“Bɔnyɨ bɔ̧, èngǎ̧ Mbɔ̧ɔ̧mà wu Fo Kèfə li ngɨ̀ Fɔ̧̀ Dàbid làꞋà ane ànəa Judàs la, e li mbɔ̌ ndɨ àa wu nkûŋ la. Fɔ̧̀ Dàbid li shu ndɨ Judàs wu wòt tàa li tɨ̧ɨ̧ a mbì e ghɨ̌ ka bɔɔ baãaã a Yesò la.
Àkata Mbɔ̧ɔ̧mà a laꞋnê, “Bɨ zə ànəa Mbɔ̧ɔ̧mà shu la laane, bɨ̀ ka ngɨ̀ mèntɨ̧ɨ̧ mɨ̧ me kweele mbɨ̀Ꞌɨ̀ bètǎt nyaꞋ bɨ̧ e li ngɨ̀ la. Bɔ li ntù̧u̧ eyute ànəa Mbɔ̧ɔ̧mà shu la.”
Ale, Mbɔ̧ɔ̧mà mê nɔ̀ŋè àli ako me tɔ nê “Laane”. MèngùꞋebȩ ko li ntaꞋa tsě, tà ghɨ̀ Dàbid làꞋ mèngà̧ maa ba tɔ a èbem Àkata Mbɔ̧ɔ̧mà tè ndɔ̀Ꞌ la nê, “Bɨ zə ànəa Mbɔ̧ɔ̧mà shu la laane, bɨ̀ ka ngɨ̀ mèntɨ̧ɨ̧ mɨ̧ me kweele.”
Ànəa ko a ntsě a èbem Àkata Mbɔ̧ɔ̧mà bèndàꞋàtɔŋ Mbɔ̧ɔ̧mà e li ndàꞋ è wû ànəa a dzəè àtsəa wɔ̀bȩ̂ la. Wu Fo Kèfə ka è li ŋwèèlè ngule bòt Mbɔ̧ɔ̧mà bɔ làꞋà mèngǎ̧ è dzə abua Mbɔ̧ɔ̧mà wu la.