Ebùlù 12:2 - Mundani

² Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 12:2 ပူးပေါင်းရင်းမြစ်များ

Matìù 16:21

E buꞋu àfɨꞋa mbɔŋ e ghà nè mbì, Yesò bùꞋ me shu bɔkatè bi ndɨ yèa ghǎ a Jèlusalèm e tàꞋa ye ngoꞋ a tèkitebu bɔɔjuŋ nè bètǎt bèntsìà mèpɨ̧̀ Mbɔ̧ɔ̧mà ndɔ̀Ꞌ nè bènyɨꞋtà mbɨ̧te Musì la. Nè, bɔɔ̀ li ebùŋè àvi ka naa me wu ane èlibȩ betat yea yu̧u̧me.

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Ntu̧ Ntsɔ̧̀ MAK 14:36

Tà li ntsàꞋtè nê, “Tê, betsiꞋa ànəa ko à ka tse awê. Tsǐ ndɔŋ ngoꞋ yàa ane yaã. Ka à ka ngɨ̀ mbɨ̀Ꞌɨ̀ e nkɨa la, ghɨ̀ wuê mbɨ̀Ꞌɨ̀ àa nkɨà la.”

Ntu̧ Ntsɔ̧̀ MAK 15:28

Bɔ li ngɨ̀ ale, ànəa bɔ shɨ a èbem àkatè a Mbɔ̧ɔ̧mà la a dzəè nkûŋ nê, “Bɔ̀ le zi atò ayɔɔ bòt kàbɔ̀ŋ.” ]

Ntu̧ Ntsɔ̧̀ MAK 16:19

Mbɨ̀Ꞌɨ̀ Yesò Lefɨ̀Ꞌ è paa a màndaꞋa abua yɔb la, Mbɔ̧ɔ̧mà bê nɨ̀a tò ngà a ègwet tà tseke àbâ àbualu̧ a tò.

Ntu̧ Ntsɔ̧̀ MAK 9:12

Yesò bɨ̀ɨ̀lè nè, “Wu nkûŋ nê Èlȩjà naa kɨꞋɨ a mbì mbɨ̀Ꞌɨ̀ e ghɨ èghɨ ègème aa wu mbɨ̀Ꞌɨ̀ e ghɨ̂ ngu ewu la. Ghǎ ghɨ̂ ka bɔ shɨŋ nê Waã Wòt bɔ ndɨ tàa ye ngoꞋ, bɔɔ tsǐ atò ayɔɔ la à?

Ntu̧ Ntsɔ̧̀ MAK 9:24

Tǎt waã wu bê ŋȩ nê, “Mâ zi èntɨ̧ɨ̧ am ane Mbɔ̧ɔ̧mà ka è nka paà. Tɨŋe am è ndzì tê mpàa!”

Lûk 17:5

Bɔntu̧ Yesò e ghɨ̀ ale, shu abua tò nê, “Ghɨa mèntɨ̧ɨ̧ ma me kweele ane yê.”

Lûk 23:11

Elɔ̀d bɔ̂ bèshujà bi e wȩ̀ȩ̀tè a Yesò, mbɔ̂ mè ntàꞋa eghɨ̧̀ɨ̧̀ne atò. Mbɔ̂ ndzì taꞋà èmǎ̧ èkab a mbɨ̧̀ tò, ka mbɔ̂ mè ntsaa atò abua Pȩlèt.

Lûk 24:26

Tè bɨ bakà ko laꞋ nê Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ ka bɔ tseke a ègwet àtɨ̧ Kèfɔ̧̀ Mbɔ̧ɔ̧mà la à?”

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

Jɔ̌n 12:24

Ane nkûŋ, tsiꞋ è shu awɨ̧ nê bɔ bakà nyɔꞋɔ kèmbèm ntsəè a si tè kea tuu, kèmbèm fu kea fì, ko kea tèꞋà wuê kemɔꞋ. Mbə kè tu kèmbèm fu kè fia ka ke shɨꞋ ndzì tèbèmtsə nyaŋ.

Jɔ̌n 12:32

È me wu am, ko àfɨꞋa bɔ lɔ̀kè am a si ntsaa ègwet la maa ghɨ̌ bòt bàgème aa kɨꞋɨ abua am.”

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

Jɔ̌n 8:56

Tǎt wɨ̧ Abàlàghâm li ngùꞋtè àvi e ye àli am, tà li ndze, a mè mbɔ̌ atò.”

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

Efesɔ̀s 2:16

Èvə lu tà li mpfə a mbɨ̧̀ mbasa la e li ntsəèꞋne awɔb nè Mbɔ̧ɔ̧mà, ntsì mbù̧ yu è li ngu a kètsìà wɔb la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Filìpȩ 1:6

Mâ lâ nkoê nkûŋ nkûŋ nê, Mbɔ̧ɔ̧mà wu tà li mbùꞋ àfàꞋa ntsɔ̧̀ àzi a èbem mèntɨ̧ɨ̧ mɨ̧ la, naa me ghɨa nɨa ngà nè mbì te tsiꞋi epaate ane àli yu Yesò Klistò nàa li mě ekɨꞋɨ la.

Filìpȩ 3:20

Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Ebùlù 1:13

Mbɔ̧ɔ̧mà te bakà shu abua wantu̧ vi kǒ nê, “Tseke àbâ àbualu̧ am tè e ngɨa ngɨ̀ à tsite èka bè a ègwet bɔmbù̧ bê.”

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 10:14

Tà ŋà àtsəa zi ngò̧ yemɔ̀Ꞌ ale, ngɨ̀ bòt bu Mbɔ̧ɔ̧mà shùù mènəè kàbɔ̀ŋ mɔb la e tsiꞋi àghɨa bɔ wu ewu yùà la ane àlia nè àlia.

Ebùlù 10:33

Bɔ li ngua ntsɔ̧̀ɔ̧̀tà wɨ̧ àfɨ̀Ꞌ àko ayɔɔ banɔ̧̀, è wu àfɨ̀Ꞌ àko bɨ me kɔ̀ŋke e tɨ̧ɨ̧ a mbɨ̧̀ bòt bu bɔ li ngua ngɨ̧̀ɨ̧̀nà wɔb a èlɨ waa la.

Ebùlù 11:36

Bɔ li ngwȩ̀ȩ̀tè èbeko, shù̧ù̧ àwɔb mè nkùùle èbeko ane fȩtsə màꞋà wɔb a lob tèfȩ.

Ebùlù 12:3

Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ebùlù 7:19

Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.

Ebùlù 8:1

Ngule ànəê yu ba shua ane èngà̧ waa la wu nê, ba bɔ àtsəa bèntsìà mèpɨ̧̀ Mbɔ̧ɔ̧mà mbɨ̀Ꞌɨ̀ è waa tà tseke a ègwet àtɨ̧a kèfɔ̧̀ a ègwet àbâ àbualu̧ a Mbɔ̧ɔ̧mà àtsəa ngɔ̀ŋ la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

1 Pità 1:11

Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

Jûd 1:21

Bɨa me chɨ̀Ꞌɨ àfɨ̀Ꞌ yu Yesò Klistò Lefɨ̀Ꞌ wa nàa nɨ tèsȩ ti e ghɨ̌ bɨa bɔ mèmpème kàlìà la, bɨ me tseke ane èlɨ Mbɔ̧ɔ̧mà nàa me kɔ̀ŋkè àwɨ̧ la.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Ètsə 1:17

Mâ ye atò ale, mbê nchu mbɔ̀tè a mbì tò mbɨ̀Ꞌɨ̀ wòt tà pfə la. Ka tà nɔ̀ŋè àbualu̧ azi a ègwet laã nê, “Ka mbɔ̀â, E ngu MèmbùꞋu nè Mèndìa,

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

Ètsə 2:8

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sìmȩnà la nê: ‘Eyaa mèngǎ̧ wòt wu tà wù MèmbùꞋu nè Mèndìa la. Wu tòà wu tà li mpfə mè njù̧ù̧me la.