Ebùlù 7:19 - Mundani

¹⁹ Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.

Ebùlù 7:19 ပူးပေါင်းရင်းမြစ်များ

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

ÀfaꞋa 13:39

Bɨ ko nê, waa waa tà zǐ èntɨ̧ɨ̧ vi ane Yesò la, Mbɔ̧ɔ̧mà naa waꞋa a kàbɔ̀ŋ tò, è wù àghɨa mbɨ̧te Musì te li tè ka wu ko e ghɨ̌ la.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Lûm 7:7

Tè e ngua anè shua nê mbɨ̧ wu àghɨa kàbɔ̀ŋ? ChaꞋ, a ntsě ale. Mbɨ̧ ntsě àghɨa kàbɔ̀ŋ. Mbɨ̧ li ngɨ̀ ale è kà wuê, ko e mbakà ko àghɨa kàbɔ̀ŋ wu yùà la. Mbɨ̧ li ngɨ̀ ale è kà shu laꞋnê, “À ka me kɨ nê àghɨa wòt tsa a wu wu a ye”, ko e mbakà ko laꞋ nê mànkɨa nê àghɨa wòt tsa a wu wu a yaã wu kàbɔ̀ŋ.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Gàlashìà 3:21

Tè àyaa a nyɨꞋtè nê mbɨ̧tsə te tsòke ànəa Mbɔ̧ɔ̧mà li nkàꞋ la à? ChaꞋ, a ntsě ale. Mbɨ̧tsə te ghɨ̀ ale ngua nkɨ̀Ꞌa mbɨ̀Ꞌɨ̀ eŋa mèmpème abua bɔbȩ, ko bòt aà ntɨ̧a ndɨŋndɨ̀ŋ e mbì Mbɔ̧ɔ̧mà nkàà na bɔ̀ɔ ngɨ̀à àghɨa mbɨ̧tsə te kɨa la.

Gàlashìà 3:24

Ale, mbɨ̧tsə te li ngu àghɨa àa me baabe awa la te egha wu àfɨ̀Ꞌ yu Yesò Klistò li nkɨ̀Ꞌɨ̂ la, mbɨ̀Ꞌɨ̀ baa tɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà èntɨ̧ɨ̧ wu ba zi ane Yesò Klistò la.

Efesɔ̀s 3:12

Ndɨ̀ wu ba tsiꞋi àghɨ yeamɔꞋ nè Yesò Klistò mè ndzì mèntɨ̧ɨ̧ ma ane tò la, baa ko eghǎ a mbì Mbɔ̧ɔ̧mà elàꞋà ba tò ba kà ye kèbɔɔ.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

1 Tɔ̀màtià 1:1

Letà Pɔ̂l wantu̧ Yesò Klistò ane mengɨ̌ Mbɔ̧ɔ̧mà Mpemnà wa bɔ̂ Yesò Klistò wu ntɨ̀ ya wu ane tò la,

Ebùlù 10:1

Mbɨ̧ Musì ndâ ntsě ngule èghɨ ntsɔ̧̀ bu nga ekɨꞋɨ la, wu wuê àfəa èghɨ mbɔŋ. Mbɨ̀Ꞌɨ̀ àa ale la, banyà̧ bu bòt e li ngua nɨa nkɨ̀Ꞌa a ngo̧ a ngò̧ èngùꞋebȩ ègème nkɨ̧̀ɨ̧̀ma mbɨ̀Ꞌɨ̀ mbɨ̧tsə tèa nkɨà la be li be ka lâ ngua ngɨ̀à bòt e wua àghɨa bɔ bɔ ndɨ bɔ̀ɔ wu yùà la a mbì Mbɔ̧ɔ̧mà.

Ebùlù 11:40

A li ngu ale nkàà nê Mbɔ̧ɔ̧mà taŋkè àghɨa ntsɔ̧̀ àko abua ya, mbɨ̀Ꞌɨ̀ bɔɔ fɔte ba tò ba ka ebɔ, è wù àghɨa bɔ bɔ ndɨ bɔ̀ɔ wu yùà la.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Ebùlù 6:18

Èghɨ aa bebe betsiꞋa è ka kubtè la, Mbɔ̧ɔ̧mà kà mê ngu elàꞋà mèfà̧ adù̧ la. Ale, bàa wu ba ghǎ abua Mbɔ̧ɔ̧mà mbɨ̀Ꞌɨ̀ epeme la, e lâ nko nê, baa bɔ àghɨ yu ba nɔ̀ŋe ntɨ̀ ya me chɨ̀Ꞌɨ nê Mbɔ̧ɔ̧mà nɔ̀ŋe abua ya la.

Ebùlù 7:11

Mbɔ̧ɔ̧mà li ŋa mbɨ̧tsə abua bòt Izəèlȩê ane ndɨ tèa nkùꞋu ane àfaꞋa tà ŋa abua bèntsìà mèpɨ̧̀ Mbɔ̧ɔ̧mà bu be dzə a èbem àndǎ̧ Levì la. Ale, àfaꞋa bèntsìà mèpɨ̧̀ Mbɔ̧ɔ̧mà bu bɔ dzə àndǎ̧ Levì la a li ngɨ̀ ale ngu ko e ghɨ̌ bòt aa wu mbɨ̀Ꞌɨ̀ bɔ wuê ewu la a mbì Mbɔ̧ɔ̧mà, ko Mbɔ̧ɔ̧mà li tà kà tsi ntsàà ntsìà mèpɨ̧̀ ko tsa, tà wù mbɨꞋɨ̀ Mèkizedèk kà wu mbɨꞋɨ̀ Alɔ̀n la.

Ebùlù 7:20

Mbɔ̧ɔ̧mà li mè ndzì nkà̧ ane ànəa mbɔŋ. Bɔ li me ghɨ̀ bòt ko ane bèntsìà mèpɨ̧̀ Mbɔ̧ɔ̧mà ale tà kà zi nkà̧ ane ànəê ayɔb.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Ebùlù 8:6

Ka mbɨ̀Ꞌɨ̀ ndɨ àa la, àfaꞋa Mbɔ̧ɔ̧mà ŋa abua Yesò Klistò la a taꞋa tsè àyɔb, wuê mbɨ̀Ꞌɨ̀ mènkàꞋa kèkweelè mu Yesò tɨ̧ɨ̧ a kètsìà adù̧ la è tsě e me nyǎꞋ la. MènkàꞋa màà wu adù̧ ngule èghɨ ntsɔ̧̀ bu bɔbȩ àa li bɔ bùà la.

Ebùlù 9:9

Èghɨ baa ègème e nyɨꞋta àlȩê àfɨ̀Ꞌ yaa bà wu adù̧ la. E wua nyɨ̀Ꞌta nê èghɨ bu bɔ̂ banyà̧ baa bɔ wua nkɨ̧̀ɨ̧̀ma ŋǎ abua Mbɔ̧ɔ̧mà la e li è ka koê ngɨ̀ wòt ngùꞋtà Mbɔ̧ɔ̧mà la nàà wu mbɨ̀Ꞌɨ̀ tà wu ewu la, tè èntɨ̧ɨ̧ tò aa bakà tsi fèèlè atò.

Jimsì 4:8

Bɨ̀ tente awɨ̧ nga a mbɨ̧̀ Mbɔ̧ɔ̧mà, ko taa səèꞋtè àvi kɨꞋɨ a mbɨ̧̀ yɨ̧. Bɨ̀a bòt mènəè kàbɔ̀ŋ, bɨ̀ tsì èbu bɨ̧ a èbem mènəè kàbɔ̀ŋ. Bɨ̀a bòt èntɨ̧ɨ̧ tebe è shùù mèntɨ̧ɨ̧ mɨ̧.