Efesɔ̀s 1:17 - Mundani

¹⁷ shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

Efesɔ̀s 1:17 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Matìù 20:33

Bɔ shu abua tò nê “Tê, ghɨa àghɨ aya à ghaꞋte.”

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Lûk 12:12

Aa ale, nkàà nê Fo Kèfə naa ŋa awɨ̧ ànəa bɨa shu la àfɨꞋa ngaa.”

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

Jɔ̌n 14:26

Ka wòt wu tàa kɨꞋɨ me tɨŋe awɨ̧ la, Fo Kèfə yu tǎt am nàà tsàà ane èlen laã la, naa kɨꞋɨ̀ e nyɨꞋte awɨ̧ èghɨ ègème, mè ngɨ̀ bɨ ku̧u̧tè èghɨ ègème mâ shu abua yɨ̧ la.

Jɔ̌n 16:3

Bɔɔ ghɨ̧̀ɨ̧̀nè àwɨ̧ anè nkàà nê bɔ bakà li mè ko a Tǎt am, bɔ̀ ka meè nko am.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

ÀfaꞋa 6:10

Fo Mbɔ̧ɔ̧mà li ŋǎ a Stifèn èyì, tè tà ghɨ̀ tà laꞋa, bòt bu è ka tsi nkoê ntsɔ̀Ꞌɔ èngǎ̧ tò.

ÀfaꞋa 7:2

Stifèn bɨ̀ɨ̀lè nê, “Bɔnyɨ bɔ̧ nè bètǎt bɔ̧, bɨ̀ yute èngǎ̧ am. Mbɔ̧ɔ̧mà wu ènɨ̧ tò e ghe la li saꞋa a mbì tǎt nyaꞋ wa Abàlàghâm, afɨꞋa tà li ngua ntsèka àlaꞋ a Mèsòpòtamìà ka li eghǎ me tseke àpfəèà nɨ̧ a Alàn la.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

Lûm 15:6

À wu ale mbɨ̀Ꞌɨ̀ bɨa me wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa nè ètsəê wemɔꞋ.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

1 Kɔlìn 14:6

Bɔnyɨ bɔ̧, e nkɨ̀Ꞌa abua yɨ̧ me làꞋa ndɨ̧tsə tsa tsa, ko màa tɨŋe awɨ̧ ane ghà à? BetsiꞋa è nka tɨŋe awɨ̧ kà wu nê mâ nɨ ànəa Mbɔ̧ɔ̧mà nyɨꞋte abua am la e kɨꞋɨ shu awɨ̧, ko ghaꞋte èghɨ mâ ko la e shu bòt leꞋ, kò ndaꞋa ane àtɔŋ Mbɔ̧ɔ̧mà leꞋ, kò nyɨ̀Ꞌta wɨ̧ mènəè leꞋ.

1 Kɔlìn 2:10

Mbɔ̧ɔ̧mà nɨ Fo zi ngɨ̀ ba ko ànəa ndò̧ atò yaa. Fo Mbɔ̧ɔ̧mà nàà nkoa àghɨ àgème fɔɔle ka wuê mènəè Mbɔ̧ɔ̧mà mu è lò̧ò̧tè la.

1 Kɔlìn 2:8

Wòt kǒ ane bèfɔ̧̀ ngɔ̀ŋ, tà li nko àyaa la ntsě. Bɔ li ngɨ̀ ale nko ko bɔ li bɔ̀ ka wu̧u̧te a Lefɨ̀Ꞌ a mbɨ̧̀ mbasa.

2 Kɔlìn 12:1

Maa me ghàꞋtè wu am. Àbȩ̀ àko wòt nàa jɨ la a batè ntsě adù̧, kà e mbɔ̂ ngu me ghàꞋtè wuê ghàꞋte shua ànəa ètsə Yesò Klistò è nyɨꞋte am la, nè èghɨ tà li ngàꞋte àghɨ am e ndze la.

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

Efesɔ̀s 3:5

È li ngu tê àfɨꞋa mbì, Mbɔ̧ɔ̧mà kà tuꞋu ànəa ndò̧ yaa abua bɔbȩ, ka nè àfɨ̀Ꞌ yaa Fo Mbɔ̧ɔ̧mà è tùꞋu abua bɔntu̧ Mbɔ̧ɔ̧mà nè bèndàꞋàtɔŋ tò.

Efesɔ̀s 4:13

Bɔɔ me ghɨ̀ ale, tè waa waa ane ya naa tsiꞋi bɨ̧ɨ̧ne àghɨ yeamɔꞋ, e zǐ mèntɨ̧ɨ̧ ma ane Yesò Klistò ane èlɨ̀ wemɔꞋ mè nè ndɨ baa neetè nko Waã Mbɔ̧ɔ̧mà la. Èghɨ ba ègème aa ghɨ̌ baa tsiꞋi mbɨ̀Ꞌɨ̀ bòt bɔ tsə tê nkùꞋ tè ntsìꞋi mbɨ̀Ꞌɨ̀ Yesò Klistò nàa la ane balu̧ bàgème.

Filìpȩ 3:15

A bɔ̂ŋ nê, bàa wu ba tsə tê ntsìꞋi bɔɔjuŋ ane èngǎ̧ Mbɔ̧ɔ̧mà la è me kwàꞋtè mènəè ane èlɨ̀ waa. Mbə è wu nê bòt ko ane yɨ̧ aà nkwàꞋtà èlɨ tsa, ko Mbɔ̧ɔ̧mà naa ghaꞋte ètsə bɔb.

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

Ètsə 7:12

Bɔ bɔ̀tè ale, me shu nê, “Àmèn! MèngùꞋte wu abua Tǎt wa Mbɔ̧ɔ̧mà, nè ènɨ̧, nè èyì, nè mènkɔ̀ŋke, nè kènùke nè mètàŋ ane àlia nè àlia! Àmèn.”