Efesɔ̀s 4:15 - Mundani

¹⁵ Baa tsiꞋi me nɨ èkɔŋ ndàꞋà mènəè nkûŋ, etsə ane balu̧ bàgème te tsiꞋi mbɨ̀Ꞌɨ̀ Yesò Klistò wu tà wu àtsə la.

Efesɔ̀s 4:15 ပူးပေါင်းရင်းမြစ်များ

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

Lûm 12:9

Bɨ̀ me kɔ̀ŋkè bòt nè nkûŋ, mpààbà àghɨa àa kàbɔ̀ŋ la, mbà̧aã àghɨa àa mbɔ̀ la ntsɔ̧̀.

1 Kɔlìn 11:3

Maà nkɨà bɨa ko nê Yesò Klistò bɔ àtɔŋ a ègwet mbâ̧, mbâ̧ bɔ̀ àtɔŋ a ègwet àvi, Mbɔ̧ɔ̧mà bɔ̀ àtɔŋ a ègwet Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 8:8

E ntsea ŋwèèlà wɨ̧ nê bɨ̀ ghɨa. Ka e ngua nkɨ enɨ àghɨa bòt ko àa ngɨa la enyɔ̀Ꞌtè àwɨ̧ eye nê ko ane nkûŋ bɨa nkɔ̀ŋkà bòt ko mɨ̧̂ leꞋ.

Efesɔ̀s 1:22

Mbɔ̧ɔ̧mà zi èghɨ ègème a èten èka Yesò Klistò. Tà wu a ègwet àghɨ àgème, wuê mbɨ̀Ꞌɨ̀ tà wu àtsəa bòt chɔsì la mɨ̧̂.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Efesɔ̀s 2:21

Wu Yesò waa ka tà ghɨ̂ lob ngaa fete nènkèm ntɨ̧̀ɨ̧, ngɨ̀ è me kwèꞋnè tê ntsìꞋi lob kèfə Mbɔ̧ɔ̧mà bɔ nɔ̀ŋè wuê abua tò la.

Efesɔ̀s 4:25

Bà ka tsi ndàꞋà mèfà̧. Waa waa me làꞋa nkûŋ abua wanyɨ vi, nkàà nê, bàagème etsiꞋi bòt mbɨ̧̀ ènyit yemɔ̀Ꞌ ane Yesò.

Efesɔ̀s 5:23

Ngu nê, mbâ̧ wu àtsəa àvi wuê mbɨ̀Ꞌɨ̀ Yesò Klistò wu àtsəa chɔsì la. Yesò zìambɔŋ wu Mpemnà chɔsì, è wu mbɨꞋɨ̀ mbɨ̧̀ ènyit tò la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.