Ebùlù 9:10 - Mundani

¹⁰ Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

Ebùlù 9:10 ပူးပေါင်းရင်းမြစ်များ

Ntu̧ Ntsɔ̧̀ MAK 7:4

Bɔ̀ kua a èwen, bɔ̀ ka jɨ àghɨa kà bɨ shùu àwɔb. Bɔ taꞋa bɔ mbɨ̧te ko nyaŋ bɔ̀ɔ nkùŋà tùà la mbɨ̀Ꞌɨ̀ màshua ndɔŋtsə nè bakɨ̀ŋ nè tèpfəèꞋtsə nè tèku̧ tɔb, ane èlɨ̀ ko tsa.)

Gàlashìà 4:9

Ka àfɨ̀Ꞌ yaa bɨ koa Mbɔ̧ɔ̧mà la, kò è shu nê àfɨ̀Ꞌ yaa Mbɔ̧ɔ̧mà ko awɨ̧ la, ngulesi àghɨ yu a ghɨ̂ ka bɨ me kua akwèn nga abua èyo̧o̧te fotsə kà ye àfɨa la wu ghà à? Bɨ chɨɨmè ngɨ̀ nà ka mè me kɨ ewu èbùꞋ a èten tùà à?

Efesɔ̀s 1:10

Tà li ngua ntàŋka nê àfɨꞋa ngaa aa ghɨ̌ nkùꞋ ye fète èghɨ ègème è wu a ègwet nè sitsǎꞋ la ndzi a èten Yesò Klistò.

Efesɔ̀s 2:15

Èvə Yesò e li ndzòò èghɨ bu ègème mbɨ̧te Bèjuê te li ngua shua nê bɔ̀ me ghɨ̀ la. Tà li ngɨ̀ anè mbɨ̀Ꞌɨ̀ e ghɨ̌ èndà̧ bebe aa tsiꞋi àndà̧ a fi yeamɔꞋ, ale ngɨ̀ wòt ègème tsiꞋi ane àlàŋkè.

Kɔ̀losìà 2:16

È wu ale, bɨ̀ ka mbɨ̧̀ɨ̧̀nê wòt tsìte mbɨ̧tsə ane èghɨ bɨ̀a njɨ̀a mè nua la. Bɨ̀ ka mè mbɨ̧̀ɨ̧̀ne wòt tsìte mbɨ̧tsə ane ànəa èli èpfəè bu bɨ bɔ ndɨ bɨ̀a nɔ̀ŋe ane e be Mbɔ̧ɔ̧mà la, kò wu àli a èpǎ̧ ko leꞋ, kò ntseit èŋu nè àliapfəèa Bèjuê leꞋ.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Ebùlù 2:5

Mbɔ̧ɔ̧mà li tà kà laꞋnê ngɔ̀ŋ fi yu nga ekɨꞋɨ la naa wu a èten bɔntu̧ bi. Ngɔ̀ŋ yaa wu mèntsèke fi mu bà wua ndàꞋà ànəa mùà la.

Ebùlù 6:2

Bà ka tsi mè me làꞋa wuê ànəa balu̧ a màndzia èbem èdzî nè ànəa mànɔŋa èbu àtsəa bòt Mbɔ̧ɔ̧mà. Bà ka tsi me làꞋà wuê ndɨ bèmpfəà àa li yu̧u̧me la. Bà ka mè me làꞋa wuê ndɨ Mbɔ̧ɔ̧mà nàa li saꞋa bòt la.

Ebùlù 6:5

Bɔ li nko nê ànəa Mbɔ̧ɔ̧mà shu la aa mbɔ̀, mè ndzè mètàŋ mu nàa wu àfɨ̀Ꞌ yu Mbɔ̧ɔ̧mà nàa me bà̧aã ngɔ̀ŋ fi la.

Ebùlù 7:12

Ale, bɔ̀ɔ ngɨ̀ bɔ̀ kubte bèntsìà mèpɨ̧̀, bɔ mè nkùbte mbɨ̧tsə mɨ̧̂.

Ebùlù 7:16

Tà me wu ntsìà mèpɨ̧̀ Mbɔ̧ɔ̧mà ale, è kà wu mbɨ̧ nàà ndàꞋà ànəa àndǎ̧ ntsìà mèpɨ̧̀ la ka è ghɨ̂ tà wu ale la. Wu mètàŋ mèmpème mu kà wu li lìa tà bɔ la, ka è ghɨ̀ atò ane ntsìà mèpɨ̧̀ Mbɔ̧ɔ̧mà la.

Ebùlù 9:1

È màà ngu wuê mènkàꞋa kèkweelè mbì mu ko è li mbɔ̀ balu̧ bɔ̀ɔ nɨa ka ntsàꞋta Mbɔ̧ɔ̧mà la, me mbɔ̂ àdziꞋ a sitsǎꞋ bɔ̀ɔ ntsàꞋta Mbɔ̧ɔ̧mà abot la.