Ebùlù 4:14 - Mundani

¹⁴ Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 4:14 ပူးပေါင်းရင်းမြစ်များ

Matìù 4:3

Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

Ntu̧ Ntsɔ̧̀ MAK 1:1

Eyaa wu Ntu̧ Ntsɔ̧̀ ane ànəa Yesò Klistò Waã Mbɔ̧ɔ̧mà.

Ntu̧ Ntsɔ̧̀ MAK 16:19

Mbɨ̀Ꞌɨ̀ Yesò Lefɨ̀Ꞌ è paa a màndaꞋa abua yɔb la, Mbɔ̧ɔ̧mà bê nɨ̀a tò ngà a ègwet tà tseke àbâ àbualu̧ a tò.

Lûk 24:51

Mbɨ̀Ꞌɨ̀ tàa fà̧à̧te awɔb la, tà bê ŋèꞋe avi a si me kɔꞋɔ nga ègwet.

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

ÀfaꞋa 3:21

Tà bɔ̂ ndɨ tàa tseke ègwet tè Mbɔ̧ɔ̧mà naa gheble èghɨ ègème aa tsiꞋi be fi mbɨ̀Ꞌɨ̀ tà li ngɨ̀ ngule bèndàꞋàtɔŋ tò be làꞋ, tê àfɨꞋa mbì la.

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

2 Kɔlìn 12:2

Mâ ko wòt kǒ tà wu wòt Yesò Klistò la. Bɔ li nɨ atò àfɨ̀Ꞌ àko ngà tè ntsè ègwet nga a ègwet àdziꞋa Mbɔ̧ɔ̧mà wù la. Kò ŋut li ngà nè nkèm zi, kò wu wuê àlɨ̀ŋka tò ka a li ngà la leꞋ, ko e mbakà koê, wu Mbɔ̧ɔ̧mà ka tà ko la. Àfɨ̀Ꞌ ya wu èngùꞋebȩ ntsɔ̀b yekwì mbɨ̀Ꞌɨ̀ àyaa a tsè la.

2 Kɔlìn 9:13

ÀfàꞋ yaa bɨ̀a ghɨ̀ la aa ghɨ̌ bòt aa me wùꞋte a Mbɔ̧ɔ̧mà, nkàà nê bɔ ye nê bɨa ngɨ̀à àghɨa Ntu̧ Ntsɔ̧̀ Yesò Klistò yu bɨ̀a shua nê bɨ bɨ̧ɨ̧ne la, è laꞋ nê bɨ̀ me ghɨ̀ la. Bɔɔ mě me wùꞋte a Mbɔ̧ɔ̧mà nê, bɨ ŋa abua yɔb mè ŋǎ abua bòt ko tsa bàgème kà kuꞋte àbu.

Efesɔ̀s 4:10

Wòt wu tà li nchu a sitsǎꞋ la è bèle wu tòà tà li nkɔꞋ ngà tè ntsè ègwet la, mbɨ̀Ꞌɨ̀ ewu àdzìꞋ àgème.

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

Ebùlù 10:12

Ka Yesò Klistò li ŋà àtsəa zi ngò̧ yemɔ̀Ꞌ, ane mènəè kàbɔ̀ŋ bòt, a bê nkùꞋ ale ane àlia nè àlia, mbɔ̂ ngà ntsèke àbâ àbualu̧ a Mbɔ̧ɔ̧mà.

Ebùlù 10:23

Bɨ̀ ghɨa bà neeta nɔ̀ŋè ntɨ̀ ya adù̧ àghɨ yu bàa ndàꞋà ànəa yùà la ntsɔ̧̀, nkàà nê Mbɔ̧ɔ̧mà nàa nkàꞋà ànəê tè tà ghɨ̀.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 6:20

Yesò ghǎ a èbèm və a mbì, nkàà àwa. Tà ghǎ abàꞋ və ale, ntsìꞋi taꞋà ntsìà mèpɨ̧̀ Mbɔ̧ɔ̧mà ane àlia nè àlia mbɨ̀Ꞌɨ̀ Mèkizedèk li ngu la.

Ebùlù 6:6

Bɔ tsìà mèntɨ̧ɨ̧ mɔb ane Yesò ko aa taꞋa kweele bɔɔ mě zì mèntɨ̧ɨ̧ mɔb ane tò, nkàà nê a wu mbɨ̀Ꞌɨ̀ bɔ wua mè ngù̧ù̧ta Yesò waã Mbɔ̧ɔ̧mà a mbɨ̧̀ mbasa, mè ŋa àtsəa kɔꞋɔ abua tò a kètsìà banɔ̧̀.

Ebùlù 7:3

Mèkizedèk waa li tà kà bɔ a tàt, tà kà bɔ nyɨ̌, bɔ̀ ka meè nko ka wuê bètǎt nyaꞋ tò. Bɔ bakà ko àlia bɔ li mbi atò la, bɔ̀ ka ko àyea tà li mpfə la. Tàà mbɨ̀Ꞌɨ̀ Waã Mbɔ̧ɔ̧mà. Tà wu ntsìà mèpɨ̧̀ Mbɔ̧ɔ̧mà ane àlia nè àlia.

Ebùlù 8:1

Ngule ànəê yu ba shua ane èngà̧ waa la wu nê, ba bɔ àtsəa bèntsìà mèpɨ̧̀ Mbɔ̧ɔ̧mà mbɨ̀Ꞌɨ̀ è waa tà tseke a ègwet àtɨ̧a kèfɔ̧̀ a ègwet àbâ àbualu̧ a Mbɔ̧ɔ̧mà àtsəa ngɔ̀ŋ la.

Ebùlù 9:12

Yesò li nyi a èbem àyò ya ngò̧ yemɔ̀Ꞌ, ntsè nga a èbem àdziꞋa ntsèm a mbì a Mbɔ̧ɔ̧mà yu. Tà li tà kà nɨ àlo̧ a dzətsə nè mpɔ̀ŋtsə ka nɨ enyi. Tà li ŋà àlo̧ azi zìambɔŋ, nɨŋ ngɨ̀ ba bɔ mèmpème nàa li ewu ane àlia nè àlia la.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.