Ebùlù 6:2 - Mundani

² Bà ka tsi mè me làꞋa wuê ànəa balu̧ a màndzia èbem èdzî nè ànəa mànɔŋa èbu àtsəa bòt Mbɔ̧ɔ̧mà. Bà ka tsi me làꞋà wuê ndɨ bèmpfəà àa li yu̧u̧me la. Bà ka mè me làꞋa wuê ndɨ Mbɔ̧ɔ̧mà nàa li saꞋa bòt la.

Ebùlù 6:2 ပူးပေါင်းရင်းမြစ်များ

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Matìù 3:14

Tà kɨꞋɨ ale, Jɔ̌n nyɔ̀Ꞌtè me kɨ etu̧ nê yè ka zǐ atò a èdzî a. Nê Yesò ka tà wu zì àvi a èdzî la, ale ghǎ ghɨ̀ ka tà nê yè tsě zìa ndzì atò a èdzî leꞋ?

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Ntu̧ Ntsɔ̧̀ MAK 7:4

Bɔ̀ kua a èwen, bɔ̀ ka jɨ àghɨa kà bɨ shùu àwɔb. Bɔ taꞋa bɔ mbɨ̧te ko nyaŋ bɔ̀ɔ nkùŋà tùà la mbɨ̀Ꞌɨ̀ màshua ndɔŋtsə nè bakɨ̀ŋ nè tèpfəèꞋtsə nè tèku̧ tɔb, ane èlɨ̀ ko tsa.)

Ntu̧ Ntsɔ̧̀ MAK 7:8

Bɨ nɔ̀ŋè mbɨ̧te Mbɔ̧ɔ̧mà a si me kùŋè mènəè bɔbȩ e nyɨꞋtà la.”

Lûk 11:38

A taꞋa tsě wòt Falèsiì wu e ye nê Yesò nàà njɨ̀a èghɨjɨ kà shuu èbu bi a shua yu bòt ko àa shùà la.

Lûk 12:50

Maa nyi a èbem ngoꞋ mbɨ̀Ꞌɨ̀ bɔ̀ɔ ndzì wòt a èdzî la. Ànəa mbɔŋ aa ndèlà am tè a ghɨ̀ mbakà tsè, ènyit yaã è ka yaa.

Lûk 14:14

ko aa bɔ èlɔ̂t ngu ndɨ bèŋût e ka li ko evəâ èsiꞋ ngaa la. Mbɔ̧ɔ̧mà naa li tsɔꞋɔ àfàꞋ àyê, ane àli yu tàa li yu̧u̧me bòt bu bɔ li ntɨ̧ɨ̧ ndɨŋndɨ̀ŋ a mbì tò ka mpfəèꞋte la.”

Lûk 3:16

Jɔ̌n shu abua yɔb bàgème nê, “Maà ndzìà wɨ̧ a èdzî, ka wòt wu nkɨ̀Ꞌa la taꞋa tsě am nyaŋ. E mbakà lem nkùꞋ wòt tàa ŋɔꞋne a si eyààte mèliꞋ gubte tò la. Taa tsiꞋi me zǐ Fo Kèfə ane yɨ̧ nè èwet.

Jɔ̌n 1:33

E ndi e nka lem nko atò, tè Mbɔ̧ɔ̧mà wu tà ntsàà am nê è nkɨ̀Ꞌɨ̂ ndzì bòt a èdzî la shu abua am nê, ‘Wòt à ye Fo Kèfə èchua ègwet ntɨ̧ɨ̧ ane tò la, à ko nê wu tòà wu tàa tsiꞋi me ŋa bòt Fo Kèfə la’.

Jɔ̌n 5:29

èdzəâ àbȩ la. Bòt bɔ li ngua ngɨ̀à ntsɔ̧̀ la, aa yu̧u̧me ebɔ mèmpème, èbe be li ngua ngɨ̀à kàbɔ̀ŋ la, e yu̧u̧mè bɔ zì àwɔb a èbem ngoꞋ kà wu li elìa.

ÀfaꞋa 10:47

“Mbɔ̧ɔ̧mà ŋa Fo Kèfə abua bòt bàa mbɨ̀Ꞌɨ̀ tà li ŋǎ abua ya la. Ale, betsiꞋa wàa kele awɔb nê, bɔ̀ ka ndzì àwɔb a èdzî à?”

ÀfaꞋa 13:3

Bɔ mè ntsàꞋte a Mbɔ̧ɔ̧mà kà jɨ èghɨjɨ, mbɔ̂ nɔ̀ŋè èbu bɔb àtsə ayɔb ntsàà àwɔb bɔ me ghǎ.

ÀfaꞋa 16:15

Bɔ zì atò a èdzî bɔ̂ bòt lob tò, tà kàꞋ awa nê “Ndɨ̀ wu bɨ laꞋnê e ntsiꞋi ngule wòt Yesò la, bɨ̀ kɨꞋɨ me tseke a lob yaã.” Èngǎ̧ tò wu e ŋwèèlè awa ngɨ̀ ba gha a lob və.

ÀfaꞋa 16:33

KwàꞋ àfɨꞋa mbɔŋ ètsəꞋ ngaa, mbaabà lob tèfȩ yu nɨ awɔb ngà shùù tèfɨŋ tu ane yɔb la, mbɔ̂ ndzì àwɔb bɔ̂ bòt bi bàgème a èdzî wuê àfɨꞋa mbɔŋ.

ÀfaꞋa 17:18

BènyɨꞋtà Èpikulìa nè èbe Stoik ane àliabȩ. ko e me kàànè bɔ̂ tò ba shua nê, “Àkèghɨ̧̀ mbê waa à shua anè nê ghàà.” Èbeko e nê, “A fəə ngaa mbɨ̀Ꞌɨ̀ tà làꞋ ànəa bènàmbəa ètu̧ ko tsa.” Bɔ̀ me làꞋà mènəè ale ngu ndɨ Pɔ̂l nàa ndàꞋà mèngà̧ ane Yesò mè nè ndɨ bòt àa pfə e mě yu̧u̧me la.

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

ÀfaꞋa 23:6

AfɨꞋa Pɔ̂l è ye nê àbəèꞋ àko ane bòt bu wu Bèsadùsiì, èbeko wu Bèfalèsiì la, tà ŋȩ̂ a èbem lob èsaꞋa yu nê, “Bòt Izəèlȩê, e ngu wòt Falèsiì, bètǎt nyaꞋ bɔ̧ e wu Bèfalèsiì mɨ̧̂. Bɔ wua sàꞋa am a si ŋàa nê, mâ bɔ ntɨ̀ nê Mbɔ̧ɔ̧mà naa li ghɨ̌ bòt bɔ pfəꞋte la, aa yu̧u̧me.”

ÀfaꞋa 24:15

Mmɔ̌ mbɔŋ mâ bɔ ntɨ̀ mè me chɨ̀Ꞌɨ̀ wuê mbɨ̀Ꞌɨ̀ bòt baa a si ŋàa la, nê, Mbɔ̧ɔ̧mà naa li yu̧u̧me a waa waa, bòt kàbɔ̀ŋ, nè bòt ntsɔ̧̀.

ÀfaꞋa 24:21

NdàꞋ ànəê yeamɔꞋ e ndi shu la wu nê, bɔ wua ntsìà mpəè taã àfɨ̀Ꞌ yaa nkàà nê mâ bɔ ntɨ̀ nê, Mbɔ̧ɔ̧mà naa li yu̧u̧me bòt bu bɔ pfəꞋte la.”

ÀfaꞋa 24:25

Pɔ̂l è ghɨ̀ ale, tà mè ngà nè mbì me làꞋa ndɨ bòt e wu me ghɨ̀ mènəè Mbɔ̧ɔ̧mà nàa nkɨà la. Mè ndàꞋà ndɨ bòt e wu me baãaã mèntɨ̧ɨ̧ mɔb ka ngɨ̀à mènəè la, mè shu ndɨ Mbɔ̧ɔ̧mà nàa li esaꞋa a waa waa ane àlia ko la. Mbɨ̀Ꞌɨ̀ tàa ndàꞋà mènəè maa la, Felìk è bùꞋ me bɔa, tê ntsìꞋi shu abua tò nê, “TsiꞋ ale àfɨ̀Ꞌ yaa me ghǎ. Maa mě è mbɔ àfɨ̀Ꞌ, ka e mè ntɔ awê.”

ÀfaꞋa 26:8

Èghǎ a ghɨ̂ ka bɨ̀a Bèjuê e kwàꞋtè nê, betsiꞋa Mbɔ̧ɔ̧mà kà yu̧u̧mè bòt bɔ pfəꞋte la à?

ÀfaꞋa 4:2

Bɔ kɨꞋɨ ale me tsoo ane bɔntu̧ Yesò bu babe la, nkàà nê bɔɔ ndàꞋà shu abua bòt bu nê, Yesò pfə mè njù̧ù̧mê, è wu ale bòt bàgème e wu li eyu̧u̧me mɨ̧̂.

ÀfaꞋa 6:6

Bɔ làa ale nkɔ̀ke àwɔb a mbì bɔntu̧ bu, bɔ nɔ̀ŋè èbu bɔb adù̧ yɔb, ntsàꞋte a Mbɔ̧ɔ̧mà àtsə ayɔb.

Lûm 2:16

Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

1 Kɔlìn 10:2

Bɔ li ndzì àwɔb a èdzî nè a èbem mbàꞋ bɔ tsiꞋi bòt bɔ̀ɔ nkuŋa Musì la.

1 Kɔlìn 12:13

Wu wuê ndɨ bàagème, kò ba wu Bèjuê, kò bòt kà wu Bèjuê, kò èbùꞋ, kò bòt kà wu èbùꞋ leꞋ, bɔ zì àwa a èdzî baa bɔ Fo ngaa yemɔ̀Ꞌ ntsìꞋi mbɨ̧̀ ènyit yemɔ̀Ꞌ la. Mbɔ̧ɔ̧mà mè ndzì Fo ngaa a mèntɨ̧ɨ̧ ma bàagème.

2 Kɔlìn 5:10

Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

Kɔ̀losìà 2:12

Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.

2 Tɔ̀màtià 2:18

Bɔ sà alu̧ nkûŋ me gheeba ntsòkà ètsə bòt Yesò ko è shùa nê, Mbɔ̧ɔ̧mà è yu̧u̧me bòt bɔ pfəꞋte la tè ndɔ̀Ꞌ.

Ebùlù 11:35

Èntɨ̧ɨ̧ mbɔŋ bɔ zi ane Mbɔ̧ɔ̧mà la e ghɨ̀ bèzi e mè ndze bòt bɔb bɔ li mpfəèꞋte Mbɔ̧ɔ̧mà mè ngɨ̀ bɔ yu̧u̧me la. Bɔ li ngɨ̧̀ɨ̧̀nè èbeko tè bɔ pfəꞋtè, ngu ndɨ bɔ tu̧u̧ ebɨ̧ɨ̧ne bɔɔ sà àwɔb la, bɔ̀ɔ nkɨ mbɨ̀Ꞌɨ̀ li eyu̧u̧me e bɔ mèntsèke ntsɔ̧̀ la.

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.