Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesɔ̀s 2:15 - Mundani

15 Èvə Yesò e li ndzòò èghɨ bu ègème mbɨ̧te Bèjuê te li ngua shua nê bɔ̀ me ghɨ̀ la. Tà li ngɨ̀ anè mbɨ̀Ꞌɨ̀ e ghɨ̌ èndà̧ bebe aa tsiꞋi àndà̧ a fi yeamɔꞋ, ale ngɨ̀ wòt ègème tsiꞋi ane àlàŋkè.

အခန်းကိုကြည့်ပါ။ ကော်ပီ




Efesɔ̀s 2:15
21 ပူးပေါင်းရင်းမြစ်များ  

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.


Ndɔ̀ wu àtsəa bòt bu àtsəa ànəa yɔb wu màngɨa wuê mbɨ̀Ꞌɨ̀ mbɨ̧te kà ekùꞋu abua Mbɔ̧ɔ̧mà te kɨà la, nkàà nê, bɔ shɨŋ a èbem Àkata Mbɔ̧ɔ̧mà nê, “Ndɔ̀ wu àtsəa waa waa tàa ka ghɨ èghɨ bu ègème bɔ shɨŋ a èbem àkatè mbɨ̧tsə la.”


BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.


Kò bɔ naŋe wòt kò bɔ bakà naŋe leꞋ, ko àyu ntsě ànəê. NdàꞋ àyea è wu ànəê la wu ndɨ wòt nàa tsiꞋi wòt fi la.


Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.


Yesò Klistò è ghɨ̂ àlàŋkè a kètsìà Bèjuê nè bòt kà wu Bèjuê ndɨ̀ wu bɔ̀ tsiꞋi àndà̧ yeamɔꞋ la. Èvə lu tà li mpfə a mbɨ̧̀ mbasa la e li ntsì mbù̧ yu è li ngu a kètsìà wɔb mbɨ̀Ꞌɨ̀ àkaã a ghàbtà wɔb la.


Èvə lu tà li mpfə a mbɨ̧̀ mbasa la e li ntsəèꞋne awɔb nè Mbɔ̧ɔ̧mà, ntsì mbù̧ yu è li ngu a kètsìà wɔb la.


Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.


Tà lè saãaãtè àkatè njû ta tu ba li mbɔ̌ ndɨ bàa tsə nkàà nê ba pààte mbɨ̧te Mbɔ̧ɔ̧mà la. Bɔ li ngù̧ù̧te a Yesò a mbɨ̧̀ mbasa nko nê ànəa njû ta tu a mî, tè tè ka tsi mbɔ̀ mètàŋ a ègwet la.


Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,


Bɨ tsiꞋi bòt fi. Mbɔ̧ɔ̧mà wu tà ghɨ̀ àwɨ̧ ale la nàà ntsèka àfɨ̀Ꞌ àgème ngɨ̀à a èlɨ bɨ̀a tsiꞋi mbɨꞋɨ̀ zìambɔŋ, mbɨ̀Ꞌɨ̀ eko avi te paa la.


Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.


Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.


Tà me wu ntsìà mèpɨ̧̀ Mbɔ̧ɔ̧mà ale, è kà wu mbɨ̧ nàà ndàꞋà ànəa àndǎ̧ ntsìà mèpɨ̧̀ la ka è ghɨ̂ tà wu ale la. Wu mètàŋ mèmpème mu kà wu li lìa tà bɔ la, ka è ghɨ̀ atò ane ntsìà mèpɨ̧̀ Mbɔ̧ɔ̧mà la.


Mbɔ̧ɔ̧mà me làꞋa ànəa mènkàꞋa kèkweelè fi ale, ngɨ̀ me mbì mu è tsìꞋi àku. Bɔ̀ɔ ngɨ̀ bɔ̀ baka tsi ngua mbà̧à̧ta àghɨ, tè à tsìꞋa ndènà lène bɔ ko nê, bɔ bele elèène ànəa yùà.


A li mbɔ̀ŋ nê bɔ̀ nɨ àlo̧ èghɨ bàa shùù èghɨ bu è wù àfəa bu a ègwet la è fə. Aà nyɨ̀Ꞌta nê bɔ̀ nɨ àlo̧ èghɨ e tsè baa la ka nɨŋ shùù èghɨ bu a ègwet la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ