Ebùlù 13:21 - Mundani

²¹ ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Ebùlù 13:21 ပူးပေါင်းရင်းမြစ်များ

Matìù 12:50

Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”

Matìù 21:31

“Yesò làꞋ ale mbɔ̂ mbììte nê ane bɔ̧ bàa babe la wàa li ngɨ̀ àghɨa tǎt tò li ngua nkɨà nê tà ghɨa la à?” Bɔ bɨ̀ɨ̀lè nê “Èwe mbì.” Ale, Yesò shu abua yɔb nê “Ane nkûŋ tsiꞋ è shua wɨ̧ nê, bèfetà èkab taksì nè bèghȩ̀ȩ̀nè ghȩ̀ȩ̀ne aa pààtè àwɨ̧ wàa e nyi a Kèfɔ̧̀ Mbɔ̧ɔ̧mà.

Matìù 28:20

mbɔ̂ nyɨ̀Ꞌte awɔb nê bɔ̀ me ghɨ̌ àghɨ àgème e ndi shu awɨ̧ la, nko nê maa wu nè nɨ̧̀ tê ghǎ dzəâ àfɨꞋa ngɔ̀ŋ nàa li lìà la.”

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Matìù 7:21

“È ntsě wòt ègème tàa ntɔ am nê Tè, Tè la tàa li nyi a kèfɔ̧̀ Mbɔ̧ɔ̧mà la. Ka bòt bɔ̀ɔ li nyi a Kèfɔ̧̀ Mbɔ̧ɔ̧mà la wu ndàꞋ èbu bɔ̀ɔ ngɨ̀à àghɨa tǎt am wu a ègwet la nàa nkɨà la.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Jɔ̌n 7:17

Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Lûm 16:27

Wu ndàꞋà Mbɔ̧ɔ̧mà tà bɔ èyì la. MèngùꞋte wu abua tò ane àlia nè àlia, nkàà àghɨa Yesò Klistò li ngɨ̀ la! Àmèn.

2 Kɔlìn 9:8

Mbɔ̧ɔ̧mà bɔ mètàŋ eŋa awɨ̧ àghɨ àgème bɨ̀a nkɨ̀ŋkà la, mbɨ̀Ꞌɨ̀ bɨa me bɔ nyaŋ nɨa bùà nɨa ngɨ̀à àfàꞋa ntsɔ̧̀ àgème.

Gàlashìà 1:5

TsiꞋ mèngùꞋte wu abua Mbɔ̧ɔ̧mà àlia nè àlia. Àmèn.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Efesɔ̀s 2:18

E tsě ane Yesò bàagème ba bɔ Fo Mbɔ̧ɔ̧mà yemɔ̀Ꞌ ngu ko eghǎ a mbì tò.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Filìpȩ 4:13

BetsiꞋa e nko ngɨ̀ àghɨ àgème, nkàà mètàŋ mu Yesò Klistò nàa ŋǎ abua am la.

Filìpȩ 4:18

E ngu anè nkɨ eshu awɨ̧ nê, mâ ye èghɨ bu ègème bɨ tsàà Èpaflɔ̀ditùs tà nɨŋ nkɨ̀Ꞌɨ̂ la, e bɔ̂ ndzà̧ tê me bəèꞋtè am. Èghɨ ngaa bu aà mbɨ̀Ꞌɨ̀ àghɨa àa mbɔ̀ bɔ tô̧ a me nəꞋə àghaa ntsɔ̧̀ nkɔꞋɔ nga a ègwet Mbɔ̧ɔ̧mà naa nɨ la.

Kɔ̀losìà 3:17

Bɨ̀ me ghɨ̌ àghɨ àgème, mè ndàꞋà ànəê àgème wuê ane èlen Yesò Lefɨ̀Ꞌ, mbɨ̀Ꞌɨ̀ bɨ̀a ntsea ane tò ŋǎ mènkɔ̀ŋke abua Tǎt wa Mbɔ̧ɔ̧mà la.

Kɔ̀losìà 3:20

Bɔ̧, bɨ̀ me zə bètǎt bɨ̧ bɔ̂ bènyɨ̀ bɨ̧ ane àghɨ àgème, nkàà nê wu àghɨa Mbɔ̧ɔ̧mà nàa nkɔ̀ŋkà nê bòt Yesò è me ghɨ̀ la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

1 Tèsàlonikà 4:3

Àghɨa Mbɔ̧ɔ̧mà nàa nkɨà la wu nê bɨ̀ bɔ èntɨ̧ɨ̧ kèfə mbɨ̀Ꞌɨ̀ zìa, wòt ka nɔ̀ŋkè nè àvi kà wu ewe tò.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

2 Tèsàlonikà 2:17

E tsàꞋtà nê tà ghɨa bɨ̀ bɔ èntɨ̧ɨ̧ kekweelè, mè ngɨ̀ ndɨ bɨ̀a me ko ntsèka àfɨ̀Ꞌ àgème ngɨ̀à mè ndàꞋà wuê mènəè nàa mbɔ̀ la.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

2 Tɔ̀màtià 3:17

Mbɔ̧ɔ̧mà li ngɨ̀à anè mbɨ̀Ꞌɨ̀ wɔ̀fàꞋ tò naa la ekùꞋu e mě eko a màngɨa èwuu èfaꞋ ntsɔ̧̀ ègème.

2 Tɔ̀màtià 4:18

Mâ ko nê, Mbɔ̧ɔ̧mà wu naa tsì am a èbem èghɨ kàbɔ̀ŋ ègème, e mě mbaabe am tè maa ghǎ enyi a èbem kèfɔ̧̀ tò a ègwet. TsiꞋ mèngùꞋte wu abua tò àfɨ̀Ꞌ àgème! Àmèn.

Ebùlù 10:36

Bɨ bɔ ndɨ bɨ̀a kuule èntɨ̧ɨ̧ wɨ̧ mbɨ̀Ꞌɨ̀ ghɨ̀ àghɨa Mbɔ̧ɔ̧mà nàa nkɨà la, ebɔ àbȩ̀ yu tà kàꞋà la.

Ebùlù 12:23

Bɨ kɨꞋɨ àdziꞋa bòt bu bɔ̀ wu mbɨꞋɨ̀ bɔ̧ mbì Mbɔ̧ɔ̧mà bɔ shɨ tèlen tɔb a ègwet la, e bù̧ù̧tè la. Bɨ kɨꞋɨ abua Mbɔ̧ɔ̧mà wu tàa saꞋa wòt ègème la, mè nkɨ̀Ꞌɨ̂ abua bòt mbì bu bɔ li ngu bòt ntsɔ̧̀, Mbɔ̧ɔ̧mà ghɨ̀ àwɔb bɔ tsiꞋi àghɨa tàa nkɨà nê bɔ̀ wu yùà la.

Ebùlù 12:28

Ndɨ̀ wu Mbɔ̧ɔ̧mà ŋa awa àdziꞋ a èbem kèfɔ̧̀ vi wu kà bɔ wu ko enyiꞋi la, bɨ̀ tsiꞋ bà me ŋa kènuke abua Mbɔ̧ɔ̧mà, ngùꞋtà tò mè mbɔ̀ɔ atò ane ndɨ àa bɔ̌ atò la.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Jɔ̌n 2:17

Bɨ̀ ko nê, sitsǎꞋ yàa nè èghɨ bu ègème a èbem bɔbȩ àa nkɔ̀ŋkà la naa li lɔ̀Ꞌɔ etsě. Ka è wu wòt wu tàa ngɨ̀à mènəè Mbɔ̧ɔ̧mà nàa nkɨà la, ko taa li ntèꞋa ane àlia nè àlia.

1 Jɔ̌n 3:22

Bàa ngɨ̀ bà lo̧ àghɨ tè tà ŋa, nkàà nê baa ndzəa tò mè ngɨ̀à àghɨa tàa nkɔ̀ŋkà la.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.

Ètsə 4:6

E mè ndzi *èdzî ko a mbì àtɨ̧a kèfɔ̧̀ yu, e me fəəte mbɨ̀Ꞌɨ̀ àlùgɨ̀lâ. Èghɨ ko bekwì è wu yu̧ la e ghaalè àtɨ̧a kèfɔ̧̀ yu ntɨ̧̀ɨ̧̀te abà ègème, mbɔ̀ àghɨ nyaŋ a mbì nè kwèn.

Ètsə 5:13

AfɨꞋa mbɔŋ e ndzə àtɔŋ àghɨ yu̧ àgème nkɔ̧̀a la. À yea à wua a ègwet la, nè sitsǎꞋ, nè èten sitsǎꞋ, fɔɔle ne è bu a èbem mèleb la, e me kɔ̧a shua nê, “Ba wùꞋta wòt wu tà tseke a ègwet àtɨ̧a kèfɔ̧̀ yu la bɔ̂ Wanjɨ̀ wu. Bà ŋa kènuke abua tò, nkɔ̀ŋkè atò. TsiꞋ ènɨ̧ nè mètàŋ è wu mɔb ane àlia nè àlia!”

Ètsə 5:9

Bɔ me kɔ̧ ètsəkù̧ fi shua nê, “Wu àwɔ̀ à kùꞋa mànɨa àkatè yu etsi àmènà yu adù̧ la, nkàà nê bɔ li mbùŋè awê, àlo̧ yê a chùꞋù ètsə bòt, mè nɨa awɔb nkɨ̀Ꞌɨ̂ abua Mbɔ̧ɔ̧mà. Bòt ngaa à li ngɨ̀ bɔ pem la, e dzəa èndà̧ ègème, nè èlaꞋ ègème, nè ndɨ̧ tègème, mè ndzəè ayɔɔ tèwuute bòt tègème.