Ebùlù 13:14 - Mundani

¹⁴ Bà ghɨ̀ ale, nkàà nê ba bakà bɔ àlaꞋ ako a sitsǎꞋ ŋàa àa li ewu aya ane àlia nè àlia la, ba wua nchɨ̀Ꞌà àpfəè yu nga ekɨꞋɨ la.

Ebùlù 13:14 ပူးပေါင်းရင်းမြစ်များ

1 Kɔlìn 7:29

Bɔnyɨ bɔ̧, ànəa e shua la wu nê, àfɨ̀Ꞌ a tsiꞋa nyɨ̀Ꞌa, è wu ale, e bùꞋu àfɨ̀Ꞌ yaa me ghà ne mbì, bòt bu bɔ bɔ bèzi la è tsiꞋi me tseke mbɨꞋɨ̀ bɔ bakà bɔ bèzi.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Efesɔ̀s 2:19

Ale, bɨ te ntsě bègɨ̧̀, bɨ̀ ka mê ngu bòt ntsea tsě la. Bɨ tsiꞋi bòt àlaꞋ yeamɔꞋ nè bòt Mbɔ̧ɔ̧mà, ntsìꞋi àlo̧ yeamɔꞋ nè bòt Mbɔ̧ɔ̧mà.

Filìpȩ 3:20

Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.

Ebùlù 12:27

Èngà̧ waa nê, “E mbele mèe” la, e wua shua nê, bɔɔ̀ nga enyiꞋi èghɨ bu Mbɔ̧ɔ̧mà ghɨ̀ la etsǐ, mbɨ̀Ꞌɨ̀ tsiꞋi etɔɔ wuê è bu kà bɔ wu ko enyiꞋi la.

Ebùlù 2:5

Mbɔ̧ɔ̧mà li tà kà laꞋnê ngɔ̀ŋ fi yu nga ekɨꞋɨ la naa wu a èten bɔntu̧ bi. Ngɔ̀ŋ yaa wu mèntsèke fi mu bà wua ndàꞋà ànəa mùà la.

Ebùlù 4:9

Ale, bòt Mbɔ̧ɔ̧mà e bèla mbɔ̌ àliapfəèa àko bɔ̀ɔ yètè la, mbɨ̀Ꞌɨ̀ Mbɔ̧ɔ̧mà li fàꞋ è me wu ane èlibȩ besà̧à̧mbe tà yètè la.

Ebùlù 9:11

Ka Yesò Klistò li nkɨ̀Ꞌɨ̂ mbɨ̀Ꞌɨ̀ wòt tà wu àtsəa bèntsìà mèpɨ̧̀ Mbɔ̧ɔ̧mà ane èghɨ ntsɔ̧̀ bu adzìꞋ yaa la. Àyò yu tàa faꞋa a èbèm la wu àyea a ghe mè ndâ ngu wu mbɨ̀Ꞌɨ̀ a wu ewu la. Àyò mbɔŋ ka ghɨa wɔ̀bȩ̂, è kà mèe ngu àghɨa bɔ ghɨ̀ mbɨꞋɨ̀ bɔ ghɨ̀ èghɨ ko a sitsǎꞋ la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

Ètsə 3:12

Wòt tà kuule èntɨ̧ɨ̧ vi nù tè ntsè la, maa li ghɨ̌ tàa bɔ àdziꞋ a lob Mbɔ̧ɔ̧mà am ane àlia nè àlia. Àfɨ̀Ꞌà ko tàa li sà àdziꞋa mbɔŋ la a ntsě. Maa shɨ èlen Mbɔ̧ɔ̧mà am a èsi tò, nè èlen àdziꞋ yu Mbɔ̧ɔ̧mà am nàa ntsèka, è wu Jèlusalèm fi, è dzəa ègwet abua Mbɔ̧ɔ̧mà am la. Maa shɨ èlen fi laã mɨ̧̂ a èsi tò.