Ebùlù 12:5 - Mundani

⁵ Bɨ lèènè mèngà̧ mu Àkata Mbɔ̧ɔ̧mà àa shua nɨa ndɔ̀ktà mèntɨ̧ɨ̧ mɨ̧, ntɔ awɨ̧ nê bɨ wu bɔ̧ la à? Àkata mbɔŋ aa shua nê, “Waã am, Mbɔ̧ɔ̧mà me baãaãte àwê ane èbu kekweelè nkàà mènəè à fà̧à̧tè la, à ka ngwàa ànəa mbɔŋ. À mè fà̧à̧ ànəê tà me ŋȩ awê, èntɨ̧ɨ̧ wê è ka fi ane tò.

Ebùlù 12:5 ပူးပေါင်းရင်းမြစ်များ

Lûk 24:6

Tà ntsě adzìꞋ yaa.] Tà yu̧u̧mè. Bɨ̀ ku̧u̧te ànəa tà li shu abua yɨ̧ àfɨꞋa bɨ tò ba e li mbele a Galìlî la,

Lûk 24:8

Bèzi bu e ku̧u̧te mèngà̧ maa,

1 Kɔlìn 11:32

Ka Mbɔ̧ɔ̧mà nàa me saꞋa wa tà wua ngàꞋà àghɨ aya baa ye a kàbɔ̀ŋ wa, mbɨ̀Ꞌɨ̀ ka a ghɨ̀ me lìa Mbɔ̧ɔ̧mà ghɨ̀ a bɨɨ abà ya mbɨ̀Ꞌɨ̀ àa bɨɨ a yea bòt ngɔ̀ŋ la.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

Ebùlù 12:7

Wòt me ye ngoꞋ tà kuule èntɨ̧ɨ̧ vi, nkàà nê ngoꞋ mbɔŋ wua nyɨ̀Ꞌta nê, Mbɔ̧ɔ̧mà wua mbà̧à̧te ŋut mbɨ̀Ꞌɨ̀ waã vi. Waã kǒ nàà və kà tǎt tò wua mbà̧à̧te atò ane èbu kekweelè?

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.