Ebùlù 9:9 - Mundani

⁹ Èghɨ baa ègème e nyɨꞋta àlȩê àfɨ̀Ꞌ yaa bà wu adù̧ la. E wua nyɨ̀Ꞌta nê èghɨ bu bɔ̂ banyà̧ baa bɔ wua nkɨ̧̀ɨ̧̀ma ŋǎ abua Mbɔ̧ɔ̧mà la e li è ka koê ngɨ̀ wòt ngùꞋtà Mbɔ̧ɔ̧mà la nàà wu mbɨ̀Ꞌɨ̀ tà wu ewu la, tè èntɨ̧ɨ̧ tò aa bakà tsi fèèlè atò.

Ebùlù 9:9 ပူးပေါင်းရင်းမြစ်များ

Lûm 5:14

Bòt e li ngua mpfəèꞋta ebùꞋu ane Adàm eghǎ dzə ka wuê àfɨꞋa Mbɔ̧ɔ̧mà li ŋa mbɨ̧ abua Musì la. Bɔ li mpfəèꞋte fɔɔle ne bòt bu kàbɔ̀ŋ wɔb li è kà wu mbɨ̀Ꞌɨ̀ wu Adàm li ngɨ̀ la. Adàm li ngà ane abà ako ngu mbɨ̀Ꞌɨ̀ wòt wu nga ekɨꞋɨ la.

Gàlashìà 3:21

Tè àyaa a nyɨꞋtè nê mbɨ̧tsə te tsòke ànəa Mbɔ̧ɔ̧mà li nkàꞋ la à? ChaꞋ, a ntsě ale. Mbɨ̧tsə te ghɨ̀ ale ngua nkɨ̀Ꞌa mbɨ̀Ꞌɨ̀ eŋa mèmpème abua bɔbȩ, ko bòt aà ntɨ̧a ndɨŋndɨ̀ŋ e mbì Mbɔ̧ɔ̧mà nkàà na bɔ̀ɔ ngɨ̀à àghɨa mbɨ̧tsə te kɨa la.

Ebùlù 10:11

Ntsìà mèpɨ̧̀ Mbɔ̧ɔ̧mà ègème li ngua ngɨ̀à àfàꞋ àzi àli àgème, nkɨ̧̀ɨ̧̀ma banyà̧ ŋǎ abua Mbɔ̧ɔ̧mà a ngo̧ a ngò̧, ka banyà̧ mbɔŋ bè ka wua nkoà ngɨ̀à Mbɔ̧ɔ̧mà waꞋa bèkàbɔ̀ŋ bòt.

Ebùlù 11:19

Abàlàghâm li nko nê betsiꞋa Mbɔ̧ɔ̧mà ghɨ̀ bòt e yu̧u̧me. Wuê mbɨ̀Ꞌɨ̀ betsiꞋa wòt shu la, Asàk wu ghà tè ndzè èvə, Mbɔ̧ɔ̧mà ghɨ̀ tà mè njù̧ù̧mê nkua akwèn nkɨ̀Ꞌɨ̂ abua tǎt vi.

Ebùlù 5:1

Mbɔ̧ɔ̧mà nàa ngɨ̀ tà lȩ̂ wòt ayɔɔ bòt, bɔ̀ zia tò ane àtsəa bèntsìà mèpɨ̧̀, bɔ wua nkɨà taa me fàꞋa abua Mbɔ̧ɔ̧mà ane èlen bòt ngaa, ŋǎ èghɨ mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà mbɨ̀Ꞌɨ̀ e ghɨ̌ taa waꞋa bèkàbɔ̀ŋ bɔb.

Ebùlù 7:11

Mbɔ̧ɔ̧mà li ŋa mbɨ̧tsə abua bòt Izəèlȩê ane ndɨ tèa nkùꞋu ane àfaꞋa tà ŋa abua bèntsìà mèpɨ̧̀ Mbɔ̧ɔ̧mà bu be dzə a èbem àndǎ̧ Levì la. Ale, àfaꞋa bèntsìà mèpɨ̧̀ Mbɔ̧ɔ̧mà bu bɔ dzə àndǎ̧ Levì la a li ngɨ̀ ale ngu ko e ghɨ̌ bòt aa wu mbɨ̀Ꞌɨ̀ bɔ wuê ewu la a mbì Mbɔ̧ɔ̧mà, ko Mbɔ̧ɔ̧mà li tà kà tsi ntsàà ntsìà mèpɨ̧̀ ko tsa, tà wù mbɨꞋɨ̀ Mèkizedèk kà wu mbɨꞋɨ̀ Alɔ̀n la.

Ebùlù 8:4

Tà li ngɨ̀ ale ngu a sitsǎꞋ, ko betsiꞋa tà kà bê ngu ntsìà mèpɨ̧̀, nkàà nê, bòt e yàŋe wu bɔ̀ɔ ŋǎ èghɨ abua Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.