Efesɔ̀s 4:17 - Mundani

¹⁷ Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Efesɔ̀s 4:17 ပူးပေါင်းရင်းမြစ်များ

Lûk 16:28

na ma bɔ bɔnyɨ bɔ̧ batà̧â̧ la, nkɨ̀ɨ̀te awɔb mbɨ̀Ꞌɨ̀ wòt wɔb kɨꞋɨ̀ àdziꞋa ngoꞋ yàa.’

ÀfaꞋa 14:15

Bɔ̀ gha abot bɔ biite bòt bu nê, “Bèshu̧ ba, bɨ ghɨ̀ na ka me ghɨ̀ èwuu ànəê yaa à? Ba wu bɔbȩ mbɨ̀Ꞌɨ̀ bɨ̀a mbɔŋ? Ba wu a si ŋàa nkɨ etsɔ̀te Ntu̧ Ntsɔ̧̀ Yesò abua yɨ̧, mbɨ̀Ꞌɨ̀ bɨa kubte ane ejuke ènəê baa, etsiꞋi me kùŋè wuê a Mbɔ̧ɔ̧mà yu̧ wu tà ghɨ̀ ègwet nè sitsǎꞋ, mè ngɨ̀ mèleb nè èghɨ ègème aa tèbèm la.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

ÀfaꞋa 2:40

Pità làꞋà mènəè nyaŋ nɨŋ shù̧ù̧te awɔb, mè səèŋkè ètû̧ bɔb nê, bɔ̀ kubte ane mènəè kàbɔ̀ŋ mɔb mbɨ̀Ꞌɨ̀ ngoꞋ yaa nga ekwene a ègwet bòt kàbɔ̀ŋ la, è kwene a ègwet lɔb mɨ̧̂.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

1 Kɔlìn 1:12

Ànəa e shua la wu nê, bɨ wu a mètsəê a mètsəê. Wòt wɨ̧ nàa ngɨ̀ tà nê, “E ngu wòt Pɔ̂l”, wekǒ nê, “E ngu wòt Àpolòs” wekǒ nê “E ngu wòt Pità”, ka nè è we tàa laꞋnê “E ngu wòt Yesò Klistò” la.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

2 Kɔlìn 9:6

Bɨ̀ ku̧u̧te nê, wòt nàa ndìꞋa mpiꞋa, ta fùꞋù mpiꞋa, wòt liꞋi nyaŋ tà fùꞋù nyaŋ.

Gàlashìà 3:17

E ngua anè shua nê Mbɔ̧ɔ̧mà li ngɨ̀ mènkàꞋa kèkweelè mi, mbɔ̂ nê yea ghɨ mbɨ̀Ꞌɨ̀ ye shu la. Ndɨ̀ wu èngùꞋebȩ ènkɨ̀ yekwì nè èghem yetat e li ntsè ka mbɨ̧ tu te kɨꞋɨ̀ la betsiꞋa tè ka tsokè mènkàꞋa kèkweelè mu, eliime ànəa Mbɔ̧ɔ̧mà li nkàꞋ la.

Gàlashìà 5:3

TsiꞋ e mèe shu abua wòt ègème tà bɨ̧ɨ̧nè bɔ naŋe tò la nê, ŋut bɔ ndɨ tàa me nɔ̀ŋe àghɨ àgème mbɨ̧te Musì te shu la.

Efesɔ̀s 1:22

Mbɔ̧ɔ̧mà zi èghɨ ègème a èten èka Yesò Klistò. Tà wu a ègwet àghɨ àgème, wuê mbɨ̀Ꞌɨ̀ tà wu àtsəa bòt chɔsì la mɨ̧̂.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Kɔ̀losìà 2:4

E shua wɨ̧ àyaa mbɨ̀Ꞌɨ̀ ka wòt kǒ nɨ ètsəê nendɨ̧ fɨ̀te awɨ̧ ngɨ̀ bɨ fà̧à̧tè èka bɨ̧.

1 Tèsàlonikà 4:6

Wòt ane yɨ̧ ka fìble wanyɨ vi ngɨ a kàbɔ̀ŋ ane tò, nkàà nê bòt bu bɔ̀ɔ ngɨa kàbɔ̀ŋ la aa li ye ngoꞋ a tèkitebu Mbɔ̧ɔ̧mà mbɨ̀Ꞌɨ̀ ba li ndzaŋe shu awɨ̧ la.

1 Tɔ̀màtià 5:21

Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.

1 Tɔ̀màtià 6:13

E ngu nkɨ e mě shu awê àyaa nè ànəê. E ngua shua a mbì Mbɔ̧ɔ̧mà wu tàa ndzìà fo ane èghɨ ègème la, bɔ̂ Yesò wu tà li ntɨ̧ a mbì Pontìùs Pȩlèt ngàꞋte shu wòt ye wu wùà la.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

1 Pità 1:18

Bɨ ko àghɨa Mbɔ̧ɔ̧mà li ŋa nɨŋ nchùꞋù àtsəa yɨ̧ ngɨ̀ bɨ peme ane èbɨꞋte ènəê bu bètǎt nyaꞋ bɨ̧ e li sa abua yɨ̧ la. È li è kà wu àghɨa ko mbɨ̀Ꞌɨ̀ silbà kò goêl leꞋ, betsiꞋa a bɨ la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.