Ebùlù 12:27 - Mundani

²⁷ Èngà̧ waa nê, “E mbele mèe” la, e wua shua nê, bɔɔ̀ nga enyiꞋi èghɨ bu Mbɔ̧ɔ̧mà ghɨ̀ la etsǐ, mbɨ̀Ꞌɨ̀ tsiꞋi etɔɔ wuê è bu kà bɔ wu ko enyiꞋi la.

Ebùlù 12:27 ပူးပေါင်းရင်းမြစ်များ

Matìù 24:35

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Lûm 8:21

nkàà nê taa li tsǐ èghɨ bu ègème tà li ngɨ̀ la a èbem ngoꞋ yu nàa ghɨ̌ aa fì la, mbɨ̀Ꞌɨ̀ ghɨ̌ aa baka tsi fì, e bɔ ènɨ̧ wu e ghe, tà nɔ̀ŋe abua bɔ̧ bi la mɨ̧̂.

1 Kɔlìn 7:31

Bòt bu bɔ̀ɔ ngɨ̀à mènəè ngɔ̀ŋ la è mě ntsiꞋi me tseke mbɨꞋɨ̀ bɔɔ kà ghɨ mènəè nè ngɔ̀ŋ mbɔŋ. Bɨ̀ ghɨ̀ ale nkàà nê ngɔ̀ŋ yaa nè mènəè mi tsèà tsě.

Ebùlù 1:10

Mbɔ̧ɔ̧mà ghɨ̀ ale mè nê, “Àwɔ̀ Lefɨ̀Ꞌ, mènəè li me laꞋ nê nàà mbùꞋà, à ghɨ̀ ngɔ̀ŋ yaa, mè ngɨ̀ ègwet wuê a èlɨ mbɔŋ ane èbu bê.

Ebùlù 13:14

Bà ghɨ̀ ale, nkàà nê ba bakà bɔ àlaꞋ ako a sitsǎꞋ ŋàa àa li ewu aya ane àlia nè àlia la, ba wua nchɨ̀Ꞌà àpfəè yu nga ekɨꞋɨ la.

Ebùlù 9:11

Ka Yesò Klistò li nkɨ̀Ꞌɨ̂ mbɨ̀Ꞌɨ̀ wòt tà wu àtsəa bèntsìà mèpɨ̧̀ Mbɔ̧ɔ̧mà ane èghɨ ntsɔ̧̀ bu adzìꞋ yaa la. Àyò yu tàa faꞋa a èbèm la wu àyea a ghe mè ndâ ngu wu mbɨ̀Ꞌɨ̀ a wu ewu la. Àyò mbɔŋ ka ghɨa wɔ̀bȩ̂, è kà mèe ngu àghɨa bɔ ghɨ̀ mbɨꞋɨ̀ bɔ ghɨ̀ èghɨ ko a sitsǎꞋ la.

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 21:1

ÀfɨꞋa mbɔŋ e ndze ègwet fi nè sitsǎꞋ fi, nkàà nê ègwet mbì nè sitsǎꞋ mbì e nyɔ̂, *èdzî nyɔ̂ àzi mɨ̧̂.

Ètsə 21:4

Tàa yòò mèsi ègème àghɨ ayɔb, èvə è ka wu li tsi wu, wòt kà wu li tsi edɨ̌ ko me shùù mèsi leꞋ, àdziꞋa wòt à kà wu li tsi saa, nkàà nê èghɨ nyaꞋ e tsě ègème.”

Ètsə 21:5

Wòt wu tà tseke a gwet àtɨ̧a kèfɔ̧̀ yu la nê, “Bɨ̀ ye, maa ghɨ̌ èghɨ ègème aa tsiꞋi be fi.” Tà mè shu abua am nê, “Shɨ àghɨ yaa, nkàà nê mèngà̧ maa wu mèngǎ̧ nkûŋ, è kùꞋu me wòt nàa bɨ̧ɨ̧ne la.”