Ebùlù 4:12 - Mundani

¹² Èngǎ̧ Mbɔ̧ɔ̧mà e wu èyu̧ mè mbɔ̀ mètàŋ. E tɔɔ te ntsè nyi èbà bebe. Aà sɔ̀ɔ̀bà tè ngà ndzə àdziꞋa àlɨ̀ŋka wɔ̀bȩ̂ nè fo tò à wu abot la, mè sɔ̀ɔ̀bà tè ngà ngu a èbem èkwȩ bɔ̂ mbɔ̀ɔ̀latsə. Aa ngɨ̀à Mbɔ̧ɔ̧mà ko àghɨa wòt nàa mɨ̀ɨ̀tà la nè àyea tàa nkɨ e ghɨ̀ la.

Ebùlù 4:12 ပူးပေါင်းရင်းမြစ်များ

Lûk 8:11

“Eyaa wu lə èngà̧teme wàa: Èsaãaãme wu, wu èngǎ̧ Mbɔ̧ɔ̧mà.

Jɔ̌n 12:48

Àghɨ aa və àa li saꞋa waa waa tà tu̧ am, mè ntu̧ ànəa mâ shu la. Mèngǎ̧ mâ làꞋà la ka nàa li esaꞋa ŋut àlia ngɔ̀ŋ nàa li elìà la.

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

ÀfaꞋa 2:37

Mbɨ̀Ꞌɨ̀ bòt bu abot la e zə èngà̧ waa la, e baãaãte awɔb a mèntɨ̧ɨ̧ mɔb. Bɔ biitè a Pità nè bɔntu̧ Yesò ko bu nê, “Bɔnyɨ ba, baa chɨɨme ghɨ̀ naà?”

ÀfaꞋa 4:31

ÀfɨꞋa bɔ tsàꞋte a Mbɔ̧ɔ̧mà tè ndɔ̀Ꞌ la, àdziꞋa mbɔŋ a nyìꞋnè, Fo Kèfə kɨꞋɨ nyi a mèntɨ̧ɨ̧ mɔb, bɔ bùꞋ mè làꞋa èngǎ̧ Mbɔ̧ɔ̧mà kà bɔ̀â.

ÀfaꞋa 5:33

AfɨꞋa bòt èsaꞋa bu e zə èngǎ̧ waa la, mèsi mɔb fen bɔ tsoo kwàꞋ ànyaꞋne tè me kɨ e ghɨ̌ bɔɔ bùŋè bɔntu̧ Yesò bu.

ÀfaꞋa 7:38

Wu Musì mbɔŋ tà li ngu bɔ̂ bòt Izəèlȩê àfɨ̀Ꞌ yu bɔ li ngu ane ènɔ̧̂ àbâ àlaꞋ àyuube la. Tà li ngua abot və bɔ̂ bètǎt nyaꞋ ba, nè wantu̧ Mbɔ̧ɔ̧mà wu tà li ndàꞋà abua tò àfɨ̀Ꞌ yu tà li ngu a ègwet Èbȩ Sinȩ̀ la. Tà li ndzəâ ntu̧u̧te mèmpème kàlìà abua Mbɔ̧ɔ̧mà mbɨ̀Ꞌɨ̀ esǎ abua ya.

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

1 Kɔlìn 1:24

Ka è me wu bòt Mbɔ̧ɔ̧mà tɔ la, Bèjuê nè bòt ka wu Bèjuê èngǎ̧ waa ba làꞋà la wu ànəa Yesò Klistò wu tà wù mètàŋ Mbɔ̧ɔ̧mà mè ngu èyǐ tò la.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

Efesɔ̀s 5:13

Àghɨ àa ngɨ̀ à wu a èbem èkaꞋà ka bɔ lâ nko ndɨ àghɨa ngaa àa la,

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

Efesɔ̀s 6:17

Mèmpème mu Mbɔ̧ɔ̧mà ŋa abua yɨ̧ la bɔ ndɨ nàa wu mbɨ̀Ꞌɨ̀ ntà̧ èbet yu bèshujà àa nɨa nkàbta ètsə bɔb la. Bɨ̀ mèe nɨ èngǎ̧ Mbɔ̧ɔ̧mà wu Fo tò nàa ŋǎ la è wu mbɨꞋɨ̀ nyi èbet abua yɨ̧.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

Ebùlù 13:7

Bɨ̀ ku̧u̧te ànəa bòt bu bɔ li ngu àtsəa yɨ̧ la, ye bu bɔ li ndàꞋ èngǎ̧ Mbɔ̧ɔ̧mà abua yɨ̧ la. Bɨ̀ kwàꞋte ndɨ bɔ li ngua ntsèka tè ndɨ pfə la, ndzì èntɨ̧ɨ̧ wɨ̧ ane Mbɔ̧ɔ̧mà mbɨ̀Ꞌɨ̀ bɔ li ndzì è wɔb la.

Ebùlù 6:5

Bɔ li nko nê ànəa Mbɔ̧ɔ̧mà shu la aa mbɔ̀, mè ndzè mètàŋ mu nàa wu àfɨ̀Ꞌ yu Mbɔ̧ɔ̧mà nàa me bà̧aã ngɔ̀ŋ fi la.

Jimsì 1:18

Tà li ndàꞋ èngǎ̧ nkûŋ vi, mbi awa ane mènkɔ̀ŋke mi nê bàa tɨ̧ɨ̧ a mbì àghɨ àgème ye ghɨ̀ la.

1 Pità 1:23

Èngǎ̧ Mbɔ̧ɔ̧mà wu àa ŋǎ mèmpème, mè ngu ane àlia nè àlia la, e ghɨ̂ bɔ bi awɨ̧ a membǐ fi. Bɨa nè ntsìꞋi bɔ̧ Mbɔ̧ɔ̧mà wu tà wu ane àlia nè àlia kà wu epfə la.

Ètsə 1:16

Tà li mbèà těnto̧ tesà̧à̧mbe àbualu̧ azi, nyi nàa ntɔ̀a èbâ bebe la è dzəèa ètsəê tò, èsi tò e mè me kàꞋtè mbɨ̀Ꞌɨ̀ àtaãnyèm a nèngû̧.

Ètsə 19:15

Nyi dzəè a ètsəê tò, tàa nɨ nù èlaꞋ la. Taa me baãaã èlaꞋ mbɔŋ kà ku tèsȩ, ngɔ̀Ꞌɔ̀ àwɔb, e mě tɔ̀Ꞌtè àwɔb mbɨ̀Ꞌɨ̀ bɔ̀ɔ ntsəèꞋa tètaãaãte àyɨt a èbem àdziꞋ yu bɔ̀ɔ ntsəèꞋa ntsìà mèlùꞋ, à wua nyɨ̀Ꞌta ntsǒ Mbɔ̧ɔ̧mà Àtsèàngɔ̀ŋ la.

Ètsə 19:21

Wòt wu tà tseke a ègwet loà wu la nɨ nyi tètɔ yu, è dzəâ a ètsəê vi la mbùŋè bòt ko bu bàgème. Banɨ̧̀ bu bàgème e kɨꞋɨ̀ nkwet èpfəꞋte bɔb tè e tsè àwɔb.

Ètsə 2:16

Bɨ̀ kubte mènəè kàbɔ̀ŋ mɨ̧, na bɨ bakà kùbte, ko màa kɨꞋɨ ne nyi ebà bebe yu nàà dzə àtsə am la enû bòt nga la.

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.