Ebùlù 3:6 - Mundani

⁶ Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 3:6 ပူးပေါင်းရင်းမြစ်များ

Matìù 10:22

Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.

Matìù 16:18

È wu ale, tsiꞋ è shu awê nê à wu Pità, maa ghɨ̌ a chɔsì am a ègwet èwu làa ane ndɨ ka è màà ngu wuê èvə è ka ko enɨ wùà la.

Matìù 24:13

ka wòt tàa li baãaã èntɨ̧ɨ̧ vi te ghǎ ewu a ndìa la, naa li bɔ mèmpème.

Lûm 11:22

Baa ye àdziꞋ yaa ndɨ Mbɔ̧ɔ̧mà nàa ngɨ̀a ntsɔ̧̀ la, mè nè ndɨ tàa ngòꞋtà ane èsaꞋa vi la. Tàa ngòꞋtà adù̧ bòt bu bɔ ghɨa kàbɔ̀ŋ la, mbɔ̂ me ghɨa ntsɔ̧̀ abua yɨ̧ na bɨ wu mbɨ̀Ꞌɨ̀ tà kɨa la. Bɨ bakà ghɨ ale, ko taa loo awɨ̧ ewaꞋa mɨ̧̂.

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

1 Kɔlìn 3:16

Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

1 Kɔlìn 6:19

Bɨ bakà ko nê mbɨ̧̀ ènyit yɨ̧ wu lob Fo Kèfə yu è dzə abua Mbɔ̧ɔ̧mà la à? Bɨ ntsě àtsəa yɨ̧.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

Efesɔ̀s 3:12

Ndɨ̀ wu ba tsiꞋi àghɨ yeamɔꞋ nè Yesò Klistò mè ndzì mèntɨ̧ɨ̧ ma ane tò la, baa ko eghǎ a mbì Mbɔ̧ɔ̧mà elàꞋà ba tò ba kà ye kèbɔɔ.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

1 Tèsàlonikà 5:16

Bɨ̀ me wùꞋtè àwɨ̧ àfɨ̀Ꞌ àgème,

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Ebùlù 10:19

Bɔnyɨ bɔ̧, ale betsiꞋa ba ko nyi àdziꞋa ntsèm a mbì a Mbɔ̧ɔ̧mà kà bɔ̀a nkàà àlo̧ a Yesò.

Ebùlù 10:21

Ba bɔ taꞋà ntsìà mèpɨ̧̀ tà wu àtsəa lob Mbɔ̧ɔ̧mà la.

Ebùlù 10:23

Bɨ̀ ghɨa bà neeta nɔ̀ŋè ntɨ̀ ya adù̧ àghɨ yu bàa ndàꞋà ànəa yùà la ntsɔ̧̀, nkàà nê Mbɔ̧ɔ̧mà nàa nkàꞋà ànəê tè tà ghɨ̀.

Ebùlù 10:35

Ale, bɨ̀ ka ntsì èntɨ̧ɨ̧ wɨ̧ nkàà nê, bɨa nga bɔ taꞋà àbȩ̀.

Ebùlù 11:1

Ba zìà èntɨ̧ɨ̧ wa ane Mbɔ̧ɔ̧mà, è wu mànkoa nkûŋ nkûŋ nê baa bɔ èghɨ bu ba chɨ̀Ꞌà la, mè nko nkûŋ nkûŋ nê èghɨ bu bàa ka ye la aà və.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Ebùlù 6:11

Baa nkɨà nê, wòt ègème ane yɨ̧ baãaã wuê a èlɨ̀ waa tè ngà ndìà, mbɨ̀Ꞌɨ̀ ebɔ àghɨa tà kuule èntɨ̧ɨ̧ vi me chɨ̀Ꞌɨ la.

Ebùlù 6:18

Èghɨ aa bebe betsiꞋa è ka kubtè la, Mbɔ̧ɔ̧mà kà mê ngu elàꞋà mèfà̧ adù̧ la. Ale, bàa wu ba ghǎ abua Mbɔ̧ɔ̧mà mbɨ̀Ꞌɨ̀ epeme la, e lâ nko nê, baa bɔ àghɨ yu ba nɔ̀ŋe ntɨ̀ ya me chɨ̀Ꞌɨ nê Mbɔ̧ɔ̧mà nɔ̀ŋe abua ya la.

Ebùlù 7:19

Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.

1 Pità 1:8

Bɨ bakà ye atò, mbɔ̂ me kɔ̀ŋkè atò, mè ndzì mèntɨ̧ɨ̧ mɨ̧ ane tò kà ye atò. Mèntɨ̧ɨ̧ mɨ̧ è lu̧u̧ àfɨ̀Ꞌ yaa nè mèngùꞋte è ghe tê fɨ̀Ꞌ kà wu la,

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 4:17

ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

Ètsə 2:18

“Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Tȩ̀tilà la nê: ‘Eyaa mèngǎ̧ Waã Mbɔ̧ɔ̧mà wu àghɨ atò àa mbèꞋa mbɨ̀Ꞌɨ̀ èwet nkòòla la, èka tò e mè me beꞋe mbɨ̀Ꞌɨ̀ àtɨ̧ɨ̧na bɔ to̧a èwet la.

Ètsə 2:25

Ka bɨ baãaã èghɨ bu bɨ ko tê ndɔ̀Ꞌ la ntsɔ̧̀, tè è ngɨa nkɨ̀Ꞌɨ̂.

Ètsə 2:26

“ ‘Wòt kuula èntɨ̧ɨ̧ vi nùà tè ntsèà, mè ngɨ̀ àghɨa màa nkɨà la ngà te ndìà, ko maa ŋa atò mètàŋ a ègwet èlaꞋ ègème,

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.