Efesɔ̀s 4:14 - Mundani

¹⁴ Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Efesɔ̀s 4:14 ပူးပေါင်းရင်းမြစ်များ

Matìù 11:7

Mbɨ̀Ꞌɨ̀ bɔntu̧ Jɔ̌n bu be lɔꞋ me ghà la, Yesò bùꞋ me laꞋa ànəa Jɔ̌n abua ènɔ̧̂ bòt bu shua nê, “Bɨ li me nkùŋe a Jɔ̌n e gha àbâ àlaꞋ àyuube ale, mɨ̀ɨ̀tè nê bɨ gha eye ghǎ? Bɨ li ngua nga eye àtsəa èfəèꞋ àfeme àa mpàà maꞋa àbâ abà la à?

Matìù 24:11

Bòt nyaŋ aa li lɔ̀Ꞌte a si àfɨꞋa mbɔŋ e me fɨta shua nê bɔ wu bèndàꞋàtɔŋ Mbɔ̧ɔ̧mà, ngɨ̀à bòt e fà̧à̧tà èka bɔb.

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

ÀfaꞋa 23:21

Ka à ka njùte ànəa bɔ shua la, ngu nê bòt aà mbɔ̀ŋè èghem yekwì bɔ̀ɔ sàꞋa lò̧ò̧te me chɨ̀Ꞌɨ atò ebùŋè la. Bɔ zǐ nkà̧ nê, bɔ bakà bùŋe atò, bɔ̀ kà jɨ àghɨ, bɔ̀ ka lem nù ka wuê mèleb. Bɔ tsite ànəê àgème tè ndɔ̀Ꞌ, tè ntsìꞋa nchɨ̀Ꞌà ezə ànəa àa shu la.”

1 Kɔlìn 12:2

Bɨ ko nê è li ngu àfɨꞋa kà bɨ̀ ko a Mbɔ̧ɔ̧mà, bɨ fà̧à̧tè èka bɨ̧ ane balu̧ nyaŋ, me kukte bèmbɔ̧ɔ̧mà bu bèa ka làꞋ la.

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

1 Kɔlìn 3:19

Nkàà nê, àghɨa bòt ngɔ̀ŋ àa ntɔ nê wu èyì la, Mbɔ̧ɔ̧mà nàà nɨa nê wu àghɨ̧̀ɨ̧̀nè. Àkata Mbɔ̧ɔ̧mà a laꞋnê, “Mbɔ̧ɔ̧mà nàà nɨa bèyuŋ bòt èyì nɨa ntà̧aã awɔb.”

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Efesɔ̀s 6:11

Bɨ̀ wèè àwɨ̧ nè èghɨ èbet bu ègème Mbɔ̧ɔ̧mà nàa ŋǎ la, mbɨ̀Ꞌɨ̀ me ko nùà nkèla àghɨa Satàn nàa nkɨ e ghɨ̀ ne nɨ̧̀ la.

1 Tɔ̀màtià 3:6

Ko mbɨ̀Ꞌɨ̀ bɨ nɨ wòt tà bèla ndzìà èntɨ̧ɨ̧ vi zǐ ane Yesò la ndzì àtsəa bòt Yesò, mbɨ̀Ꞌɨ̀ tà me ŋeꞋe avi a ègwet Mbɔ̧ɔ̧mà tsǐ mpəəte tò, mbɨ̀Ꞌɨ̀ tà li ngɨ̀ nè Satàn la.

2 Tɔ̀màtià 1:15

À ko nê, bòt bàgème àbâ àlaꞋ a Esìà, fɔ̀ɔ̀le ne Fìgelùs nè Emogìn, e waꞋa am.

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

2 Tɔ̀màtià 4:3

Ko nê àfɨ̀Ꞌ àko aa nkɨ̀Ꞌa kà bòt e wu tsi me yute bòt bu bɔ̀ɔ ndàꞋà mènəè nkûŋ la. Bɔɔ li egha ambo ndɨ bɔ̀ɔ nkɨa wuê àghɨa mèntɨ̧ɨ̧ mɔb nàa nkɨà la, etsiꞋi me nɨ wuê bènyɨꞋtà bu bɔ̀ɔ me shu awɔb èghɨ ètû̧ bɔb aa ntèa nkɨ ezə la, e bɔ̂ me kwèꞋnè àwɔb nɨa ngà nè mbì.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Jimsì 1:6

Ka ŋut me lo̧o̧ tà bɨ̧̀ɨ̧̀ne a èntɨ̧ɨ̧ vi nê Mbɔ̧ɔ̧mà naa ŋa, tà ka me màkè, nkàà nê wòt wu tàa màkà la wu mbɨ̀Ꞌɨ̀ àtsə àyɨt àfeme àa mpàà maꞋa aba abà la.

Jimsì 3:4

Bɨ̀ ye ndɨ taꞋà ànkànuꞋ àa la mɨ̧̂. Aa ngɨ̀ a batè ntaꞋa wua fǎ tè àfeme àkekweelè ka a me pàa yùà a ghȩ̀ȩ̀nà, mbɔ̂ awa atɨ̧̀ɨ̧̀na kǒ nàa ngèbta a èten la, bɔ̂ fiile ko eŋwèèlè yùà tè aa ghǎ àbâ wòt màsəa wu kɨa la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

1 Jɔ̌n 2:19

Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.

1 Jɔ̌n 2:26

E shɨa abua yɨ̧ ane ànəa bòt bu bɔ̀ɔ nyɔ̀Ꞌtà nkɨ efɨte awɨ̧ la.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.