Efesɔ̀s 4:24 - Mundani

²⁴ Bɨ̀ bɔ mè ntsìꞋi bòt fi Mbɔ̧ɔ̧mà ghɨ̀ àwɔb nê bɔ̀ wu mbɨꞋɨ̀ zia, me kùŋè alu̧ nkûŋ, è wû ndɨŋndɨ̀ŋ nè màmbɔ mèntɨ̧ɨ̧ kèfə la.

Efesɔ̀s 4:24 ပူးပေါင်းရင်းမြစ်များ

Lûk 1:75

mbɨ̀Ꞌɨ̀ bòt bɔ li tɨ̧ɨ̧ ndɨŋndɨ̀ŋ a mbì li mè mbɔ̀ mèntɨ̧ɨ̧ kèfə ane èli ba a sitsǎꞋ ègème la.

Jɔ̌n 17:17

TsiꞋ èngǎ̧ wê wu è wu nkûŋ la è ghɨa awɔb bɔ̀ tsiꞋi mbɨ̀Ꞌɨ̀ àwɔ̀ nkûŋ nkûŋ.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Lûm 13:12

A bê ntsìꞋi mbɨ̀Ꞌɨ̀ ètsəꞋ e tsi tè àbȩ a bùꞋ me ghaꞋte. È wu ale, bàà waꞋa èbɨꞋte èghɨ bu bàa ngɨ̀à a èbem ndzěm la, mè ngwèè àwa nè èghɨ èbet mbɨ̀Ꞌɨ̀ etaŋke a mànua a èbem èkaꞋà.

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

Lûm 6:4

Ale, bɔ li ntu awa baa tò ba nɔ̂, afɨꞋa bɔ zì awa a èdzî la ale, a wu nê ba li mpfə baa tò ba. A li ngu anè mbɨ̀Ꞌɨ̀ ba tsiꞋi e mě me tseke ane mèntsèke fi, wuê mbɨ̀Ꞌɨ̀ Yesò Klistò li njù̧ù̧me ane ènɨ̧ Tǎt wa Mbɔ̧ɔ̧mà la.

Lûm 7:6

Mbɨ̧ nàà ka tsi nkùùle awa afɨ̀Ꞌ yaa, nkàà nê baa li mpfə ndùùlà àghɨ yu a li mbà̧aã awa mbɨ̀Ꞌɨ̀ bɔtefȩ la. Baà tsiꞋa ngɨ̀à wuê àghɨa alu̧ fi wu Fo Mbɔ̧ɔ̧mà nàa nyɨ̀Ꞌta awa la nàa nkɨa la. Baà ka tsi ndzə ànəa alu̧ nyaꞋ wu bɔ li shɨ a èbem àkata mbɨ̧ la.

Lûm 8:29

Bòt bu Mbɔ̧ɔ̧mà li mbele àfɨꞋa tsa ndà la, tà li nɔ̀ŋè nê bɔ̀ wu mbɨꞋɨ̀ waã vi nàa la, mbɨ̀Ꞌɨ̀ e ghɨ̌ taa wu waã mbì ayɔɔ bɔnyɨ nyaŋ.

1 Kɔlìn 15:53

Aa li wu ale ngu nê, àghɨa àa fìà la, a bɔ ndɨ àa kubte tsiꞋi ayea kà wua fìà la, àyea àa mpfəa la a kubtè ntsìꞋi àyea kà wua mpfəa.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Gàlashìà 3:27

Bɨ̀a wu bɨ̀agème bɔ li ndzì àwɨ̧ a èdzî la bɨ tsiꞋi àghɨ yeamɔꞋ nè Yesò Klistò, mè ntsìꞋa nkùŋà èka tò.

Gàlashìà 6:15

Kò bɔ naŋe wòt kò bɔ bakà naŋe leꞋ, ko àyu ntsě ànəê. NdàꞋ àyea è wu ànəê la wu ndɨ wòt nàa tsiꞋi wòt fi la.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Efesɔ̀s 2:15

Èvə Yesò e li ndzòò èghɨ bu ègème mbɨ̧te Bèjuê te li ngua shua nê bɔ̀ me ghɨ̀ la. Tà li ngɨ̀ anè mbɨ̀Ꞌɨ̀ e ghɨ̌ èndà̧ bebe aa tsiꞋi àndà̧ a fi yeamɔꞋ, ale ngɨ̀ wòt ègème tsiꞋi ane àlàŋkè.

Efesɔ̀s 6:11

Bɨ̀ wèè àwɨ̧ nè èghɨ èbet bu ègème Mbɔ̧ɔ̧mà nàa ŋǎ la, mbɨ̀Ꞌɨ̀ me ko nùà nkèla àghɨa Satàn nàa nkɨ e ghɨ̀ ne nɨ̧̀ la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

2 Pità 1:4

Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.