Ebùlù 8:6 - Mundani

⁶ Ka mbɨ̀Ꞌɨ̀ ndɨ àa la, àfaꞋa Mbɔ̧ɔ̧mà ŋa abua Yesò Klistò la a taꞋa tsè àyɔb, wuê mbɨ̀Ꞌɨ̀ mènkàꞋa kèkweelè mu Yesò tɨ̧ɨ̧ a kètsìà adù̧ la è tsě e me nyǎꞋ la. MènkàꞋa màà wu adù̧ ngule èghɨ ntsɔ̧̀ bu bɔbȩ àa li bɔ bùà la.

Ebùlù 8:6 ပူးပေါင်းရင်းမြစ်များ

Lûk 22:20

Tà lɔ̀Ꞌ mè ngɨ̀ wuê a èlɨ ngaa nè ndɔŋ yu è shu nê, “Ndɔŋ yaa wu mènkàꞋa fi Mbɔ̧ɔ̧mà màa nɨ àlo̧ am enɨ ghɨ̌ aa tsəète a si nkàà wɨ̧ la.

Lûm 9:4

Wu bòt Izəèlȩê, Mbɔ̧ɔ̧mà nɨ awɔb ane bɔ̧ bi la. Tà li nyɨ̀Ꞌte awɔb ènɨ̧ vi, ngɨ̀ mènkàꞋa kèkweelè mi bɔ̂ tò ba a ngo̧ a ngò̧, ŋa mbɨ̧ zi abua yɔb, nyɨ̀Ꞌte awɔb ndɨ bɔ̀ɔ me wùꞋtè àvi la, mè nkàꞋ àwɔb èghɨ nyaŋ.

Efesɔ̀s 2:12

È li ngu àfɨ̀Ꞌ yaa bɨ̀a ntsèka anè la, bɨ̀ ka ko a Yesò Klistò. Bɨ li bɨ̀ ka wu ayɔɔ bòt Izəèlȩê. Bɨ li ngu bègɨ̧̀, bɨ̀ ka bɔ èghab ane mènkàꞋa kèkweelè Mbɔ̧ɔ̧mà mu tà li ngɨ̀ bɔ̂ bòt Izəèlȩê nê wu bòt bi la. Bɨ li ngua ntsèka a sitsǎꞋ ŋàa kà bɔ ntɨ̀ laꞋ nê bɨa li eye a ntsɔ̧̀ àfɨ̀Ꞌ àko, bɨ̀ ka mê nko a Mbɔ̧ɔ̧mà.

1 Tɔ̀màtià 2:5

Aa ale nkàà nê Mbɔ̧ɔ̧mà nàà wemɔ̀Ꞌ, wòt tàa ntsəèꞋna àyɔ̀ŋ a kètsìà Mbɔ̧ɔ̧mà bɔ̂ bɔbȩ la mè ngu wemɔ̀Ꞌ. Ŋut wu Yesò Klistò à.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

Ebùlù 12:24

Bɨ kɨꞋɨ abua Yesò wu tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi mi la. Wu tòà wu àlo̧ atò yu bɔ li mìì la a tɨ̧ɨ̧ ane ànəa èghɨ ntsɔ̧̀ tè tsè àyea Abèl la.

Ebùlù 7:22

Nkà̧ yaa ghɨ̂ Yesò tsiꞋi wòt tà tɨ̧ɨ̧ a mbì, ngɨ̀ mènkàꞋa kèkweelè Mbɔ̧ɔ̧mà mu è wu me ntsɔ̧̀ la.

2 Pità 1:4

Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.