Ebùlù 9:28 - Mundani

²⁸ Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Ebùlù 9:28 ပူးပေါင်းရင်းမြစ်များ

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Matìù 26:28

Eyaa wu àlo̧ am, Mbɔ̧ɔ̧mà wua nɨa nkùùla mènkàꞋa kèkweelè mi la. Àlo̧ am yàa a tsəète a si, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bòt nyaŋ.

Jɔ̌n 14:3

Maa me ghɨ̀ tê ngà ntàŋke àdziꞋ abua yɨ̧, mbɔ̂ nkua akwèn nkɨ̀Ꞌɨ̂ nɨa wɨ̧ ba ghà nɔ̂, mbɨ̀Ꞌɨ̀ bɨa tseke ayɨ̧ àdziꞋa e ngu la mɨ̧̂.

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

Lûm 3:25

Mbɔ̧ɔ̧mà li ŋǎ atò tà kɨ̀Ꞌɨ̂ mpfə a mbɨ̧̀ mbasa, àlo̧ atò a tsì ndɔ̀ mènəè kàbɔ̀ŋ, mbɨ̀Ꞌɨ̀ wòt ègème tà zi èntɨ̧ɨ̧ vi ane Yesò Klistò la nàa peme yùà. Mbɔ̧ɔ̧mà li ngɨ̀ àyaa mbɨ̀Ꞌɨ̀ enɨ nyɨꞋte nê yea ngɨ̀à mènəè ndɨŋndɨ̀ŋ. È li ngu àfɨꞋa mbì tà me baãaã èntɨ̧ɨ̧ vi, tà kà wua ndzàŋà ndzìà bòt bu bɔ li ngua ngɨ̀à a kàbɔ̀ŋ la a èbem ngoꞋ.

Lûm 5:15

Ka betsiꞋa bɔ̀ ka fɨꞋnè àghɨ yu Mbɔ̧ɔ̧mà nɨa ntsɔ̧̀ vi ngɨ̀ la ane àghɨ yu Adàm li ngɨ̀ a màmpaata mbɨ̧ la. Wòt wemɔ̀Ꞌ li ngɨa kàbɔ̀ŋ nɨ̀ èvə ekɨꞋɨ adù̧ wòt ègème, ka àghɨa Mbɔ̧ɔ̧mà ghɨ̀ la a taꞋa tsè àyaa. Mbɔ̧ɔ̧mà li ntsè ane wòt wemɔ̀Ꞌ, è wu Yesò Klistò la, nyɨ̀Ꞌte a ntsɔ̧̀ vi ànyaꞋne abua bòt bàgème àku.

Lûm 6:10

Tà li mpfə ale, a wu nê tà bê mpfə ngò̧ yemɔ̀Ꞌ nkàà kàbɔ̀ŋ. Mè njù̧ù̧me ale nko nê ye tsiꞋa ntsèka e me ŋa kènuke wuê abua Mbɔ̧ɔ̧mà.

Lûm 8:23

È ntsě wuê ndàꞋà èghɨ bu tà li ngɨ̀ la ka àa ngèꞋà la, bàa wu Mbɔ̧ɔ̧mà ŋa Fo zi abua ya mbɨ̀Ꞌɨ̀ àghɨa mbì ane èghɨ bu tà nɔ̀ŋe abua bòt bi la, aà ngèꞋà a mèntɨ̧ɨ̧ ma mɨ̧̂. Baà ngɨ̀à ale mbɨ̀Ꞌɨ̀ bàa nchɨ̀Ꞌɨ̀ àfɨ̀Ꞌ yu Mbɔ̧ɔ̧mà nàa ghɨ̌ ba tsiꞋi ngule bɔ̧ tò, elùùla ngoꞋ yu àdziꞋ yaa la, e ghɨ̌ mbɨ̧te ènyit ta tea peme la.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

1 Kɔlìn 1:7

bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

1 Kɔlìn 15:54

Naa li ngu àfɨꞋa àghɨa àa fìà la a wèè àvi nè àyea àa ka fì la, àyea àa mpfəa la a wèè àvi nè àyea àa ka pfə la. ÀfɨꞋa mbɔŋ, àghɨa bɔ shɨ a èbem Àkata Mbɔ̧ɔ̧mà la a te. “Bɔ nù èvə tè ntsè, èbet wu e mî.”

1 Tèsàlonikà 1:10

Bɔ ko mɨ̧̂ nê, bɨà nchɨ̀Ꞌà Waã tò taa chu a ègwet. Waã tò waa wu Yesò Klistò wu Mbɔ̧ɔ̧mà lè yu̧u̧me atò la, è mè ngu tòà tà tsì àwa a èbem ntsǒ Mbɔ̧ɔ̧mà yu tàa li nɨ esaꞋa bòt kàbɔ̀ŋ la.

2 Tèsàlonikà 2:1

È me wu ane ànəa Yesò Klistò Lefɨ̀Ꞌ wa, ndɨ tàa mèe gheble avi ekɨꞋɨ la, nè ndɨ bàa li ebù̧ù̧te ewu ne tò la, ko e ngua shù̧ù̧ta wɨ̧ à bɔnyɨ nê,

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 10:10

Ndɨ̀ wu Yesò Klistò li nkɨ̀Ꞌɨ̂ ŋà àtsəa zi ngò̧ yemɔ̀Ꞌ mbɨ̀Ꞌɨ̀ Mbɔ̧ɔ̧mà kɨa la, ba tsiꞋi mbɨ̀Ꞌɨ̀ bòt kà ghɨa kàbɔ̀ŋ.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ebùlù 7:27

Tà bakà tsi mbɔ̌ ndɨ tàa mèe me kɨ̧ɨ̧me banyà̧ àli àgème ŋǎ abua Mbɔ̧ɔ̧mà ane mènəè kàbɔ̀ŋ mi nè è me bòt ko mbɨ̀Ꞌɨ̀ ètsə bèntsìà mèpɨ̧̀ Mbɔ̧ɔ̧mà ko bu e li ngua ngɨ̀à la. Tà li mbê ngɨ̀ àyaa ngò̧ yemɔ̀Ꞌ àfɨ̀Ꞌ yu tà li ŋà àtsəa zi la.

Ebùlù 9:25

Tà li tà ka bɔ ndɨ tàa me ŋà àtsəa zi a ngo̧ a ngò̧, mbɨ̀Ꞌɨ̀ àtsəa bèntsìà mèpɨ̧̀ Mbɔ̧ɔ̧mà a li ngua nyia nkɨ̧̀ɨ̧̀ma banyà̧ èngùꞋ ègème nyia a èbem àtsəalob ntsèm a mbì a Mbɔ̧ɔ̧mà nè àlo̧ kà wu azi la.

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

2 Pità 3:12

mbɨ̀Ꞌɨ̀ bɨ̀a nchɨ̀Ꞌà àli yu tàa kɨꞋɨ la, mè ngɨ̀à ndɨ tàa yàŋe ekɨꞋɨ la. Naa li ngu ane àlia mbɔŋ èwet eshɨɨ ègwet, àghɨa àgème àa ègwet və la a ghɔ̀Ꞌ ndzàne a èbem èwet.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

Jûd 1:21

Bɨa me chɨ̀Ꞌɨ àfɨ̀Ꞌ yu Yesò Klistò Lefɨ̀Ꞌ wa nàa nɨ tèsȩ ti e ghɨ̌ bɨa bɔ mèmpème kàlìà la, bɨ me tseke ane èlɨ Mbɔ̧ɔ̧mà nàa me kɔ̀ŋkè àwɨ̧ la.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!