Ebùlù 8:3 - Mundani

³ Bɔɔ̀ ngɨ̀ bɔ̀ me zi wòt ègème ane àtsəa bèntsìà mèpɨ̧̀ Mbɔ̧ɔ̧mà, bɔ wua nkɨà mbɨ̀Ꞌɨ̀ taa me ŋa èghɨ, mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà. Ale, a li mbɔ̀ŋ nê àya nè àtsəa bèntsìà mèpɨ̧̀ Mbɔ̧ɔ̧mà à bɔ àghɨa ko tàa ŋa abua Mbɔ̧ɔ̧mà la mɨ̧̂.

Ebùlù 8:3 ပူးပေါင်းရင်းမြစ်များ

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Lûm 5:6

È li ngu àfɨꞋa bàà bele ka bɔ ètɨŋe la, Yesò Klistò è kɨ̀Ꞌɨ̂ kwàꞋ àfɨ̀Ꞌ yu Mbɔ̧ɔ̧mà li nɔ̀ŋè la, mpfə ambo bòt kàbɔ̀ŋ.

Lûm 5:8

Ka Mbɔ̧ɔ̧mà nyɨꞋte èkɔŋ vi abua ya ndɨ̀ wu bà le bele bòt kàbɔ̀ŋ tà ghɨ̀ Yesò Klistò è pfə ambo ya la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Ebùlù 5:1

Mbɔ̧ɔ̧mà nàa ngɨ̀ tà lȩ̂ wòt ayɔɔ bòt, bɔ̀ zia tò ane àtsəa bèntsìà mèpɨ̧̀, bɔ wua nkɨà taa me fàꞋa abua Mbɔ̧ɔ̧mà ane èlen bòt ngaa, ŋǎ èghɨ mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà mbɨ̀Ꞌɨ̀ e ghɨ̌ taa waꞋa bèkàbɔ̀ŋ bɔb.

Ebùlù 7:27

Tà bakà tsi mbɔ̌ ndɨ tàa mèe me kɨ̧ɨ̧me banyà̧ àli àgème ŋǎ abua Mbɔ̧ɔ̧mà ane mènəè kàbɔ̀ŋ mi nè è me bòt ko mbɨ̀Ꞌɨ̀ ètsə bèntsìà mèpɨ̧̀ Mbɔ̧ɔ̧mà ko bu e li ngua ngɨ̀à la. Tà li mbê ngɨ̀ àyaa ngò̧ yemɔ̀Ꞌ àfɨ̀Ꞌ yu tà li ŋà àtsəa zi la.

Ebùlù 8:4

Tà li ngɨ̀ ale ngu a sitsǎꞋ, ko betsiꞋa tà kà bê ngu ntsìà mèpɨ̧̀, nkàà nê, bòt e yàŋe wu bɔ̀ɔ ŋǎ èghɨ abua Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.