Ebùlù 5:12 - Mundani

¹² Bɨ ghɨ̂ mbɔ̌ ndɨ nàa me wu àfɨ̀Ꞌ yaa bɨa tsiꞋi bènyɨꞋtà la, ka wòt kǒ bɔ ndɨ̀ tàa mèe enyɨꞋte awɨ̧ èghɨ leyu bu wòt bɔ ndɨ tàa bɨ̌ ko ane èngǎ̧ Mbɔ̧ɔ̧mà la. Bɨ bele mbɨ̀Ꞌɨ̀ bòt bɔ̀ɔ me nyɔŋe awɔb la, bɨ bakà zìꞋ nkùꞋ bòt bɔ̀ɔ me jɨ èghɨjɨ kekweelè la.

Ebùlù 5:12 ပူးပေါင်းရင်းမြစ်များ

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Ntu̧ Ntsɔ̧̀ MAK 9:19

Yesò bɨ̀ɨ̀lè nê, “Bɨ̀a waa bɨ wu àndǎ̧ kà koa Mbɔ̧ɔ̧mà. Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ nɨ waã mbɔŋ nkɨ̀Ꞌɨ̂ àdzìꞋ yaa ŋǎ abua am!”

ÀfaꞋa 7:38

Wu Musì mbɔŋ tà li ngu bɔ̂ bòt Izəèlȩê àfɨ̀Ꞌ yu bɔ li ngu ane ènɔ̧̂ àbâ àlaꞋ àyuube la. Tà li ngua abot və bɔ̂ bètǎt nyaꞋ ba, nè wantu̧ Mbɔ̧ɔ̧mà wu tà li ndàꞋà abua tò àfɨ̀Ꞌ yu tà li ngu a ègwet Èbȩ Sinȩ̀ la. Tà li ndzəâ ntu̧u̧te mèmpème kàlìà abua Mbɔ̧ɔ̧mà mbɨ̀Ꞌɨ̀ esǎ abua ya.

Lûm 3:2

Àbȩ̀ a taꞋa wu ane èghɨ bàa, ane abà àgème. Enɨ bùꞋu, Mbɔ̧ɔ̧mà li ndzì èngǎ̧ vi a tèkitebu Bèjuê.

1 Kɔlìn 14:19

Ka e ngu àdziꞋa bòt chɔsì e bù̧ù̧tè la, ko maa kɔ̀ŋke a màndaꞋa èngà̧ yetà̧â̧ nkoa ànəa e shua la mbɨ̀Ꞌɨ̀ nɨ nyɨꞋte bòt, te tsě ndɨ màa làꞋà mèngǎ̧ bètɔsì èghem ane ndɨ̧tsə tsa tsa la.

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

Gàlashìà 4:3

Ale, bàambɔŋ e li ngu mbɨ̀Ꞌɨ̀ èbùꞋ, àfɨꞋa ba li mbèle bɔtechɨɨle la, me ghɨ̀ àghɨa èyo̧o̧te fotsə a ègwet te kɨa la.

Filìpȩ 3:1

Bɔnyɨ bɔ̧, ànəa e nkɨ lìa eshu awɨ̧ la wu nê, bɨ̀ wùꞋtè àwɨ̧ ndɨ̀ wu bɨ Yesò Klistò ba è tsiꞋi àghɨ yeamɔꞋ la. E màà me shɨ wuê mènəè mu e ndi shɨŋ abua yɨ̧ la, à ka lem sàà am. E mè shɨa mùà, ko nàà ngà ekele mbɨ̀Ꞌɨ̀ ànəa kàbɔ̀ŋ a ye awɨ̧.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Ebùlù 10:32

Bɨ̀ ku̧u̧te èli mbì bu bɨ li mbɨ̀ nko nê èngǎ̧ Mbɔ̧ɔ̧mà wu nkûŋ la. Bɨ li ntàꞋa ye ngoꞋ ka bɨ̀ ka tsi mèntɨ̧ɨ̧ mɨ̧ ane Mbɔ̧ɔ̧mà.

Ebùlù 5:11

Ba taꞋa bɔ mèngǎ̧ bàa làꞋa ane ànəê yaa la, ka è me kweele awa ndɨ bàa ghaꞋte shu la, nkàà nê ànəê aà kà yàŋè nyi àtsəa yɨ̧.

Ebùlù 5:13

Wòt ègème tàa nyɔ̌ èbɨ̧ la bele watèchɨɨle kà zìꞋ neete eko àghɨa Mbɔ̧ɔ̧mà nàa nkɨà la.

Ebùlù 6:1

Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.