Ebùlù 6:17 - Mundani

¹⁷ Mbɔ̧ɔ̧mà li me kɨ e ghɨ̌ bòt bu bɔ li mbɔ̌ ndɨ bɔ̀ɔ bɔ àghɨa tà li nkàꞋ la, aa la ko nê tà ka lɔ̀Ꞌ àlia ekubte èntɨ̧ɨ̧ vi a, tà zǐ nkà̧ nɨŋ sèntè ànəê yu ye kàꞋà la.

Ebùlù 6:17 ပူးပေါင်းရင်းမြစ်များ

Jɔ̌n 10:10

Tsɔŋ nàa ngɨ̀ tà wua nkɨ̀Ꞌa wuê mbɨ̀Ꞌɨ̀ etsɔ, ebùŋe, tsòke. E ndɨ nkɨ̀Ꞌɨ̂ mbɨ̀Ꞌɨ̀ e ghɨ̌ bòt aa bɔ mèmpème, mbɔ̂ ngu ebɔ mùà nènkèm.

Lûm 11:29

Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

Ebùlù 11:9

Èntɨ̧ɨ̧ wa tà li ndzi ane Mbɔ̧ɔ̧mà la e li ngɨ̀ tà me tseke mbɨ̀Ꞌɨ̀ gɨ̧̀ a èbem àlaꞋ yu Mbɔ̧ɔ̧mà li nkàꞋ atò la. Tà li ngua tseke a tèbêmte bayò bɔ̂ waã vi Asàk nè Jàkɔ̂b waã Asàk wu Mbɔ̧ɔ̧mà li nê bɔɔ bɔ àghɨa ye kàꞋà la mɨ̧̂.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Ebùlù 6:16

Wòt nàa ngɨ̀ tà me zǐ nkà̧, tà nɨ̀ èlen wòt tà tsè atò la ka nɨŋ ndzì, tà zì ale bɔ ko nê, bɔ tsia ànəa mbɔŋ, tè ndòo àyɔ̀ŋ àgème a kètsìà bòt.

Ebùlù 6:18

Èghɨ aa bebe betsiꞋa è ka kubtè la, Mbɔ̧ɔ̧mà kà mê ngu elàꞋà mèfà̧ adù̧ la. Ale, bàa wu ba ghǎ abua Mbɔ̧ɔ̧mà mbɨ̀Ꞌɨ̀ epeme la, e lâ nko nê, baa bɔ àghɨ yu ba nɔ̀ŋe ntɨ̀ ya me chɨ̀Ꞌɨ nê Mbɔ̧ɔ̧mà nɔ̀ŋe abua ya la.

Jimsì 1:17

Àghɨa ntsɔ̧̀ àgème nè àghɨ àgème a ghe la àa ndzəèà nè ègwet abua Tǎt wa Mbɔ̧ɔ̧mà wu tà ghɨ mèkàꞋà mu a ègwet la. Ka tòà zìambɔŋ nàà kà kùbtê, tà kà mèe ngua ngèbla mbɨ̀Ꞌɨ̀ mèkàꞋà mbɔŋ àfɨꞋa ko e ghɨ̌ ndzěm naa kwene.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Pità 1:3

Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

1 Pità 3:7

Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.