27 À ka ŋà èlu̧ abua Satàn tà ghɨ̀ à ghɨa kàbɔ̀ŋ.
Pità bììte a Ànàniàs nê, “Ànàniàs, ghǎ ghɨ̂ ka a ghɨ̀ Satàn nyi a èntɨ̧ɨ̧ wê, tè ngɨ̀ à làꞋà mèfà̧ abua Fo Kèfə, kwat tè ndò̧ àbəèꞋ ane èkab wu bɨ fɨ̧̀ɨ̧̀nè àdziꞋa si yu nɨŋ la à?
Bɔnyɨ bɔ̧, wòt ghɨa kàbɔ̀ŋ ane wòt, tà ka mvəèəè, tà sàŋ Mbɔ̧ɔ̧mà nɨ ntsǒ zi ngɨ̀, wuê mbɨ̀Ꞌɨ̀ Mbɔ̧ɔ̧mà shu bɔ shɨ a èbem Àkata tò la nê, “Wòt tàa vəèəè la wu mmɔ̌. Maa ŋa àbȩ̀ yɔb. Wu Tǎt wa Mbɔ̧ɔ̧mà shua la.”
Bɨ̀ wèè àwɨ̧ nè èghɨ èbet bu ègème Mbɔ̧ɔ̧mà nàa ŋǎ la, mbɨ̀Ꞌɨ̀ me ko nùà nkèla àghɨa Satàn nàa nkɨ e ghɨ̀ ne nɨ̧̀ la.
Bɨ̀ me zì mèntɨ̧ɨ̧ mɨ̧ ane Yesò Klistò àfɨ̀Ꞌ àgème, è wu mbɨ̀Ꞌɨ̀ àbǎ àghɨ yu bèshujà àa ngɨ̀ bɔ bea a èbu bɔb me nɨa ndòꞋa àti a èwet la. Àghɨ yaa aa tɨŋa wɨ̧ e ghɨ̌ bɨa me koa nkèla tèghɔŋke Satàn tu nè èwet adù̧ la.
È wu ale, bɨ zì àwɨ̧ a èten Mbɔ̧ɔ̧mà. Bɨ̀ teme kwèn tɨ̧ ŋǎ abua Satàn, ko taa lùùlà àwɨ̧.
Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.
