Efesɔ̀s 2:17 - Mundani

¹⁷ Tà li nkɨ̀Ꞌɨ̂ ndàꞋà Ntu̧ Ntsɔ̧̀ yu nàa ngɨ̀à bòt e wu ane àlàŋkè la, abua yɨ̧ bɨ̀a bòt kà wu Bèjuê bu bɨ li ngu a endɨ̌ ane Mbɔ̧ɔ̧mà la. Tà li ndàꞋ fɔ̀ɔ̀le abua Bèjuê bu bɔ li ngu nè Mbɔ̧ɔ̧mà la.

Efesɔ̀s 2:17 ပူးပေါင်းရင်းမြစ်များ

Matìù 10:13

È wu nê, bɔ sèè àwɨ̧, bɨ tsiꞋ àlàŋkè àyɨ̧ a wu nè nɔ̀b. Ka bɔ̀ bakà sèe awɨ̧, bɨ̀ nɨ àlàŋkè àyɨ̧.

Lûk 15:8

Yesò mè nê, “Tè àvi ko bɔ èkwȩkab bi èghem, yeamɔꞋ a nyɔ̂, ko tàa ghɨ̌ naà? Ko taa tô̧ èkaꞋà, etuꞋu silob ègème elɨ̀ŋke èdziꞋ ègème te e ghɨ̌ eye ka tseke a si.

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

ÀfaꞋa 2:39

Mbɔ̧ɔ̧mà kàꞋà mènəè maa abua yɨ̧ nè bɔ̧ bɨ̧ bàgème. Tà kàꞋà mènəè maa mɨ̧̂ abua bòt bɔ bele a endɨ̌ la, nè waa waa tàa tɔ atò nê tà kɨꞋɨ nkùŋe àvi la.”

Lûm 10:14

Bòt àa tɔ atò nǎ kà zì mèntɨ̧ɨ̧ mɔb ane tò à? Bɔ mè ngu zì mèntɨ̧ɨ̧ mɔb ane tò na kà zə ànəa tò à? Bɔ̀ɔ zə na kà ye wòt tà tsɔ̀te èngǎ̧ Mbɔ̧ɔ̧mà abua yɔb la à?

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

2 Kɔlìn 5:20

Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!

Efesɔ̀s 4:21

Mâ ko nê bɔ li shu awɨ̧ ànəa tò, mè nko nê ndɨ̀ wu bɨ̀ wu bòt tò la bɔ li nyɨ̀Ꞌte awɨ̧ nkûŋ yu adù̧ Yesò la.