Ebùlù 2:14 - Mundani

¹⁴ Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ebùlù 2:14 ပူးပေါင်းရင်းမြစ်များ

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 12:24

Ane nkûŋ, tsiꞋ è shu awɨ̧ nê bɔ bakà nyɔꞋɔ kèmbèm ntsəè a si tè kea tuu, kèmbèm fu kea fì, ko kea tèꞋà wuê kemɔꞋ. Mbə kè tu kèmbèm fu kè fia ka ke shɨꞋ ndzì tèbèmtsə nyaŋ.

Lûm 14:9

Yesò Klistò li mpfə mè njù̧ù̧me, mbɨ̀Ꞌɨ̀ wu Tǎt abua bòt bɔ pfəꞋte la nè bòt bɔ̀ bele be yû̧ la.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

1 Kɔlìn 1:28

Mbɔ̧ɔ̧mà làà àghɨa bòt ngɔ̀ŋ àa ngwàa, bɔ̀ ka mê ngua ndzea mbɨ̀Ꞌɨ̀ àghɨ la, mbɨ̀Ꞌɨ̀ ghɨ̌ èghɨ bu bòt àa mɨ̀ɨ̀tà nê aa və la aa tsiꞋi èghɨ àku.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Kɔ̀losìà 2:15

Yesò Klistò li mpfə a mbɨ̧̀ mbasa ale ngɨ̀ fo tu tèa mbà̧aã èlaꞋ mè ntsìta mènəè la tè ka tsi mbɔ̀ mètàŋ. Tà li ntsè awɔb tè nkùùla awɔb ngɨ̀ bɔ tsiꞋa ngȩȩna akwen tò waa waa yea.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

2 Tɔ̀màtià 1:10

Ka ne àfɨ̀Ꞌ yaa, ba yea ntsɔ̧̀ Mbɔ̧ɔ̧mà mbɔŋ, nkàà nê Tǎt wa Yesò Klistò wu tà wu Mpemnà la è kɨꞋɨ̀. Tà loote nkwete èvə, mè nyɨ̀Ꞌte nê, ba bɨ̧ɨ̧nà Ntu̧ Ntsɔ̧̀ yu, ko baa bɔ ngule mèmpème kàlìà kà wu tsi epfə.

Ebùlù 10:10

Ndɨ̀ wu Yesò Klistò li nkɨ̀Ꞌɨ̂ ŋà àtsəa zi ngò̧ yemɔ̀Ꞌ mbɨ̀Ꞌɨ̀ Mbɔ̧ɔ̧mà kɨa la, ba tsiꞋi mbɨ̀Ꞌɨ̀ bòt kà ghɨa kàbɔ̀ŋ.

Ebùlù 10:5

Ale, Yesò Klistò li me kɨꞋɨ a sitsǎꞋ ale shu abua Mbɔ̧ɔ̧mà nê, “Èntɨ̧ɨ̧ wê e ntsě ane banyà̧ bu bòt àa nkɨ̧̀ɨ̧̀ma la, nè èghɨ bu bòt àa ŋǎ abua yê la, mbɔ̂ à ghɨ̂ e mbɔ mbɨ̧̀ ènyit màa ŋa la.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Ebùlù 2:18

Taa ko tɨŋe bòt bu bɔ̀ɔ mbɔ̌ àkɨ̀kè la, nkàà nê tà lè lɔꞋ ndzě ngoꞋ àfɨꞋa tà li mbɔ̌ àkɨ̀kè la.

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

1 Pità 1:20

Mbɔ̧ɔ̧mà li me laꞋnê yea ngɨ̀à ngɔ̀ŋ, ndaa Yesò mbɨ̀Ꞌɨ̀ wòt tàa li kɨꞋɨ e ghɨ̌ bɨa bɔ mèmpème la. Tà li ngua nkɨ̀Ꞌa mbɨ̀Ꞌɨ̀ e ghɨ̌ bɨa bɔ mèmpème àfɨ̀Ꞌ yaa ngɔ̀ŋ tsiꞋa ndìà lìa la.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Ètsə 20:2

Tà ghà mbà̧à̧ taꞋa dlagɔ̀n wu è fəə nyà̧kàbɔ̀ŋ la nkùùle atò ndzì a tèfȩ ane mèngùꞋebȩ tɔsì. Nyà̧kàbɔ̀ŋ mbɔŋ li ndzaŋe wu, è wu fɔ̧̀ fote kàbɔ̀ŋ tu bɔ̀ɔ ntɔ ane Satàn la.