Efesɔ̀s 1:18 - Mundani

¹⁸ Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 1:18 ပူးပေါင်းရင်းမြစ်များ

Matìù 13:15

Nkàà nê bòt baa e bakà ghaꞋa mèntɨ̧ɨ̧ mɔb, mbɔ̂ nchùkte ètû̧ bɔb mè nkàte àghɨ ayɔb. Mbɨ̀Ꞌɨ̀ ka bɔ gha ghɨ̌ nɨ̀ àghɨ ayɔb ndze, mè nɨ ètû̧ bɔb ndzə, ndɔ̀Ꞌ nko ane mèntɨ̧ɨ̧ mɔb, ngèble awɔb nkɨ̀Ꞌɨ̂ maa bə awɔb.’

Ntu̧ Ntsɔ̧̀ MAK 10:17

Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”

Lûk 24:45

Tà ghɨ̀ ale, ngàꞋte ètsə bɔb ngɨ̀ bɔ ko ànəa èngǎ̧ Mbɔ̧ɔ̧mà e shuà la.

ÀfaꞋa 16:14

Wekǒ ayɔɔ bèzi bu bɔ̀ɔ njùtâ èngǎ̧ Mbɔ̧ɔ̧mà wu la, li ngu Lidìà, tà wu wòt tàa ntâ ndìte èkab la. Tà li ndzəè àlaꞋ a Tȩ̀tilà, mbɔ̂ ngu wòt tàa ngùꞋtà Mbɔ̧ɔ̧mà la. Ale, Mbɔ̧ɔ̧mà wu ghaꞋa èntɨ̧ɨ̧ tò nê tà yute mè mbɨ̧̀ɨ̧̀nê èngà̧ wu Pɔ̂l è làꞋà la.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûm 11:29

Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi.

Lûm 2:4

Kò àa mɨ̀ɨ̀tà nê ndɨ̀ wu Mbɔ̧ɔ̧mà bɔ a bɔɔla èntɨ̧ɨ̧ mè me baãaã èntɨ̧ɨ̧ vi nkua tèsȩte bòt la, tàa sà àwê aa ghà àku à? À bakà ko nê ntsɔ̧̀ waa Mbɔ̧ɔ̧mà nyɨ̀Ꞌta la, wua nkɨà mbɨ̀Ꞌɨ̀ aa kubte ane mènəè kàbɔ̀ŋ mê?

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Efesɔ̀s 2:12

È li ngu àfɨ̀Ꞌ yaa bɨ̀a ntsèka anè la, bɨ̀ ka ko a Yesò Klistò. Bɨ li bɨ̀ ka wu ayɔɔ bòt Izəèlȩê. Bɨ li ngu bègɨ̧̀, bɨ̀ ka bɔ èghab ane mènkàꞋa kèkweelè Mbɔ̧ɔ̧mà mu tà li ngɨ̀ bɔ̂ bòt Izəèlȩê nê wu bòt bi la. Bɨ li ngua ntsèka a sitsǎꞋ ŋàa kà bɔ ntɨ̀ laꞋ nê bɨa li eye a ntsɔ̧̀ àfɨ̀Ꞌ àko, bɨ̀ ka mê nko a Mbɔ̧ɔ̧mà.

Efesɔ̀s 3:16

Maà ntsàꞋta Mbɔ̧ɔ̧mà nê tà ghǎ ane èghɨ bi bu a ègwet e ghe la, nɨ Fo zi ngɨ̀ èŋa awɨ̧ mètàŋ mbɨ̀Ꞌɨ̀ mèntɨ̧ɨ̧ mɨ̧ naa me kweele.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 4:4

Mbɨ̧̀ ènyit nàà yemɔ̀Ꞌ, Fo Mbɔ̧ɔ̧mà mè ngu yemɔ̀Ꞌ, wuê mbɨꞋɨ̀ àghɨ yu Mbɔ̧ɔ̧mà tɔ awa ba me chɨ̀Ꞌà la àa yeamɔꞋ la.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Filìpȩ 3:14

Maà ŋwèèlà ngà wuê nè mbì, mbɨ̀Ꞌɨ̀ à gha à me lìa, e mbɔ àghɨ yu, è wù mèmpème mu Mbɔ̧ɔ̧mà tɔ am nê è nkɨꞋɨ a ègwet mbɔŋ ndɨ̀ wu ba Yesò Klistò è tsiꞋi àghɨ yeamɔꞋ la.

Kɔ̀losìà 1:12

mè nkɔ̀ŋkà a Tǎt wa Mbɔ̧ɔ̧mà. Tà ghɨ̂ bɨ kùꞋù bòt bɔ̀ɔ nɨ ayɔb ne àghɨ ayɔɔ èghɨ bu tà nɔŋe abua bòt bi bu bɔ̀ɔ ngȩȩna a èbem kèfɔ̧̀ èkaꞋà tò la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

Kɔ̀losìà 3:15

Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

2 Tèsàlonikà 1:11

Eyaa wu lə bàa ntsèka ntsàꞋta Mbɔ̧ɔ̧mà ane ànəa yɨ̧ àfɨ̀Ꞌ àgème la. Baà tsàꞋtà nê Tǎt wa Mbɔ̧ɔ̧mà ghɨa mèntsèke mɨ̧ kùꞋù ndɨ tà tɔ awɨ̧ nê bɨ̀ me tseke la. Maa shù̧ù̧ta Mbɔ̧ɔ̧mà nê tà ghɨa bɨ̀ me ghɨ a ntsɔ̧̀ wu bɨ̀a nkɨ e ghɨ̀ la, nkàà nê tà bɔ mètàŋ a màngɨa ale, mè ngɨ̀ bɨ̀ paa ngɨ̀ èghɨ bu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

Ebùlù 10:32

Bɨ̀ ku̧u̧te èli mbì bu bɨ li mbɨ̀ nko nê èngǎ̧ Mbɔ̧ɔ̧mà wu nkûŋ la. Bɨ li ntàꞋa ye ngoꞋ ka bɨ̀ ka tsi mèntɨ̧ɨ̧ mɨ̧ ane Mbɔ̧ɔ̧mà.

Ebùlù 6:4

Bòt bu bɔ sa èngǎ̧ Mbɔ̧ɔ̧mà la, bɔ̀ɔ ghɨ̀ na ka ekubte e mě kɨꞋɨ abua tò à? Bɔ li ngua ngȩ̀ȩ̀na a èbem èkaꞋà Mbɔ̧ɔ̧mà. Bɔ li njùte èghab wu àa ndzəa a ègwet la, mè mbɔ̌ Fo Kèfə mbɨ̀Ꞌɨ̀ bòt ko.

1 Pità 1:3

Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.