Ebùlù 6:11 - Mundani

¹¹ Baa nkɨà nê, wòt ègème ane yɨ̧ baãaã wuê a èlɨ̀ waa tè ngà ndìà, mbɨ̀Ꞌɨ̀ ebɔ àghɨa tà kuule èntɨ̧ɨ̧ vi me chɨ̀Ꞌɨ la.

Ebùlù 6:11 ပူးပေါင်းရင်းမြစ်များ

Matìù 24:13

ka wòt tàa li baãaã èntɨ̧ɨ̧ vi te ghǎ ewu a ndìa la, naa li bɔ mèmpème.

Lûk 1:1

Wòt èkɔŋ am Tìofilɔ̀s, bòt nyaŋ e nyɔꞋtè shɨ ànəa èghɨ bu bɔ ko nê e ghɨ̌ a kètsìà wa la.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

Filìpȩ 3:15

A bɔ̂ŋ nê, bàa wu ba tsə tê ntsìꞋi bɔɔjuŋ ane èngǎ̧ Mbɔ̧ɔ̧mà la è me kwàꞋtè mènəè ane èlɨ̀ waa. Mbə è wu nê bòt ko ane yɨ̧ aà nkwàꞋtà èlɨ tsa, ko Mbɔ̧ɔ̧mà naa ghaꞋte ètsə bɔb.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tèsàlonikà 1:5

Ba li bàà ka nɨ Ntu̧ Ntsɔ̧̀ yu ekɨꞋɨ abua yɨ̧ wuê ane èngǎ̧ ètsəê. È li nkɨ̀Ꞌɨ̂ nè mètàŋ nè Fo Kèfə ndâ kùbte awɨ̧. Bɨ ko ndɨ ba li ngu ayɔɔ yɨ̧ ale me tseke la. Ba li ngua ngɨ̀à ale ane ntsɔ̧̀ wɨ̧.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

2 Tèsàlonikà 3:13

Ka è me wu awɨ̧ à bɔnyɨ ba, bɨ̀ ka nkà̧aã a màngɨa ntsɔ̧̀.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

2 Pità 1:10

È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

1 Jɔ̌n 3:14

Bàa mbɔŋ e ko nê ba dzə a èbem èvə tè mbɔ̀ mèmpème nkàà nê baà nkɔ̀ŋkà bɔnyɨ ba. Waa waa tàa ka kɔ̀ŋkè wanyɨ vi la nàà ntsèka a èbem èvə.

1 Jɔ̌n 3:19

Ba me kɔ̀ŋkè bɔnyɨ ba a èlɨ̀ waa, ko baa ko nê ba wu bòt mènəè nkûŋ. Eyaa mè ngu àghɨa àa ghɨ̌ ka mèntɨ̧ɨ̧ ma naa tseke ka wua mbèntâ a mbì Tǎt wa Mbɔ̧ɔ̧mà la.

Ètsə 2:26

“ ‘Wòt kuula èntɨ̧ɨ̧ vi nùà tè ntsèà, mè ngɨ̀ àghɨa màa nkɨà la ngà te ndìà, ko maa ŋa atò mètàŋ a ègwet èlaꞋ ègème,