Ebùlù 6:1 - Mundani

¹ Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

Ebùlù 6:1 ပူးပေါင်းရင်းမြစ်များ

Matìù 21:29

“Waã wu bɨ̀ɨ̀lè nê ‘È nka ghàa’, ka àfɨ̀Ꞌ a me wu tà kùbte èntɨ̧ɨ̧ vi ngà

Matìù 21:32

A me wu ale ngu nê Jɔ̌n ndzìà èdzî li nkɨ̀Ꞌɨ̂ nyɨ̀Ꞌte awɨ̧ alu̧ ndɨ bɨ̀a me ghɨ̀ àghɨa Mbɔ̧ɔ̧mà nàa nkɨà la, ka bɨ tu̧u̧ ebɨ̧ɨ̧ne ànəa tà li ngua shua la. Bèfetà èkab taksì, nè bèghȩ̀ȩ̀ne ghȩȩne e bɔ̂ mbɨ̧̀ɨ̧̀ne. Ka bɨ ye ale, ntsiꞋi akwèn bɨ̀ ka lem kùbte mèntɨ̧ɨ̧ mɨ̧, ebɨ̧ɨ̧ne ànəa tà shua la.”

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Matìù 5:48

È wu ale, mènəè mɨ̧ bɔ ndɨ nàa nèète tɨ̧ɨ̧ ndɨŋndɨ̀ŋ mbɨ̀Ꞌɨ̀ tǎt wɨ̧ a ègwet nàa ndɨŋndɨ̀ŋ la.

Matìù 7:25

Mbɨ̀ŋ lu, èdzî e lu̧, àfeme a mè ntsè ndèbè lob mbɔŋ, ka è kà kwen, nkàà nê bɔ bɔ̧ a ègwet èwu.

Ntu̧ Ntsɔ̧̀ MAK 1:1

Eyaa wu Ntu̧ Ntsɔ̧̀ ane ànəa Yesò Klistò Waã Mbɔ̧ɔ̧mà.

Ntu̧ Ntsɔ̧̀ MAK 6:12

Bɔkatè Yesò bu e zə ànəa tà shu la, ngà me tsɔ̀te nê bòt è waꞋa mènəè kàbɔ̀ŋ mɔb.

Lûk 6:48

Tà wu mbɨ̀Ꞌɨ̀ wòt tà me kuule lob zi ntu si mbɔ̧̀ àtetsi a ègwet èwu la. Èdzî e tsekè tè ndu̧ nkɔꞋ ndèbè lob yu, ka è kà bentè, nkàà ndɨ tà lè bɔ̧ɔ̧ àtetsi ntsɔ̧̀ la.

Jɔ̌n 12:44

ÀfɨꞋa mbɔŋ Yesò ŋȩ nê, “Wòt tà zǐ èntɨ̧ɨ̧ vi ane yaã la ka zia wuê ane yaã, tà wua ndzìà fɔɔle ane wòt wu tà tsàà am la.

Jɔ̌n 14:1

Yesò mè shu abua bɔkatè bi nê, “Mbɨ̀Ꞌɨ̀ ànəa a me saa wɨ̧ a èntɨ̧ɨ̧ wɨ̧. Bɨ̀ zǐ èntɨ̧ɨ̧ wɨ̧ ane Mbɔ̧ɔ̧mà, mè ndzì èntɨ̧ɨ̧ wɨ̧ ane yaã.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 3:19

È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,

1 Kɔlìn 13:10

À yu à wu nènkèm la aa me ghɨ̀ tê nkɨ̀Ꞌɨ̂, à yu è wù àtem la, à ka tsi nguê.

1 Kɔlìn 2:6

Mâ batè ndàꞋ àyaa ale, ka bàa bɔntu̧ Mbɔ̧ɔ̧mà aa ndàꞋà èyì ayɔɔ bòt bɔ kweele ane mènəè Mbɔ̧ɔ̧mà la, ka è kà wu èyì wu bòt laane àa nyɨ̀Ꞌta la, kò èyì wu bòt bɔ̀ɔ mbà̧aã èlaꞋ ngɔ̀ŋ, è wu bòt ntsèa tsě la, àa nyɨ̀Ꞌta la.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

2 Kɔlìn 7:10

Àbu a Mbɔ̧ɔ̧mà àa ngua ane ànəa àa sàa wòt la, a ghɨ̀ ŋut kubtè èntɨ̧ɨ̧ vi nè mèntsèke mi. Àyaa aa ngɨ̀à wòt pèma, tè à ka wu esaa wòt. Èntɨ̧ɨ̧ àa me saa wòt mbɨ̀Ꞌɨ̀ èntɨ̧ɨ̧ àa sàa bòt ngɔ̀ŋ la, è nɨ èvə nɨŋ nkɨ̀Ꞌɨ̂.

Efesɔ̀s 2:1

È li ngu àfɨꞋa mbì, bɨ wu bòt bɔ pfəꞋte la a mbì Mbɔ̧ɔ̧mà, nkàà ndɨ bɨ li ngua nkwèèla àtsə abua Mbɔ̧ɔ̧mà ngɨa kàbɔ̀ŋ la.

Efesɔ̀s 2:5

tè ngɨ̀ awa wu ba li ngu bòt bɔ pfəꞋte a mbì tò la, ba tsiꞋi bòt yu̧ ba Yesò Klistò ba. Ba pem nkàà a ntsɔ̧̀ Mbɔ̧ɔ̧mà wu tà nyɨꞋte abua ya la.

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

Kɔ̀losìà 1:28

Baà shua waa waa ànəa Yesò, nɨa èyì nyɨ̀Ꞌta waa waa, mè səèŋkà ètû̧ bɔb mbɨ̀Ꞌɨ̀ bà me nɨ wòt ègème tà tsiꞋi àghɨ yeamɔꞋ nè Yesò Klistò la nkɨ̀Ꞌa a mbì Mbɔ̧ɔ̧mà, ŋut kuꞋu ane ebà ègème.

Kɔ̀losìà 3:14

Waa waa me kɔ̀ŋkè wanyɨ vi nɨ̀a nkweꞋna ane èghɨ bàa ègème, nkàà nê èkɔŋ aa fèta bòt ngɨ̀à bɔ tsiꞋa àghɨ yeamɔꞋ, wuê mbɨ̀Ꞌɨ̀ a wu ewu la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 6:19

Bɔ ghɨ̀ anè, bɔ ko nê bɔ wua nɔ̀ŋà èghɨ bɔb adzìꞋa ntsɔ̧̀, mbɨ̀Ꞌɨ̀ wòt ntàŋka mèntsèke ntsɔ̧̀ mi nàa li ewu ane àli ako la. ÀfɨꞋa mbɔŋ àa kɨꞋɨ bɔɔ bɔ ngule mèmpème mbɔŋ.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Ebùlù 12:13

Bɨ̀ ŋwètè èka bɨ̧ a si ntsɔ̧̀ mbɨ̀Ꞌɨ̀ èka mbɔŋ e loŋ bɨ debte a si. Ka bɨ̀ bɔ me kweele.

Ebùlù 7:11

Mbɔ̧ɔ̧mà li ŋa mbɨ̧tsə abua bòt Izəèlȩê ane ndɨ tèa nkùꞋu ane àfaꞋa tà ŋa abua bèntsìà mèpɨ̧̀ Mbɔ̧ɔ̧mà bu be dzə a èbem àndǎ̧ Levì la. Ale, àfaꞋa bèntsìà mèpɨ̧̀ Mbɔ̧ɔ̧mà bu bɔ dzə àndǎ̧ Levì la a li ngɨ̀ ale ngu ko e ghɨ̌ bòt aa wu mbɨ̀Ꞌɨ̀ bɔ wuê ewu la a mbì Mbɔ̧ɔ̧mà, ko Mbɔ̧ɔ̧mà li tà kà tsi ntsàà ntsìà mèpɨ̧̀ ko tsa, tà wù mbɨꞋɨ̀ Mèkizedèk kà wu mbɨꞋɨ̀ Alɔ̀n la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Jimsì 1:4

TsiꞋ mèntɨ̧ɨ̧ mɨ̧ nèète nkweele ntsɔ̧̀ mbɨ̀Ꞌɨ̀ bɨa tsə te kùꞋu, tè àghɨa ko aa baka tsi ngua mbùa ane yɨ̧.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

1 Jɔ̌n 4:12

Wòt te bakà ye a Mbɔ̧ɔ̧mà, ka ba me kɔ̀ŋkè bɔnyɨ ba, ko baa Mbɔ̧ɔ̧mà ba e tsiꞋi àghɨ yeamɔꞋ, tà mè ndù̧ù̧ne mèntɨ̧ɨ̧ ma nè èkɔŋ.