Ebùlù 9:12 - Mundani12 Yesò li nyi a èbem àyò ya ngò̧ yemɔ̀Ꞌ, ntsè nga a èbem àdziꞋa ntsèm a mbì a Mbɔ̧ɔ̧mà yu. Tà li tà kà nɨ àlo̧ a dzətsə nè mpɔ̀ŋtsə ka nɨ enyi. Tà li ŋà àlo̧ azi zìambɔŋ, nɨŋ ngɨ̀ ba bɔ mèmpème nàa li ewu ane àlia nè àlia la. အခန်းကိုကြည့်ပါ။ |
Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.
Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.
Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.
Musì li tà ghɨ̀ tà shu ànəa àgème mbɨ̧te mènkàꞋa kèkweelè mu bòt e bɔ ndɨ bɔ̀ɔ me nɔ̀ŋè la, abua bòt bu bàgème, tà nɨ̀ àlo̧ mpɔ̀ŋtsə nè àyea dzətsə fȩ̀ȩ̀tè nè mèleb, mbɔ̂ nɨ èntaãaã ayɨ̌t kǒ bɔ̀ɔ ntɔ ane Isɔ̀b bɔ tsela àdziꞋa ndǐ a mèmbaŋ àtsə la, me nɨa nchɨꞋa adù̧ miita ane àkatè mbɨ̧ tu nè bòt mbɔŋ bàgème.
Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.