Efesɔ̀s 5:11 - Mundani

¹¹ Bɨ̀ ka ntèm àka nè bòt me ghɨ̌ èghɨ ndzěm bu kà wua ntɨ̀ŋa wòt, bòt àa ngɨ̀à la, ka bɨ̀ ghɨa bòt è ko nê èghɨ mbɔŋ aa mbɨ̀a.

Efesɔ̀s 5:11 ပူးပေါင်းရင်းမြစ်များ

Matìù 18:15

“Wanyɨ wè fà̧ ànəê abua yê à tɔ atò bɨ tò e gha a ntsèm, à shu atò ànəa tà fà̧ la, à shu ale, tà bɨ̧̀ɨ̧̀ne nê ye fà̧, à ko nê yê mê mbɔ atò mbɨ̀Ꞌɨ̀ wanyɨ wè.

Lûk 3:19

Ka Jɔ̌n ŋȩ̀te a Elɔ̀d wu tà wu gɔvanɔ̀ la, nkàà ndɨ tà fǎ Èlɔdìà vi wanyɨ vi, mè ngɨ̀ mènəè kàbɔ̀ŋ kǒ nyaŋ la.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

Lûm 6:21

Àbȩ̀ yu bɨ̀ le wua mbɔ a màngɨa èghɨ bu bɨ tsiꞋa mbɔ àtsəa kɔꞋɔ adù̧ àfɨ̀Ꞌ yaa la wu ghàà? Èghɨ mbɔŋ aa ŋa èvə.

Gàlashìà 6:8

Aa ale nkàà nê, wòt me ghɨ̀ àghɨa mbɨ̧̀ ènyit tò nàa nkɨà la, ko àbȩ̀ atò naa li wu èvə, è me wu wòt wu tàa ngɨ̀à àghɨa Fo Mbɔ̧ɔ̧mà nàa nkɨà la, àbȩ̀ atò wu mèmpème kàlìà.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Efesɔ̀s 5:12

Wu kwàꞋ ànəa àtsəa kɔꞋɔ a màndaꞋa ànəa èghɨ bu bòt àa ndò̧ò̧tà ngɨ̀à la.

Efesɔ̀s 5:7

È wu ale, bɨ̀ ka fɔ̀te àka nè èwuu bòt baa.

Kɔ̀losìà 1:12

mè nkɔ̀ŋkà a Tǎt wa Mbɔ̧ɔ̧mà. Tà ghɨ̂ bɨ kùꞋù bòt bɔ̀ɔ nɨ ayɔb ne àghɨ ayɔɔ èghɨ bu tà nɔŋe abua bòt bi bu bɔ̀ɔ ngȩȩna a èbem kèfɔ̧̀ èkaꞋà tò la.

1 Tèsàlonikà 5:7

Wu ètsəꞋ ka bòt àa ndìa la, è mè ngu ètsəꞋ ka bòt àa nua mbèa la.

2 Tèsàlonikà 3:14

Wòt kǒ ayɔɔ yɨ̧ tu̧u̧ e ghɨ̀ mbɨ̀Ꞌɨ̀ ba shu a èbem àkatè ya la, bɨ nɔ̀ŋè èghɨ ane ŋut, bɨ̀ ka mbɔ̀ àghɨa ko e ghɨ̀ ne ŋut, mbɨ̀Ꞌɨ̀ taa bɔ àtsəa kɔꞋɔ.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

1 Tɔ̀màtià 5:20

È me wu bòt bu bɔ̀ɔ ngɨ̀à mènəè kàbɔ̀ŋ nɨa ngà wuê nè mbì la, à me tsia wɔb a kètsìà bòt ŋȩ̀te awɔb, mbɨ̀Ꞌɨ̀ bòt ko aa ye e bɔɔ.

1 Tɔ̀màtià 5:22

Ko mbɨ̀Ꞌɨ̀ à tèmnê, a mànɔŋa èbu bê àtsəa wòt kǒ nê, tà me fàꞋa àfàꞋ ako ayɔɔ bòt Yesò. Ko mbɨ̀Ꞌɨ̀ à zì àbu ayê a èbem mènəè kàbɔ̀ŋ wòt. Tsì awê a èbem mènəè kàbɔ̀ŋ.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Tȩtɔ̀s 2:15

NyɨꞋte mènəè maa abua bòt. Nɨ nkȩ yê me zì mèntɨ̧ɨ̧ bòt mè nyɨꞋte bòt mènəè bɔ fà̧à̧tè la. Ko mbɨ̀Ꞌɨ̀ à sàŋ wòt kǒ tà me waa awê.

Ètsə 18:4

E mè ndzəè àtɔŋ ko a ègwet a me shu nê, “Bòt bɔ̧, bɨ̀ dzəa a èbem àpfəèà nɨ̧ yu, mbɨ̀Ꞌɨ̀ bɨ fɔtè atò me ghɨa kàbɔ̀ŋ, mbɨ̀Ꞌɨ̀ bɨ ye ngoꞋ yu nàa kɨꞋɨ ane tò la.