Ebùlù 5:7 - Mundani

⁷ È li ngu àfɨꞋa Yesò wu a sitsǎꞋ ŋàa la, tà me ŋȩ nè mèsi ntsàꞋta Mbɔ̧ɔ̧mà nè èntɨ̧ɨ̧ vi ègème shua mènəè abua tò wu betsiꞋa tà ko ngɨ̀ tè Yesò wu tseke kà pfə la. Mbɔ̧ɔ̧mà li njùte ànəa tà dɨ̀à shua la ndɨ̀ wu Yesò li ngua mbɔ̀ɔ̀le avi ndzəa tò la.

Ebùlù 5:7 ပူးပေါင်းရင်းမြစ်များ

Matìù 27:46

È me wu a mbɔŋe ane nyèm tetat, Yesò ŋȩ ane àtɔŋ nɨ̧ nê “Èli, Èli, làma sàba tàni?” Ngua shua nê “Tǎt am Mbɔ̧ɔ̧mà, Tǎt am Mbɔ̧ɔ̧mà leꞋ, à ghɨ̀ na ka ngwàꞋ am à?”

Matìù 27:50

Yesò mè ŋȩ ane àtɔŋ nɨ̧, èntɨ̧ɨ̧ tò e paa.

Ntu̧ Ntsɔ̧̀ MAK 15:34

È me wu ane nyèm tetat, Yesò ŋȩ ane àtɔŋ nɨ̧ nê, “Èli, Èli, làma sàba tàni?” Ngua shua nê “Tǎt am Mbɔ̧ɔ̧mà, Tǎt am Mbɔ̧ɔ̧mà leꞋ, à ghɨ̀ na ka ngwàꞋ am à?”

Ntu̧ Ntsɔ̧̀ MAK 15:37

Yesò ŋȩ ane àtɔŋ nɨ̧, mbɔ̂ mpfə.

Lûk 23:46

Yesò ŋȩ ane àtɔŋ nɨ̧ nê, “Tê, ye àlɨ̀ŋkè am àyaa àbu ayê mâ zì la.” Tà shu ale, mbê mpfə.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 11:35

Yesò dɨ̀.

Jɔ̌n 11:42

Mâ ko nê àa njùta èngǎ̧ am àfɨ̀Ꞌ àgème, ka e tsiꞋa shua anè nkàà bòt baa bɔ tɨ̧ɨ̧te a si ŋàa la, mbɨ̀Ꞌɨ̀ bɔɔ ko nkûŋ, nkûŋ nê, àwɔ̀ ka à li tsàà am la.”

Jɔ̌n 17:1

Mbɨ̀Ꞌɨ̀ Yesò làꞋà mèngà̧ maa la, tà lɔ̀kè àvi ndȩ̀ ègwet nê: “Tê, àfɨ̀Ꞌ yu a kuêꞋ, ghɨa bòt è ye ènɨ̧ Waã wè, mbɨ̀Ꞌɨ̀ Waã wè naa ghɨ̌ bòt aa ye ènɨ̧ wê mɨ̧̂.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Ebùlù 10:10

Ndɨ̀ wu Yesò Klistò li nkɨ̀Ꞌɨ̂ ŋà àtsəa zi ngò̧ yemɔ̀Ꞌ mbɨ̀Ꞌɨ̀ Mbɔ̧ɔ̧mà kɨa la, ba tsiꞋi mbɨ̀Ꞌɨ̀ bòt kà ghɨa kàbɔ̀ŋ.

Ebùlù 10:5

Ale, Yesò Klistò li me kɨꞋɨ a sitsǎꞋ ale shu abua Mbɔ̧ɔ̧mà nê, “Èntɨ̧ɨ̧ wê e ntsě ane banyà̧ bu bòt àa nkɨ̧̀ɨ̧̀ma la, nè èghɨ bu bòt àa ŋǎ abua yê la, mbɔ̂ à ghɨ̂ e mbɔ mbɨ̧̀ ènyit màa ŋa la.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

Ebùlù 12:28

Ndɨ̀ wu Mbɔ̧ɔ̧mà ŋa awa àdziꞋ a èbem kèfɔ̧̀ vi wu kà bɔ wu ko enyiꞋi la, bɨ̀ tsiꞋ bà me ŋa kènuke abua Mbɔ̧ɔ̧mà, ngùꞋtà tò mè mbɔ̀ɔ atò ane ndɨ àa bɔ̌ atò la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

1 Jɔ̌n 4:3

Ka wòt ègème tà tu̧ nê Yesò Klistò li tà kà tsiꞋi wɔ̀bȩ̂ la, bɨ ko nê fo yu ane ŋut la ntsě ye Mbɔ̧ɔ̧mà. Fo mbɔŋ wu ye wɔ̀mbù̧ Yesò Klistò wu bɨ li ndzə nê taa li ekɨꞋɨ la, è bê nkɨ̀Ꞌɨ̂ tè ntsìꞋi àbȩ àfɨ̀Ꞌ yaa la.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.