Ebùlù 2:3 - Mundani

³ Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 2:3 ပူးပေါင်းရင်းမြစ်များ

Matìù 23:33

“Bɨ̀a nyà̧tekàbɔ̀ŋ, nè bɔ̧ nyà̧tekàbɔ̀ŋ! Bɨ̀a ghɨ̀ na te lùùla te bɔɔ bakà maꞋa wɨ̧ a èbem èwet Satàn à?

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Ntu̧ Ntsɔ̧̀ MAK 1:14

Àfɨ̀Ꞌ yu bɔ baãaã Jɔ̌n màꞋa a tèfȩ la, Yesò kɨ̀Ꞌɨ̂ a Galìlî me tsɔ̀te Ntu̧ Ntsɔ̧̀ Mbɔ̧ɔ̧mà,

Lûk 1:2

Bɔ shɨ ènəê bu ba zə a ètsəê bòt bu bɔ li ndzè èghɨ mbɔŋ a mèmbuꞋu ndɔ̀Ꞌ ntsɔ̀tè la.

Lûk 1:69

Tà tsàà àwa wòt nɨ̧ tàa ŋa awa ngule mèmpème la. Ŋut dzəè a àndǎ̧ wɔ̀fàꞋ tò Fɔ̧̀ Dàbid,

Lûk 24:19

Yesò mè mbììte nê, “Ka ànəê à?” Bɔ bɨ̀ɨ̀lè nê, “Ànəa a ghɨ̀ ane Yesò wu, tà wu wòt Nazàlet la. Tà lè wu ndàꞋàtɔŋ Mbɔ̧ɔ̧mà, mbɔ̂ bɔbȩ e li nɨa tò mbɨ̀Ꞌɨ̀ wòt tàa ngɨ̀à mènəè kà ye fɨ̀Ꞌ ane èghɨ ègème tàa shuà mè ngɨ̀à la.

Jɔ̌n 15:27

Bɨ̀a mbɔŋ e bɔ ndɨ bɨ̀a laꞋa ànəa bɨ ko ane yaã la, nkàà nê bɨ li ngu ba nɨ̧̀ ba kwàꞋ àfɨ̀Ꞌ yu e ndi mbùꞋ me nyɨꞋte mènəè maa la.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 2:3

Tè à mɨɨtè nê, àwɔ̀ wu àa ntsìà mpəèəète bòt bu bɔ̀ɔ ngɨ̀à èghɨ bàà la, à me ghɨ̀ èghɨ mbɔŋ àwɔ̀ mbɔŋ, ko Mbɔ̧ɔ̧mà nàa tseke ka saꞋa awê?

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Tèsàlonikà 5:3

Naa li ngu àfɨꞋa bòt e buêꞋ me shu nê èdziꞋ ègème e nɔ̀ŋke ntsɔ̧̀ tè àghɨ à ka tsi ngu e ghɨ̀ la, ka ngoꞋ kèkweelè bê nkwène adù̧ yɔb mbɨ̀Ꞌɨ̀ waã nàa ngɨ̀ è lɔꞋɔ ane àvi la, tè bɔ̀ ka tsi nkoê ndùùlà.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

Tȩtɔ̀s 2:11

Bòt è ghɨ̌ a èlɨ̀ waa nkàà nê Mbɔ̧ɔ̧mà è nèètè nyɨ̀Ꞌte a ntsɔ̧̀ vi abua waa waa mbɨ̀Ꞌɨ̀ baa peme.

Ebùlù 1:1

È li ngu tê àfɨꞋa mbì, Mbɔ̧ɔ̧mà me tsàà bɔntu̧ bi bɔ me làꞋa èngǎ̧ tò abua bètǎt nyaꞋ ba a ngo̧ a ngò̧ ane balu̧ nyaŋ.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 4:1

Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Jɔ̌n 1:1

Ba shɨa abua yɨ̧ ane ànəa èngǎ̧ wu e li mbɨ̀ ngu tê àfɨꞋa mbì ka ngɔ̀ŋ naa li ebùꞋù la. Bàa mbɔŋ e zə èngǎ̧ mbɔŋ mè ndzè ne àghɨ aya. Ba lâ ndzě wùà mè mbà̧à̧te nè èbu ba. Wu èngǎ̧ Mbɔ̧ɔ̧mà wu àa ŋǎ bòt mèmpème kàlìà la.

Jûd 1:17

Bèshu̧ bɔ̧, bɨ̀ ku̧u̧te mènəè bɔntu̧ Yesò Klistò Lefɨ̀Ꞌ wa e li shu nê naa li ghɨ̀ la.

Ètsə 7:10

Bɔ me ŋȩa shua nê, “Wu Mbɔ̧ɔ̧mà wa wu a ègwet àtɨ̧a kèfɔ̧̀ yu la, bɔ̂ Wanjɨ̀ wu ka bɔ̀ɔ ŋa awa mèmpème la.”