Ebùlù 2:10 - Mundani

¹⁰ Mbɔ̧ɔ̧mà wu wòt tà li ngɨ̀ ka àghɨ àgème a wu la, mè ngua ngɨ̀à èghɨ mbɔŋ ègème abua zi. Tà li ngua nkɨà nê bòt nyaŋ è wu bɔ̧ bi mbɨ̀Ꞌɨ̀ èghɨ bɔɔ bɔ ènɨ̧. A li mbɔ̀ŋ nê tà ghɨa wòt wu tàa ghɨ bòt aa bɔ mèmpème la ye ngoꞋ mbɨ̀Ꞌɨ̀ ewu àghɨa tà bɔ ndɨ tàa wu yùà la.

Ebùlù 2:10 ပူးပေါင်းရင်းမြစ်များ

Lûk 13:32

Yesò shu abua yɔb nê, “Bɨ̀ gha shu abua tǎt eŋɔꞋte mènəè ngaa nê, e ngua fəèà fote kàbɔ̀ŋ tèa ŋǎ bòt ngoꞋ la, mè mbəèa bòt àghɔ̧ laane bɔ̂ tètsɔꞋ, ka atetsɔꞋ vìa maa paate àfàꞋ am.

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Lûk 24:26

Tè bɨ bakà ko laꞋ nê Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ ka bɔ tseke a ègwet àtɨ̧ Kèfɔ̧̀ Mbɔ̧ɔ̧mà la à?”

Lûk 24:46

Mbɔ̂ shuê abua yɔb nê, “Eyaa àghɨa bɔ shɨ la, nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ ndɨ tàa ye ngoꞋ ebɔ epfə, ka naa me wu ane èlibȩ betat taa yu̧u̧me la.

Jɔ̌n 11:52

Ka tà kà lem ngua nga epfə wuê àtsəa bòt àlaꞋ a mbɔŋ. Tà wua nga epfə mbɨ̀Ꞌɨ̀ efete bɔ̧ Mbɔ̧ɔ̧mà bu bɔ taatè me tseke a èdziꞋ èdzìꞋ la, bɔɔ tsiꞋi mbɨ̀Ꞌɨ̀ wòt wemɔ̀Ꞌ.

Jɔ̌n 19:30

Yesò sɔɔte tà nê, “A mî”, mbɔ̂ nchùŋe àtsəa zi a si mpfə.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Lûm 9:23

Mbɔ̧ɔ̧mà li ngɨ̀ anè mbɨ̀Ꞌɨ̀ nyɨꞋte ènɨ̧ vi wu e ghe la abua bòt bu tàa nkua tèsȩ tɔb, è wû bòt bu tà li ndzaŋe taŋke nê bɔɔ li bɔ ènɨ̧ la.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

2 Kɔlìn 5:18

Mènəè maa ègème ghɨ̀à Mbɔ̧ɔ̧mà. Tà li nɨa Yesò Klistò ngɨ̀ àlàŋkè a wu a kètsìà wa ba tò ba, ŋà àwa àfaꞋa bàa me nɨ bòt nkɨ̀Ꞌa bɔ ghɨ̀à àlàŋkè nè tò la.

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 6:20

Yesò ghǎ a èbèm və a mbì, nkàà àwa. Tà ghǎ abàꞋ və ale, ntsìꞋi taꞋà ntsìà mèpɨ̧̀ Mbɔ̧ɔ̧mà ane àlia nè àlia mbɨ̀Ꞌɨ̀ Mèkizedèk li ngu la.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

Ebùlù 7:28

Mbɨ̧ Musì li ngua ntsia bòt kà kùꞋ ane ètsə bèntsìà mèpɨ̧̀ Mbɔ̧ɔ̧mà, ka mènkàꞋa Mbɔ̧ɔ̧mà mu è li ntsìꞋi e kɨꞋɨ akwene mbɨ̧ nè nkà̧ adù̧ la, li ngɨ̀ Waã tò wu tà kùꞋù la ane àtsəa bèntsìà mèpɨ̧̀ Mbɔ̧ɔ̧mà ane àlia nè àlia.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.