Efesɔ̀s 1:19 - Mundani

¹⁹ Mè nè èlɨ mètàŋ kèkweelè Mbɔ̧ɔ̧mà mu nàa ntɨ̀ŋa wa wu ba zì mèntɨ̧ɨ̧ ma ane Yesò la. Mètàŋ maa Mbɔ̧ɔ̧mà nàa nɨa ntɨ̀ŋa wa la, wu wuê mètàŋ mbɔŋ tà li nɨŋ

Efesɔ̀s 1:19 ပူးပေါင်းရင်းမြစ်များ

Jɔ̌n 3:6

Wɔ̀bȩ̂ nàa ngɨ̀ tà bi wekǒ, ŋut wu wuê wɔ̀bȩ̂, ka Fo Mbɔ̧ɔ̧mà bi wòt, ŋut wu tsiꞋi waã Mbɔ̧ɔ̧mà.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

2 Kɔlìn 4:7

Bàa wu ba bɔ èghɨ ntsɔ̧̀ baa ane Fo Mbɔ̧ɔ̧mà la e wu mbɨ̀Ꞌɨ̀ bakɨ̀ŋ ètsaꞋ. Mbɔ̧ɔ̧mà ghɨ̀ anè mbɨ̀Ꞌɨ̀ baa ko nê, ngule mètàŋ maa dzəèà nè abua Mbɔ̧ɔ̧mà, è kà dzəa abua ya.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Efesɔ̀s 3:20

Bà ŋa mèngùꞋte abua Mbɔ̧ɔ̧mà wu tàa faꞋa ane ya nyaŋ tè ntsè ndɨ betsiꞋa ba mɨ̀ɨ̀tè kò shuê la.

Efesɔ̀s 3:7

Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Efesɔ̀s 6:10

Enɨ lìa, bɨ̀ me kweele ndɨ̀ wu bɨ̀ tsiꞋi àghɨ yeamɔꞋ nè Tè Yesò la, mè tsiꞋ tà ŋa awɨ̧ mètàŋ kèkweelè mi.

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

Kɔ̀losìà 2:12

Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.

1 Tèsàlonikà 1:5

Ba li bàà ka nɨ Ntu̧ Ntsɔ̧̀ yu ekɨꞋɨ abua yɨ̧ wuê ane èngǎ̧ ètsəê. È li nkɨ̀Ꞌɨ̂ nè mètàŋ nè Fo Kèfə ndâ kùbte awɨ̧. Bɨ ko ndɨ ba li ngu ayɔɔ yɨ̧ ale me tseke la. Ba li ngua ngɨ̀à ale ane ntsɔ̧̀ wɨ̧.

2 Tèsàlonikà 1:11

Eyaa wu lə bàa ntsèka ntsàꞋta Mbɔ̧ɔ̧mà ane ànəa yɨ̧ àfɨ̀Ꞌ àgème la. Baà tsàꞋtà nê Tǎt wa Mbɔ̧ɔ̧mà ghɨa mèntsèke mɨ̧ kùꞋù ndɨ tà tɔ awɨ̧ nê bɨ̀ me tseke la. Maa shù̧ù̧ta Mbɔ̧ɔ̧mà nê tà ghɨa bɨ̀ me ghɨ a ntsɔ̧̀ wu bɨ̀a nkɨ e ghɨ̀ la, nkàà nê tà bɔ mètàŋ a màngɨa ale, mè ngɨ̀ bɨ̀ paa ngɨ̀ èghɨ bu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la.

Jimsì 1:18

Tà li ndàꞋ èngǎ̧ nkûŋ vi, mbi awa ane mènkɔ̀ŋke mi nê bàa tɨ̧ɨ̧ a mbì àghɨ àgème ye ghɨ̀ la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.