Ebùlù 12:23 - Mundani

²³ Bɨ kɨꞋɨ àdziꞋa bòt bu bɔ̀ wu mbɨꞋɨ̀ bɔ̧ mbì Mbɔ̧ɔ̧mà bɔ shɨ tèlen tɔb a ègwet la, e bù̧ù̧tè la. Bɨ kɨꞋɨ abua Mbɔ̧ɔ̧mà wu tàa saꞋa wòt ègème la, mè nkɨ̀Ꞌɨ̂ abua bòt mbì bu bɔ li ngu bòt ntsɔ̧̀, Mbɔ̧ɔ̧mà ghɨ̀ àwɔb bɔ tsiꞋi àghɨa tàa nkɨà nê bɔ̀ wu yùà la.

Ebùlù 12:23 ပူးပေါင်းရင်းမြစ်များ

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Jɔ̌n 5:27

Tà ŋa tò àtɔŋ ane ndɨ tàa saꞋa mènəè bòt te lià la, nkàà nê, tà wu Waã Wòt.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

1 Kɔlìn 13:12

Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.

1 Kɔlìn 15:49

Ale, ndɨ bɔ wèè awa mbɨ̀Ꞌɨ̀ wòt sitsǎꞋ la, wu wuê ndɨ bɔ̀ɔ wèè awa mbɨ̀Ꞌɨ̀ wòt wu tà li ndzə a ègwet la.

1 Kɔlìn 15:54

Naa li ngu àfɨꞋa àghɨa àa fìà la a wèè àvi nè àyea àa ka fì la, àyea àa mpfəa la a wèè àvi nè àyea àa ka pfə la. ÀfɨꞋa mbɔŋ, àghɨa bɔ shɨ a èbem Àkata Mbɔ̧ɔ̧mà la a te. “Bɔ nù èvə tè ntsè, èbet wu e mî.”

2 Kɔlìn 5:8

Ale, baa ngùꞋtà wa mè ndâ nko nê, aà mbɔ̀ nê bà sǎ mbɨ̧te ènyit ta tàa ngà ngu nè Tǎt wa Yesò Klistò àdziꞋa tà wù la.

Efesɔ̀s 1:22

Mbɔ̧ɔ̧mà zi èghɨ ègème a èten èka Yesò Klistò. Tà wu a ègwet àghɨ àgème, wuê mbɨ̀Ꞌɨ̀ tà wu àtsəa bòt chɔsì la mɨ̧̂.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Kɔ̀losìà 1:12

mè nkɔ̀ŋkà a Tǎt wa Mbɔ̧ɔ̧mà. Tà ghɨ̂ bɨ kùꞋù bòt bɔ̀ɔ nɨ ayɔb ne àghɨ ayɔɔ èghɨ bu tà nɔŋe abua bòt bi bu bɔ̀ɔ ngȩȩna a èbem kèfɔ̧̀ èkaꞋà tò la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

1 Tɔ̀màtià 3:5

Wòt bakà wu ko ebaãaã lob zi, tà ghɨ̀ na ka nko mbà̧aã bòt Mbɔ̧ɔ̧mà à?

Ebùlù 11:4

Èntɨ̧ɨ̧ wu Abèl li ndzi ane Mbɔ̧ɔ̧mà la e li ngɨ̀ tà ŋà èghɨ e bɔ̂ŋ ntsè èbe Kên la abua Mbɔ̧ɔ̧mà. Èntɨ̧ɨ̧ mbɔŋ tà li ndzi ane Mbɔ̧ɔ̧mà la, e li ngɨ̀ Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Ba ko anè nkàà nê Mbɔ̧ɔ̧mà li mbɨ̧̀ɨ̧̀ne nɨ èghɨ bu tà ŋa abua tò la. Abèl li mbàte mpfə ale ka ba bɔ̂ mbèla ndzəa ànəa àghɨa tà li ngɨ̀ la, nkàà èntɨ̧ɨ̧ wu tà li ndzi ane Mbɔ̧ɔ̧mà la.

Ebùlù 11:40

A li ngu ale nkàà nê Mbɔ̧ɔ̧mà taŋkè àghɨa ntsɔ̧̀ àko abua ya, mbɨ̀Ꞌɨ̀ bɔɔ fɔte ba tò ba ka ebɔ, è wù àghɨa bɔ bɔ ndɨ bɔ̀ɔ wu yùà la.

Ebùlù 2:12

Tà laꞋnê, “Mbɔ̧ɔ̧mà, maa nga elàꞋa ànəa yê abua bɔnyɨ bɔ̧. Emě shu ndɨ à ghe la àdzìꞋa bɔ bù̧ù̧te ane èlen lê la.”

Ebùlù 9:27

Waa waa bɔ ndɨ tàa pfə ngò̧ yemɔ̀Ꞌ, e me lɔ̀Ꞌɔ Mbɔ̧ɔ̧mà naa saꞋa atò la.

Jimsì 1:18

Tà li ndàꞋ èngǎ̧ nkûŋ vi, mbi awa ane mènkɔ̀ŋke mi nê bàa tɨ̧ɨ̧ a mbì àghɨ àgème ye ghɨ̀ la.

1 Pità 2:23

Bɔ li bɔ ghɨ̀ bɔ̀ tsò̧ò̧te atò, tà kà vəə ane kèntsɔ̧̀ɔ̧̀mè. Bɔ̀ me ghɨ̧̀ɨ̧̀ne atò tà kà kaà wòt. Mbɔ̂ tà li nɔ̀ŋè ntɨ̀ zi wuê ane Mbɔ̧ɔ̧mà wu tàa saꞋa ànəa wòt wuê mbɨ̀Ꞌɨ̀ àa la.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 14:4

Bòt baa wu bòt bu bɔ nɔ̀ŋè ènyit yɔb ntsɔ̧̀, bɔ̀ ka li mè paꞋte àvi la. Bɔ li ngua nkùŋà Wanjɨ̀ wu àdziꞋ àgème tàa ngà la. Eyaa wu bòt bɔ làà àwɔb nchùꞋù ètsə bɔb ayɔɔ bɔbȩ, mbɨ̀Ꞌɨ̀ èghɨ mbì bɔ fuꞋu ŋa abua Mbɔ̧ɔ̧mà bɔ̂ Wanjɨ̀ wu e nɨ nyɨꞋte nê èbu bɔ̀ bele ka fùꞋù la e wu abua tò la.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

Ètsə 6:11

Bɔ mè ŋǎ èmà̧ kèfə abua wòt ègème ane yɔb. Bɔ ŋa ale mbɔ̂ shu abua yɔb nê bɔ̀ mě ntsèke ane àfɨ̀Ꞌ àko, tè kèmpà̧ bɔnyɨ bɔb bu bɔ̀ wu bɔfàꞋ Mbɔ̧ɔ̧mà mɨ̧̂ la ghɨa nkùꞋ. Eyaa wu bòt bɔ li mbɔ ndɨ bɔ̀ɔ bùŋe mbɨ̀Ꞌɨ̀ bɔ li mbùŋè èbaa nè bòt la.

Ètsə 6:9

ÀfɨꞋa tà nà̧à̧nè àdziꞋa àmènà yu betà̧â̧ la, e ndze èlɨ̀ŋkè bòt bu bɔ li mbùŋè àwɔb nkàà ndɨ bɔ li ngua ntsɔ̀tà èngǎ̧ Mbɔ̧ɔ̧mà mè me shu nê bɔ̀ bɨ̧ɨ̧ne èngǎ̧ mbɔŋ la. Èlɨ̀ŋkè mbɔŋ e li ngu a èten àdziꞋ yu bɔ̀ɔ ntò̧à banyà̧ ŋa abua Mbɔ̧ɔ̧mà la.