Ebùlù 12:25 - Mundani

²⁵ Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 12:25 ပူးပေါင်းရင်းမြစ်များ

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Matìù 8:4

Yesò bɔ̂ shu abua tò nê, “Ko mbɨ̀Ꞌɨ̀ à shu wòt àghɨa a ghɨ̀ la, ka ghǎ nyɨ̀Ꞌte awê abua ntsìà mèpɨ̧̀ Mbɔ̧ɔ̧mà. À me ghǎ à nɨ èghɨ àa nɨ kɔ̀ŋke a Mbɔ̧ɔ̧mà mbɨ̀Ꞌɨ̀ Musì li shu la, enɨ ghɨ̌ waa waa naa ko nê à pem.”

ÀfaꞋa 7:35

“Musì waa e shua la, wu wòt wu bòt Izəèlȩê e li ntû̧ eyute èngǎ̧ tò la. Bɔ̀ li ngɨ̀ tè ntsìꞋa mbììta atò nê, ‘Wàa yɔꞋɔ àwê nê me saꞋa awa à?’ Wu tòà wu Mbɔ̧ɔ̧mà li ntsaa nê, tà wu àtsəa ya mè ntsì awa a èbem ngoꞋ ta la. Mbɔ̧ɔ̧mà li ngɨ̀ wantu̧ vi laꞋa abua to a èbem abàꞋ wu è le wua ngòꞋà la.

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

2 Tɔ̀màtià 4:4

Bɔɔ li tuu̧ eyute mènəè mu è wû me nkûŋ la, etsiꞋi me yute wuê tèlete àku.

Ebùlù 1:1

È li ngu tê àfɨꞋa mbì, Mbɔ̧ɔ̧mà me tsàà bɔntu̧ bi bɔ me làꞋa èngǎ̧ tò abua bètǎt nyaꞋ ba a ngo̧ a ngò̧ ane balu̧ nyaŋ.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

Ebùlù 12:19

èsɔndɨk e làꞋ, bɔ zə àtɔŋ Mbɔ̧ɔ̧mà. Bòt mbɔŋ e zə ànəa tà shu la, shù̧ù̧te nê, bɔɔ kà tsi nkɨ ezə ànəê.

Ebùlù 3:12

Bɔnyɨ bɔ̧, bɨ̀ me ko awɨ̧ mbɨ̀Ꞌɨ̀ ka wòt kǒ wu ane yɨ̧ nè èntɨ̧ɨ̧ kàbɔ̀ŋ, tè ntù̧u̧ a Mbɔ̧ɔ̧mà yû̧, tà kà tsi ngua nkuŋa tò.

Ebùlù 3:17

Bòt bu Mbɔ̧ɔ̧mà li ngua ntsoa ane yɔb ane èngùꞋebȩ èghem yekwì la wu wà ba à? Ka wu bòt bu bɔ li ngɨa kàbɔ̀ŋ, mpfəèꞋta àbâ àlaꞋ àyuube la à?

Ebùlù 8:5

ÀfàꞋ yu bèntsìà mèpɨ̧̀ Mbɔ̧ɔ̧mà ba àa ngɨ̀à la, wu àfəa àghɨa à wu a ègwet la. Àa mbɨ̀Ꞌɨ̀ a li ngu ane Musì la. È li ngu àfɨꞋa tàa nkɨ e ghɨ̀ àdziꞋa ntsèm yu a èbem lob Mbɔ̧ɔ̧mà la, Mbɔ̧ɔ̧mà səèŋkè àtû̧ atò nê, “Ye nê, à ghɨ̌ àghɨ àgème wuê mbɨ̀Ꞌɨ̀ e ndi nyɨ̀Ꞌte awê a ègwet èbȩ la.”

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 22:9

tà shu abua am nê, “Ka ngɨ̀ ale. E ngu wafàꞋ wuê mbɨ̀Ꞌɨ̀ àwɔ̀ nè bɔnyɨ bè bu è wù bèndàꞋàtɔŋ la, mè nè bòt bu bàgème bɔ̀ɔ ngɨ̀à àghɨa bɔ shɨ a èbem àkatè yaa la. WùꞋte wuê a Mbɔ̧ɔ̧mà.”