Ebùlù 7:28 - Mundani

²⁸ Mbɨ̧ Musì li ngua ntsia bòt kà kùꞋ ane ètsə bèntsìà mèpɨ̧̀ Mbɔ̧ɔ̧mà, ka mènkàꞋa Mbɔ̧ɔ̧mà mu è li ntsìꞋi e kɨꞋɨ akwene mbɨ̧ nè nkà̧ adù̧ la, li ngɨ̀ Waã tò wu tà kùꞋù la ane àtsəa bèntsìà mèpɨ̧̀ Mbɔ̧ɔ̧mà ane àlia nè àlia.

Ebùlù 7:28 ပူးပေါင်းရင်းမြစ်များ

Lûk 13:32

Yesò shu abua yɔb nê, “Bɨ̀ gha shu abua tǎt eŋɔꞋte mènəè ngaa nê, e ngua fəèà fote kàbɔ̀ŋ tèa ŋǎ bòt ngoꞋ la, mè mbəèa bòt àghɔ̧ laane bɔ̂ tètsɔꞋ, ka atetsɔꞋ vìa maa paate àfàꞋ am.

Jɔ̌n 19:30

Yesò sɔɔte tà nê, “A mî”, mbɔ̂ nchùŋe àtsəa zi a si mpfə.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Ebùlù 2:10

Mbɔ̧ɔ̧mà wu wòt tà li ngɨ̀ ka àghɨ àgème a wu la, mè ngua ngɨ̀à èghɨ mbɔŋ ègème abua zi. Tà li ngua nkɨà nê bòt nyaŋ è wu bɔ̧ bi mbɨ̀Ꞌɨ̀ èghɨ bɔɔ bɔ ènɨ̧. A li mbɔ̀ŋ nê tà ghɨa wòt wu tàa ghɨ bòt aa bɔ mèmpème la ye ngoꞋ mbɨ̀Ꞌɨ̀ ewu àghɨa tà bɔ ndɨ tàa wu yùà la.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 5:5

Wu wuê a èlɨ mbɔŋ Yesò Klistò li tà kà kukte àvi zìambɔŋ, e ghɨ̀ àvi ane àtsəa bèntsìà mèpɨ̧̀ Mbɔ̧ɔ̧mà la. Wu Mbɔ̧ɔ̧mà ka tà li shu abua tò nê, “À wu Waã am; E ntsiꞋi Tǎt wè laane.”

Ebùlù 7:21

Ka è me wu a Yesò, ko tà li me wu ntsìà mèpɨ̧̀ ale, Mbɔ̧ɔ̧mà zì nkà̧ àfɨꞋa tà li shu abua tò nê, “Lefɨ̀Ꞌ Mbɔ̧ɔ̧mà è zǐ nkà̧, tè tà kà wu tsi ekubte ànəa tà shu la, nê, ‘A wu ntsìà mèpɨ̧̀ ane àlia nè àlia.’ ”

Ebùlù 7:24

Ka ndɨ̀ wu Yesò ka li lɔ̀Ꞌɔ pfə la a, betsiꞋa wòt tsa ka li ndɔ̀Ꞌ nɨ̀ àdziꞋa tò mbɨ̀Ꞌɨ̀ ntsìà mèpɨ̧̀.

Ebùlù 7:3

Mèkizedèk waa li tà kà bɔ a tàt, tà kà bɔ nyɨ̌, bɔ̀ ka meè nko ka wuê bètǎt nyaꞋ tò. Bɔ bakà ko àlia bɔ li mbi atò la, bɔ̀ ka ko àyea tà li mpfə la. Tàà mbɨ̀Ꞌɨ̀ Waã Mbɔ̧ɔ̧mà. Tà wu ntsìà mèpɨ̧̀ Mbɔ̧ɔ̧mà ane àlia nè àlia.