Ebùlù 13:4 - Mundani

⁴ Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

Ebùlù 13:4 ပူးပေါင်းရင်းမြစ်များ

1 Kɔlìn 5:13

Ale, Mbɔ̧ɔ̧mà ka tàa saꞋa bòt bu àbȩ la. “Bɨ̀ fəâ wòt kàbɔ̀ŋ wu ayɔɔ yɨ̧ la.”

1 Kɔlìn 6:18

Wòt ka njɨ̀ àbȩ. Kàbɔ̀ŋ ègème wòt nàa ngɨ̀à la nàà kà baãaãte mbɨ̧̀ ènyit wòt, ka mànjɨa àbȩ nàà tsòkà mbɨ̧̀ ènyit wòt.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

1 Kɔlìn 7:38

Ale, wòt yɔꞋɔ waàvi tàa nkɨ yɔꞋɔ atò la, ko wu ànəa ntsɔ̧̀ tà ghɨ̀ la. È we tà tu̧u̧ yɔꞋɔ la, ghɨ̀ àyea a bɔ̀ŋ tê ntsè la.

1 Kɔlìn 9:5

Tè betsiꞋa bà ka yɔꞋɔ àvi mbɨ̀Ꞌɨ̀ bɔntu̧ Yesò ko, nè bɔnyɨ tò nè Pità?

2 Kɔlìn 5:10

Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.

Gàlashìà 5:19

Èghɨ mbɨ̧̀ ènyit nàa nkɨà la aà kà lò̧ò̧tè: MàmpaꞋta wòt kà bɨ tò eyɔꞋ, mèmɨ̀ɨ̀te kàbɔ̀ŋ, màngɨa kàbɔ̀ŋ,

Gàlashìà 5:21

MàngoꞋna bòt, màmbuŋa wòt, màmbea mèlùꞋ, nè màngɨa àghɨ àgème èntɨ̧ɨ̧ wê àa nkɨà la, fɔ̀ɔ̀lè ne èghɨ ko tsa. TsiꞋ e mèe səèŋkè ètû̧ bɨ̧ mbɨ̀Ꞌɨ̀ e ndi ndzii ghɨ̀ la, nê bòt bu bɔ̀ɔ ngɨ̀à èwuu èghɨ mbɔŋ la è ka li nyi a kèfɔ̧̀ Mbɔ̧ɔ̧mà a.

Efesɔ̀s 5:5

Bɨ̀ ko ayaa nê wòt me kùŋè bèzi kò mbâ̧tsə leꞋ, ngɨ̀à èbɨꞋte èghɨ, kò ngu wòt aghàbà leꞋ, (na àyaa à wua nyɨ̀Ꞌta nê wòt nɨ èghɨ mbɔŋ ane mbɔ̧ɔ̧mà vi la) ko tà ka bɔ àdziꞋ a èbem kèfɔ̧̀ wu Yesò Klistò bɔ̂ Mbɔ̧ɔ̧mà àa bà̧aã la.

1 Tèsàlonikà 4:6

Wòt ane yɨ̧ ka fìble wanyɨ vi ngɨ a kàbɔ̀ŋ ane tò, nkàà nê bòt bu bɔ̀ɔ ngɨa kàbɔ̀ŋ la aa li ye ngoꞋ a tèkitebu Mbɔ̧ɔ̧mà mbɨ̀Ꞌɨ̀ ba li ndzaŋe shu awɨ̧ la.

1 Tɔ̀màtià 3:12

Dikɨ̀n è bɔ̂ ndɨ tàa bɔ wu àvi wemɔ̀Ꞌ, e mě me koa mbà̧aã bɔ̧ bi nè lob zi ntsɔ̧̀ la.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 3:4

Ŋut è bɔ̂ ndɨ tàa me koa mbà̧aã lob zi ntsɔ̧̀, mè ngɨ̀ ndɨ bɔ̧ tò àa me nèèta ndzəèa atò la.

1 Tɔ̀màtià 4:3

Èwuu bòt ngaa aà nyɨ̀Ꞌta bòt nê, bɔ̀ ka me yɔꞋɔ bèzi, mè nê bɔ̀ me shɨ̀kè èghɨjɨ ko. Ka ba ko nê, Mbɔ̧ɔ̧mà li ngɨ̀ èghɨjɨ abua bòt bu bɔ zì mèntɨ̧ɨ̧ mɔb ane zi, mè nko mènəè mi mu è wû nkûŋ la, nê bɔ̀ jɨ ŋǎ mènkɔ̀ŋke abua zi.

1 Tɔ̀màtià 5:14

Mbɨ̀Ꞌɨ̀ àa ale la, è wu nè mmɔ̌, ko bènempfə bu bɔ̀ bele bɔɔ̀zi techɨɨle la e mě ndzɔ̀Ꞌɔ bèlu̧, mbì bɔ̧ bɔb, mè ntsèke a si me taŋke lob tɔb. Bɔ ghɨ̀ ale, ko bɔmbù̧ ba è ka ye èlu̧ elàꞋa mènəè kàbɔ̀ŋ adù̧ ya a.

Tȩtɔ̀s 1:6

Ko nê, wòt tà wu àtsəa bòt Yesò la, bakà bɔ ndɨ tàa me ghɨ̀ mènəè bòt àa me fèèle atò la. Tà bɔ ndɨ tàa bɔ wuê àvi wemɔ̀Ꞌ la, bɔ̧ tò mè ngu bòt bɔ zì mèntɨ̧ɨ̧ mɔb ane Yesò la. Bɔ̀ ka me ghɨ̀ mènəè mbɨ̀Ꞌɨ̀ nyaãtebàꞋ, bɔ̀ ka me ghɨ̀ àtsəa kekweelè.

Ebùlù 12:16

Bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ me jɨ ngò̧ò̧tètsə, kò ntsìà èntɨ̧ɨ̧ vi ane mènəè Mbɔ̧ɔ̧mà leꞋ. Wòt ghɨ̀ ale, ko taa tsiꞋi mbɨ̀Ꞌɨ̀ Esaɔ̀ wu tà li ŋà àdziꞋa zi mbɨ̀Ꞌɨ̀ waã mbì abua wanyɨ vi ambo apfəèꞋ èghɨjɨ la.

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.