ̧ àfɨ̀Ꞌ àgème kà yètè nkàà nê, bɔɔ li shu a Mbɔ̧ɔ̧mà ndɨ bɔ ghɨ àfàꞋ àyɔb la. Bɨ me zə awɔb ko bɔɔ me ghɨ àfàꞋ àyɔb nè mèngùꞋte, mbə bɨ̀ baka wua ndzəa wɔb, ko bɔɔ me fàꞋa èntɨ̧ɨ̧ wɔb è ka wua mbɔ̀, àyea mbɔŋ à ka wuê etɨŋe awɨ̧.

1 Pità 2:13

Bɨ̀ ghǎ ambo Mbɔ̧ɔ̧mà me zə bòt bu bɔ zì àwɔb bɔ me baãaã àlaꞋ la. Bɨ̀ me zə a empelɔ̀ wu tàa mbà̧aã àlaꞋ mè ngu àtsə àlaꞋ la.

1 Pità 2:17

Bɨ̀ me kukte a waa waa mè nkɔ̀ŋkà bɔnyɨ bɨ̧ bu bɔ̀ wu bòt Yesò la. Bɨ̀ me mbɔ̀a Mbɔ̧ɔ̧mà mɨ̧̂, ndɔ̀Ꞌ nkùkta Fɔ̧̀ nɨ̧.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”