Ebùlù 2:17 - Mundani

¹⁷ Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Ebùlù 2:17 ပူးပေါင်းရင်းမြစ်များ

Lûm 15:17

Ale, maà ngàꞋtà am ane àfàꞋ yu màa fàꞋà abua Mbɔ̧ɔ̧mà la, è wu àfaꞋa mâ fàꞋa ane mètàŋ Yesò Klistò la.

Lûm 5:10

Baa li mbèle bɔmbù̧ Mbɔ̧ɔ̧mà, tà ghɨ̀ baa tsiꞋi ane àlàŋkè nè tò, nkàà èvə waã tò. Àyaa a wua mpàa nyɨ̀Ꞌta nê ndɨ̀ waa bàà tsiꞋi ane àlàŋkè nè tò la, taa li ghɨ̌ baa peme nkàà nê waã tò wu yu̧.

Efesɔ̀s 2:16

Èvə lu tà li mpfə a mbɨ̧̀ mbasa la e li ntsəèꞋne awɔb nè Mbɔ̧ɔ̧mà, ntsì mbù̧ yu è li ngu a kètsìà wɔb la.

Kɔ̀losìà 1:21

È lè wu àfɨ̀Ꞌ àko, bɨ teme kwen tɨ̧ ŋǎ abua Mbɔ̧ɔ̧mà tè ntsìꞋi bɔmbù̧ tò, nkàà mènəè kàbɔ̀ŋ mu bɨ̀ le wua ngɨ̀à mè nkwàꞋtà la.

Ebùlù 10:21

Ba bɔ taꞋà ntsìà mèpɨ̧̀ tà wu àtsəa lob Mbɔ̧ɔ̧mà la.

Ebùlù 2:11

Tàa shùà mènəè kàbɔ̀ŋ bòt. Tòà wa bɔ̂ bòt bu bɔ shùù mènəè kàbɔ̀ŋ mɔb la e bɔ a tǎt wɔb wemɔ̀Ꞌ. Ale, eyaa wu àghɨa a ghɨ̂ ka Yesò kà wua mbɔ̌ àtsəa kɔꞋɔ a màntɔ awɔb ane bɔnyɨ bi la.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ebùlù 2:16

Wu nkûŋ nê tà li tà kà kɨꞋɨ etɨŋe bɔntu̧ Mbɔ̧ɔ̧mà, tà li nkɨ̀Ꞌɨ̂ etɨŋe bòt àndǎ̧ Abàlàghâm.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Ebùlù 3:2

Tà li ngua ngɨ̀à àghɨ àgème Mbɔ̧ɔ̧mà wu ta lȩ̂ atò la shu nê tà ghɨa la wuê mbɨ̀Ꞌɨ̀ Musì li ngua nèètà ndzəa wuê ànəa àfàꞋ àzi a èbem lob Mbɔ̧ɔ̧mà ègème la.

Ebùlù 3:5

Musì li ngua ngɨ̀à àghɨa Mbɔ̧ɔ̧mà è shu nê tà ghɨa la a èbem lob tò, nɨa nyɨ̀Ꞌta àghɨa Mbɔ̧ɔ̧mà nàa li lɔ̀Ꞌɔ e shu la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Ebùlù 5:1

Mbɔ̧ɔ̧mà nàa ngɨ̀ tà lȩ̂ wòt ayɔɔ bòt, bɔ̀ zia tò ane àtsəa bèntsìà mèpɨ̧̀, bɔ wua nkɨà taa me fàꞋa abua Mbɔ̧ɔ̧mà ane èlen bòt ngaa, ŋǎ èghɨ mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà mbɨ̀Ꞌɨ̀ e ghɨ̌ taa waꞋa bèkàbɔ̀ŋ bɔb.

Ebùlù 5:10

Mbɔ̧ɔ̧mà mè ntsia tò ane àtsəa bèntsìà mèpɨ̧̀ wuê mbɨ̀Ꞌɨ̀ Mèkizedèk li ngu la.

Ebùlù 5:2

Taa ko bɔɔla vi etɨŋe bòt bu bɔ̀ɔ fà̧à̧tà mènəè nkàà nê bɔ baka ko la, ndɨ̀ wu tàa njùa àzi ane balu̧ nyaŋ la.

Ebùlù 5:5

Wu wuê a èlɨ mbɔŋ Yesò Klistò li tà kà kukte àvi zìambɔŋ, e ghɨ̀ àvi ane àtsəa bèntsìà mèpɨ̧̀ Mbɔ̧ɔ̧mà la. Wu Mbɔ̧ɔ̧mà ka tà li shu abua tò nê, “À wu Waã am; E ntsiꞋi Tǎt wè laane.”

Ebùlù 6:20

Yesò ghǎ a èbèm və a mbì, nkàà àwa. Tà ghǎ abàꞋ və ale, ntsìꞋi taꞋà ntsìà mèpɨ̧̀ Mbɔ̧ɔ̧mà ane àlia nè àlia mbɨ̀Ꞌɨ̀ Mèkizedèk li ngu la.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

Ebùlù 7:28

Mbɨ̧ Musì li ngua ntsia bòt kà kùꞋ ane ètsə bèntsìà mèpɨ̧̀ Mbɔ̧ɔ̧mà, ka mènkàꞋa Mbɔ̧ɔ̧mà mu è li ntsìꞋi e kɨꞋɨ akwene mbɨ̧ nè nkà̧ adù̧ la, li ngɨ̀ Waã tò wu tà kùꞋù la ane àtsəa bèntsìà mèpɨ̧̀ Mbɔ̧ɔ̧mà ane àlia nè àlia.

Ebùlù 8:1

Ngule ànəê yu ba shua ane èngà̧ waa la wu nê, ba bɔ àtsəa bèntsìà mèpɨ̧̀ Mbɔ̧ɔ̧mà mbɨ̀Ꞌɨ̀ è waa tà tseke a ègwet àtɨ̧a kèfɔ̧̀ a ègwet àbâ àbualu̧ a Mbɔ̧ɔ̧mà àtsəa ngɔ̀ŋ la.

Ebùlù 8:3

Bɔɔ̀ ngɨ̀ bɔ̀ me zi wòt ègème ane àtsəa bèntsìà mèpɨ̧̀ Mbɔ̧ɔ̧mà, bɔ wua nkɨà mbɨ̀Ꞌɨ̀ taa me ŋa èghɨ, mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà. Ale, a li mbɔ̀ŋ nê àya nè àtsəa bèntsìà mèpɨ̧̀ Mbɔ̧ɔ̧mà à bɔ àghɨa ko tàa ŋa abua Mbɔ̧ɔ̧mà la mɨ̧̂.

Ebùlù 9:11

Ka Yesò Klistò li nkɨ̀Ꞌɨ̂ mbɨ̀Ꞌɨ̀ wòt tà wu àtsəa bèntsìà mèpɨ̧̀ Mbɔ̧ɔ̧mà ane èghɨ ntsɔ̧̀ bu adzìꞋ yaa la. Àyò yu tàa faꞋa a èbèm la wu àyea a ghe mè ndâ ngu wu mbɨ̀Ꞌɨ̀ a wu ewu la. Àyò mbɔŋ ka ghɨa wɔ̀bȩ̂, è kà mèe ngu àghɨa bɔ ghɨ̀ mbɨꞋɨ̀ bɔ ghɨ̀ èghɨ ko a sitsǎꞋ la.