Ebùlù 12:3 - Mundani

³ Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

Ebùlù 12:3 ပူးပေါင်းရင်းမြစ်များ

Matìù 11:19

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ ko’. A batè ngu ale, ka bòt e bɔ̂ ndâ me ye èyǐ Mbɔ̧ɔ̧mà ane èghɨ èyǐ mbɔŋ àa ngɨ̀à la.”

Matìù 12:24

Ka Bèfalèsiì e zə ale, nê “Wu Belzebùl, fɔ̧̀ fote kàbɔ̀ŋ ka tàa ŋǎ tò mètàŋ tà nɨa fəèà fote kàbɔ̀ŋ ko la.”

Matìù 15:2

“Àghɨ yu a ghɨ̂ ka bɔkatè bê è ka wua nkùŋà mènəè bètǎt nyaꞋ ba e li sa abua ya la wu ghà à? Bɔ̀ɔ njɨ̀a èghɨjɨ kà wua shùà èbu bɔb a shua yu bòt ko àa shùà la.”

Matìù 21:23

Mbɨ̀Ꞌɨ̀ Yesò mee nyi a èbem lob nɨ̧ Mbɔ̧ɔ̧mà tè me nyɨꞋte mènəè la, bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê e kɨ̀Ꞌɨ̂ mbììte atò nê “Àa nɨa àtɔŋ nè ŋa ka ngɨ̀à èghɨ baà? Waa ka tà ŋa awê àtɔŋ ngaa la à?”

Matìù 21:46

Ale, bɔ nyɔ̀Ꞌtè nê bɔ kɨ ebaãaã tò ka me bɔɔ bòt bu nkàà nê bɔ̀ɔgème e li ngua nɨ̀a tò mbɨ̀Ꞌɨ̀ ndàꞋàtɔŋ Mbɔ̧ɔ̧mà.

Matìù 22:15

ÀfɨꞋa mbɔŋ Bèfalèsiì ko e ghà taŋke ndɨ bɔ̀ɔ baãaã Yesò ane èngǎ̧ tò la.

Lûk 14:1

È lè lɔ̂Ꞌ ngu àliapfəèa Bèjuê àko, Yesò gha ejɨ èghɨjɨ a lob tǎt Bèfalèsiì ko. Bòt ko bɔ wu abot la, e bê ntsìte àghɨ ayɔb ane tò, bɔɔ nkɨ ye àghɨa tàa ghɨ̀ la.

Lûk 15:2

Bèfalèsiì nè bènyɨꞋtà mbɨ̧te Musì e bùꞋ me lèmta shua nê, “Mbê waa nàà mbɨ̧̀ɨ̧̀nâ bòt kàbɔ̀ŋ e kɨꞋa a ngèt tò, tà mè njɨ̀a bɔ̂ tò ba.”

Lûk 16:14

Mbɨ̀Ꞌɨ̀ Bèfalèsiì e zə èghɨ bàa Yesò shu la, bɔ̀ bùꞋ me wȩ̀ȩ̀te atò nkàà ndɨ bɔ̀ɔ nkɔ̀ŋkà èkab nyaŋ la.

Lûk 2:34

Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

Lûk 5:21

BènyɨꞋtà mbɨ̧te Musì nè Bèfalèsiì e bùꞋ me biite nê, “Wòt waa fɨ̀Ꞌnà àvi ane Mbɔ̧ɔ̧mà la wu wàà? Wàa tsa nàa ngwàꞋa kàbɔ̀ŋ ka nè Mbɔ̧ɔ̧mà à?”

Jɔ̌n 10:20

tè àbəèꞋ àyɔb nyaŋ a nê, “Tà bɔ fo kàbɔ̀ŋ ane zi, mè mbe.” Bɔ ghɨ̀ na ka me yute ànəa tà shua la à?

Jɔ̌n 18:22

Yesò làꞋà ale, mbaabà kǒ te àbu a èsi tò nê, “À ghɨ̀ na ka ndaꞋa abua àtsəa bèntsìà mèpɨ̧̀ Mbɔ̧ɔ̧mà a èlɨ̀ wa à?”

Jɔ̌n 5:16

Yesò ghɨ ànəê yaa àliapfəèa Bèjuê ale, a ghɨ̂ bɔɔjuŋ bu e me kɨ àtsəa tò enɨ.

Jɔ̌n 7:12

Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀. Ka èbeko e me shu nê, “ChaꞋ, tàà ntsòkà ètsə bòt.”

Jɔ̌n 8:13

Ale, Bèfalèsiì bu e shu abua tò nê, “À wua nta ànəa yê àwɔ̀ mbɔŋ kà ye wòt tà nkɔꞋɔ akwen yè la. Ànəa à shua la ntsě nkûŋ.”

Jɔ̌n 8:52

Bèjuê bu e shu abua tò nê, “Ba lâ nko àfɨ̀Ꞌ yaa nê, à bɔ fo kàbɔ̀ŋ ane yê. Abàlàghâm li mpfə, bèndàꞋàtɔŋ Mbɔ̧ɔ̧mà e pfəꞋtè àyɔb mɨ̧̂, ka à bɔ̂ me shu nê, wòt tàa ngɨ̀à àghɨa à shu la ka li epfə a.

Jɔ̌n 8:59

Mbɨ̀Ꞌɨ̀ tà làꞋ ale la, bɔ wȩȩtè àti nê bɔ kɨ etemte atò ebùŋe tà bəètê àghɨ ayɔb, ndzə a èbem lob nɨ̧ Mbɔ̧ɔ̧mà yu nga àbȩ.

Jɔ̌n 9:40

Bèfalèsiì ko be wu a ngèt tò la e zə mbììte atò nê, “Àghɨ a ya a lem mɨ̧̂?”

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

2 Tèsàlonikà 3:13

Ka è me wu awɨ̧ à bɔnyɨ ba, bɨ̀ ka nkà̧aã a màngɨa ntsɔ̧̀.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 12:5

Bɨ lèènè mèngà̧ mu Àkata Mbɔ̧ɔ̧mà àa shua nɨa ndɔ̀ktà mèntɨ̧ɨ̧ mɨ̧, ntɔ awɨ̧ nê bɨ wu bɔ̧ la à? Àkata mbɔŋ aa shua nê, “Waã am, Mbɔ̧ɔ̧mà me baãaãte àwê ane èbu kekweelè nkàà mènəè à fà̧à̧tè la, à ka ngwàa ànəa mbɔŋ. À mè fà̧à̧ ànəê tà me ŋȩ awê, èntɨ̧ɨ̧ wê è ka fi ane tò.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

1 Pità 2:23

Bɔ li bɔ ghɨ̀ bɔ̀ tsò̧ò̧te atò, tà kà vəə ane kèntsɔ̧̀ɔ̧̀mè. Bɔ̀ me ghɨ̧̀ɨ̧̀ne atò tà kà kaà wòt. Mbɔ̂ tà li nɔ̀ŋè ntɨ̀ zi wuê ane Mbɔ̧ɔ̧mà wu tàa saꞋa ànəa wòt wuê mbɨ̀Ꞌɨ̀ àa la.

Ètsə 2:3

Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.