Ebùlù 4:15 - Mundani

¹⁵ Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Ebùlù 4:15 ပူးပေါင်းရင်းမြစ်များ

Matìù 12:20

Tàa ngɨ̀ tà ye keshùŋ ke bəꞋa la, tà kà paa loo. Tà ye èkaꞋà àa ndèmta la, tà kà paa eliime. Taa me ghɨ̀ wu ale, tè bòt e ghɨ̀ bɨ̧ɨ̧ne àghɨa Mbɔ̧ɔ̧mà saꞋ nê aa wu la.

Matìù 4:1

AfɨꞋa mbɔŋ, Fo Mbɔ̧ɔ̧mà nɨa Yesò nkɔꞋ ngà àbâ àlaꞋ àyuube, Satàn naa taãaãte atò.

Lûk 22:28

Ka wu ndàꞋà bɨ̀a, bɨ li ntɨ̧ɨ̧ a ngèt yaã àfɨꞋa e ndi mbùꞋ me ye ngoꞋ tê kɨꞋɨ edzəâ àfɨ̀Ꞌ yaa la.

Lûk 4:2

Satàn tà̧à̧te atò ane èli èghem yekwì. Tà li tà kà jɨ àghɨ ane èli mbɔŋ, a me lìa ndzìtsə te baãaã atò.

Jɔ̌n 8:46

Wòt wu ane yɨ̧ betsiꞋa tà nyɨꞋte nê, maa ngɨ̀à mènəè kàbɔ̀ŋ la wu wà à? Mâ me laꞋa nkûŋ bɨ ghɨ̀ na ka bɨ̀ ka bɨ̧ɨ̧ne ànəa e shua la à?

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 5:2

Taa ko bɔɔla vi etɨŋe bòt bu bɔ̀ɔ fà̧à̧tà mènəè nkàà nê bɔ baka ko la, ndɨ̀ wu tàa njùa àzi ane balu̧ nyaŋ la.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 2:22

Tà li tà kà ghɨa kàbɔ̀ŋ, èngǎ̧ fɨte è ka li mè dzəa ètsəê tò.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.