Ebùlù 7:27 - Mundani

²⁷ Tà bakà tsi mbɔ̌ ndɨ tàa mèe me kɨ̧ɨ̧me banyà̧ àli àgème ŋǎ abua Mbɔ̧ɔ̧mà ane mènəè kàbɔ̀ŋ mi nè è me bòt ko mbɨ̀Ꞌɨ̀ ètsə bèntsìà mèpɨ̧̀ Mbɔ̧ɔ̧mà ko bu e li ngua ngɨ̀à la. Tà li mbê ngɨ̀ àyaa ngò̧ yemɔ̀Ꞌ àfɨ̀Ꞌ yu tà li ŋà àtsəa zi la.

Ebùlù 7:27 ပူးပေါင်းရင်းမြစ်များ

Lûm 6:10

Tà li mpfə ale, a wu nê tà bê mpfə ngò̧ yemɔ̀Ꞌ nkàà kàbɔ̀ŋ. Mè njù̧ù̧me ale nko nê ye tsiꞋa ntsèka e me ŋa kènuke wuê abua Mbɔ̧ɔ̧mà.

Efesɔ̀s 2:22

Tàà fèta wɨ̧ mɨ̧̂ ndzia ayɔɔ bòt Mbɔ̧ɔ̧mà ko mbɨ̀Ꞌɨ̀ bɨ̀agème aa tsiꞋi àdziꞋa Fo Mbɔ̧ɔ̧mà nàa ntsèka la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 5:1

Mbɔ̧ɔ̧mà nàa ngɨ̀ tà lȩ̂ wòt ayɔɔ bòt, bɔ̀ zia tò ane àtsəa bèntsìà mèpɨ̧̀, bɔ wua nkɨà taa me fàꞋa abua Mbɔ̧ɔ̧mà ane èlen bòt ngaa, ŋǎ èghɨ mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà mbɨ̀Ꞌɨ̀ e ghɨ̌ taa waꞋa bèkàbɔ̀ŋ bɔb.

Ebùlù 5:3

Ndɨ̀ wu tàa njùa àzi mɨ̧̂ la, tà bɔ ndɨ tàa me kɨ̧ɨ̧me banyà̧ ŋǎ abua Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ tò mɨ̧̂ la.

Ebùlù 8:4

Tà li ngɨ̀ ale ngu a sitsǎꞋ, ko betsiꞋa tà kà bê ngu ntsìà mèpɨ̧̀, nkàà nê, bòt e yàŋe wu bɔ̀ɔ ŋǎ èghɨ abua Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la.

Ebùlù 9:12

Yesò li nyi a èbem àyò ya ngò̧ yemɔ̀Ꞌ, ntsè nga a èbem àdziꞋa ntsèm a mbì a Mbɔ̧ɔ̧mà yu. Tà li tà kà nɨ àlo̧ a dzətsə nè mpɔ̀ŋtsə ka nɨ enyi. Tà li ŋà àlo̧ azi zìambɔŋ, nɨŋ ngɨ̀ ba bɔ mèmpème nàa li ewu ane àlia nè àlia la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Ebùlù 9:25

Tà li tà ka bɔ ndɨ tàa me ŋà àtsəa zi a ngo̧ a ngò̧, mbɨ̀Ꞌɨ̀ àtsəa bèntsìà mèpɨ̧̀ Mbɔ̧ɔ̧mà a li ngua nyia nkɨ̧̀ɨ̧̀ma banyà̧ èngùꞋ ègème nyia a èbem àtsəalob ntsèm a mbì a Mbɔ̧ɔ̧mà nè àlo̧ kà wu azi la.

Ebùlù 9:26

Tà li me wu ale ngɨ̀ ale, ko tà li mbɔ̌ ndɨ tàa ye ngoꞋ a ngo̧ a ngò̧ ebuꞋu àfɨ̀Ꞌ yu Mbɔ̧ɔ̧mà li ngɨ̀ ngɔ̀ŋ la. Ka mbɨ̀Ꞌɨ̀ àa la, tà bê nkɨ̀Ꞌɨ̂ ngò̧ yemɔ̀Ꞌ, àfɨ̀Ꞌ yaa ngɔ̀ŋ tsìꞋa ndìà lìa la, ŋà àtsəa zi mbɨ̀Ꞌɨ̀ eyòò mènəè kàbɔ̀ŋ mu bòt àa ngɨ̀à la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Ebùlù 9:7

È bɔ è wu àtsəa kwèn yu, ndàꞋ wòt tà me nyi a èbèm la wu àtsəa bèntsìà mèpɨ̧̀ Mbɔ̧ɔ̧mà. Tàa ngɨ̀ tà me nyi wuê ngò̧ yemɔ̀Ꞌ ane èngùꞋebȩ. Tàa ngɨ̀ tà me nyi tà nɨ àlo̧ tàa ŋa abua Mbɔ̧ɔ̧mà ane àtsəa zi, nè àyea banɔ̧̀ ane mènəè kàbɔ̀ŋ bɔ ghɨ ka ko la.