Ebùlù 13:9 - Mundani

⁹ Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Ebùlù 13:9 ပူးပေါင်းရင်းမြစ်များ

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Matìù 24:4

Yesò bɨ̀ɨ̀lè nê, bɨ̀ me ko awɨ̧ mbɨ̀Ꞌɨ̀ wòt kǒ fɨte awɨ̧,

Lûk 5:38

ChaꞋ bɔ̀ɔ ndzìà mèlùꞋ fi wuê a èbem ètetuꞋ gùbnyà̧ è fi.

ÀfaꞋa 20:30

Àfɨ̀Ꞌ àko aa li nkùꞋ, bòt ko e lɔ̀Ꞌɔ a kètsìà wɨ̧ fɨte mènəè è shu mbɨ̀Ꞌɨ̀ etsòkè àtsəa bɔkatè Yesò bu.

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

Lûm 14:2

Èntɨ̧ɨ̧ wòt kǒ tà zi ane Yesò la aà ngɨ̀à tà jɨa àghɨ àgème, ka wòt è we tò nè èntɨ̧ɨ̧ ane Yesò è bela njùa la me jɨ wuê mbɨ̀btsə.

Lûm 14:6

Wòt tàa nɔ̀ŋà àlia ko mbɨ̀Ꞌɨ̀ àlia nɨ̧ la wua nɔ̀ŋà nkùkta Lefɨ̀Ꞌ. Wòt tàa njɨ̀a àghɨ kà wòt tsa wua njɨ̀a la mè ngua njɨ̀a nkùkta Lefɨ̀Ꞌ, ndɨ̀ wu tà kɔ̀ŋka Mbɔ̧ɔ̧mà adù̧ la. Wòt tà meè ntu̧u̧ e jɨ àghɨ la, wua ntù̧a nkùkta Lefɨ̀Ꞌ, mè nkɔ̀ŋkà Mbɔ̧ɔ̧mà adù̧.

1 Kɔlìn 6:13

Bɨa shua nê, “Èghɨjɨ e wu abua èbêm, èbêm e mê ngu abua èghɨjɨ,” Ka Mbɔ̧ɔ̧mà bɔ̂ ngu ghɨ̀ èghɨ mbɔŋ ègème aa baka tsi ngu àghɨ. Bɨ̀ ka me nɨ mbɨ̧te ènyit tɨ̧ mpàꞋta àbɨ̧, ka bɨ̀ me nɨa nkùkta Tè Yesò. Wu Tè Yesò ka tà bɔ mbɨ̧̀ ènyit la.

1 Kɔlìn 8:8

Ba ko nê, èghɨjɨ ntsě àghɨa àa ghɨ̌ baa kùꞋu a mbì Mbɔ̧ɔ̧mà la. Ba bakà jɨ èghɨjɨ, àghɨa ko à ka bu ane ya, njɨ̀a àghɨa ko à ka kweꞋne ane ya.

2 Kɔlìn 1:21

Wu Mbɔ̧ɔ̧mà ka tàa ngɨ̀à ba nɨ̧̀ ba e kweela ane mènəè tò ndɨ̀ wu bà tsiꞋi àghɨ yeamɔꞋ nè Yesò Klistò la. Wu tòà ka tà zì àwa ane bɔfàꞋ bi la.

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

Kɔ̀losìà 2:4

E shua wɨ̧ àyaa mbɨ̀Ꞌɨ̀ ka wòt kǒ nɨ ètsəê nendɨ̧ fɨ̀te awɨ̧ ngɨ̀ bɨ fà̧à̧tè èka bɨ̧.

2 Tèsàlonikà 2:17

E tsàꞋtà nê tà ghɨa bɨ̀ bɔ èntɨ̧ɨ̧ kekweelè, mè ngɨ̀ ndɨ bɨ̀a me ko ntsèka àfɨ̀Ꞌ àgème ngɨ̀à mè ndàꞋà wuê mènəè nàa mbɔ̀ la.

2 Tèsàlonikà 2:2

bɨ̀ ka sàŋ ànəa ko a gheblè ètsə bɨ̧ ngɨ̀ bɨ yaŋe mbènte mbɨ̧̀ɨ̧̀ne nê, àli yu Lefɨ̀Ꞌ wa nàa mèe kɨꞋɨ la a kɨꞋɨ tê ndɔ̀Ꞌ. A teko wu ànəa wòt kǒ laꞋnê è shua Fo Mbɔ̧ɔ̧mà abua zi la, kò èngǎ̧ wòt kǒ laꞋnê e kɔꞋɔ àtsəa zi la leꞋ, kò wuê àkatè ako bɔ laꞋnê a dzə abua ya la leꞋ.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.